多多麵飽西餅 (已結業)

多多麵飽西餅~~~美乎係總店~~~觀塘係分店~不過都開左好多年了~~~~觀塘好多麵包店~~呢幾年越來越多~~可能觀塘多老人家掛~~為了加競爭力~~~佢地係物華街都轉了很多位~~~點都要做物華街最頭一間曲奇，葡撻，鳥結糖都係佢地既買點~~宜我由細食到大都係芝士條因為芝士特別多~仲有個紫米南瓜包~~出面少見~~!仲有佢地既生日蛋糕黑森林好抵食~~以前家人生日我地都會買~~而家就多數我自己整~~今日第一次試芒果糯米滋~~都幾好食~~

本來這裡的麵飽和曲奇的確ok, 質素唔錯的, 但我實在不滿收銀員的服務態度和手法。今日因為順路, 所以幫襯這裡的麵飽, 我要了$3.50的白方飽。當時碎銀包內只得三個一元和三個兩角散銀, 而我的兩手拿滿東西, 很不方便, 所以不想取紙幣來找續, 收銀員收了我的$3.60元後, 竟無意給我找續, 但我沒有離開, 她才表現不悅的說『沒有得找』。 店內沒有指明不收一毫和兩毫的碎銀, 亦沒有說一兩毫不設找續, 那有理有想不找續就算了呢! 我很不滿這店的收銀員態度, 以後就算要行多幾步去另一間飽店, 我也不會再幫襯這店, 無理由要『買難受』o者!

這裡的曲奇真的算不錯, 最近買了一磅返家, 推廣期有九拆, $36元一磅, 價錢算合理!很香口的曲奇, 不會太甜, 所以食到不能停口, 不到三天已經吃光了。我建議可在包裝上列明食物的成份和卡路里, 那就好了, 等我可以看清楚份量來吃, 吃得可以安心些!

幫襯這裡的麵包已很久, 原因是地點就腳, 而且這裡的麵包的確算幾好食, 但對這店舖有很多不滿的地方。就如其他食客說這裡的收銀員態度欠佳外, 食物衞生也不太理想,我經常看見他們在收鋪前,在麵包沒有遮掩的情況下, 在麵包附近噴清潔劑, 我真的不明白, 這些麵包還可以賣給人客嗎!?新年後, 到處都加價, 當然這裡也不會例外。我平時會在晚上買麥方包作為明天的早餐。記得以前這裡的半磅裝麥方包是$3.5, 而一磅裝是$7元, 我以前想買半磅時,經常都買不到, 而收銀員又不肯將一磅裝的麵包分拆再賣給我, 我便被迫要買一磅了, 我想他們的目的是想賣多點吧。但現在加價後, 半磅是$4.5,而一磅是$8, 現在我有時想買一磅裝的麥方包, 就永遠都買不到的, 因為全部都被他們包裝成半磅裝, 而我又被迫要買兩包半磅裝, 本來8元一磅的, 現在要收9元, 我覺得很不合理, 我覺得『多多』正一奸商, 為了賣多點錢,根本無理會人客的需要。現在我為了慳錢,有時會買半磅麥方包($4.5)和半磅白方包($3.5), 做家中的早餐。

經常都會到『多多』買飽,因為就腳, 但多次給我看到收銀員沒戴手套就用手包鳥結糖,一粒一粒包,嘩~好唔衞生啊, 粒粒糖都被她用手拿過, 雖說眼不見為乾淨, 但我總覺得佢地這樣處理是不當的。請她們留意留意!

因為偶然會去食龜苓膏的關係而經過這條有很多bakery的物華街第一次去這店時看見一女店員很張揚地用手踫大麥包，看它是不是還熱。其實這些事情很常見及一定存在，像Edison相片事件，只是讓你看見與否。所以，我也買了個『紫米南瓜包』。南瓜蓉很多很軟，而且味道不錯第二次打算又買個包for明日早餐時看見了幾隻蚊支在包上飛來飛去…然後我去了yamazaki為何總讓我看見這些事情?

本來多多飽店Ｄ飽都ＯＫO既，但那些收銀員的態度就麻麻啦，成日黑口黑面對住人，自己幾個收銀員就成日一路收銀一路講是非，口水花四散，仲有有一次我買半磅方飽＄３．５，我給她一個兩元、一個一元、一個兩毫和三個一毫，那收銀的態度表現不高興，不但多謝沒句，更將Ｄ銀掉落收銀機裡，我知她不喜歡我的錢有一毫和兩毫，但一毫和兩毫不是錢嗎？我無犯法喎，又不是３５個一毫！她們的服務態度實在應作檢討！多加改善！

年廿九, 阿D話接我放工陪我去觀塘食飯. 食完間乜冇乜既譚仔米線後, 唔夠喉走去多多想買十字包飯屋企食. 去到多多, 十字包一早賣晒, 眼見有好多賀年食品. 一場黎到, 梗係點都要買返D野返去啦. 就叫左店務員要半磅曲奇餅啦. 點知果位店務員可磅磅下就話岩岩好一磅叫我要埋佢. 雖然佢呢種做生意既手法令我有點反感, 但年尾我都唔想同人家嘈...就算數啦.好好彩, 曲奇餅比我想像中好味好多, 特別係咖啡味令我一塊一塊咁停唔到口.終於一磅既曲奇畀我2日內消滅左!! 年年減肥年年肥, 都係疊埋心水過肥年啦, 哈哈!

黃昏時分，店內人頭湧湧，主人買麵包做早餐，龐大的奴隸獸唯有在店外等候。1. 提子丹麥條（HK$4.5）：較為硬實，牛油味道不夠。2. 提子椰絲卷（HK$4.0）：外型吸引，椰絲味足夠，味道OK。3. 紫米南瓜包（HK$4.5）：隔夜後仍然非常軟熟，餡料不太甜，味道有新鮮感，值得推介。

響官塘做左成年野, 都唔知原來呢到有間多多。我好鍾意食多多既鳥結糖, 所以買左一磅返屋企食。(半磅原味, 半磅咖啡味)。鳥結糖依然"煙UN", 花生亦十分香口, 無變"益"。十分OK。咖啡味就怪怪的, 都係原味好食D。食完會再黎買過。

經過有好香麵包香味, 入去買d包先.$10有3個包, 選左雞角, 酥皮奶黃包及丹麥條.我就食左個雞角, 真係唔錯又香又正. 下次都去買先, 又抵又好食.

這間麵包店在觀塘出名多人幫襯，而且味道不錯，所以最近在觀塘又開多間分店，這裡的葡撻很好味，只需十元三個，其他麵包都好有水準。