多麵館

营业中

休息中

湯餃好食，好大隻，可選6隻或10隻餃子推介蟲草花餃子，試過中午去食已經賣晒湯好好飲我亦喜歡韮菜餃可以加錢選雙拼或加餃子另有煎餃和湯麵不過我未試過環境乾淨，算闊落坐得舒服

今日去咗長沙灣呢邊上堂可能仲係新年假關係仲有好多舖頭都未開成個新年實在食得太Heavy 所以就決定食餃子冇咁Heavy 湯餃係有米線set可惜煎餃係冇，就算加面，都係得好細碗Lunch時段好多人，所以都等咗一段時間先至上菜睇到其他人嘅comment，降低咗自己期望我叫咗韭菜鮮肉餃首先試吓佢個湯底先，好好飲一啲味精都冇然之後試過韭菜鮮肉餃啖啖都係韭菜好好味如果佢係煎餃就好啦米線嘅份量都唔係太多但係飲埋湯就份量，剛剛好如果餓嘅話可能要叫加底會好啲

自家製泡菜和秘製菜甫好味，湯餃湯底清甜，皮夠薄岩我口味，花雕唐心蛋一吃難忘，花雕雞翼要放一陣才吃，所有餃子都送好味豆漿(必試)，煎餃也外香口，味道不錯好吃到忘記點醋！

今日約了朋友去長沙灣睇戲。 見到有間新開既餃子店就入去試下。 晚上六點半去到都差不多滿座。 鋪面員工只有兩個，因人手不足的問題，碗碟及水須自行領取。下單是用QR code的。本身想試雲耳椰菜鮮肉餃，但已售罄。叫了一份十隻的雜菇鮮肉餃（$50）及一份十隻的菠菜苗鮮肉餃（$50）。湯餃是無味精：花膠淮山甘筍豬骨湯。湯不錯的，有淮山及甘筍的甜味。餃子方面，覺得這間店舖的餃子比較細，餡料不算太多，不是大大粒的那一種。而兩款餃子比較，覺得雜菇鮮肉餃比較出色。菜甫：不是太辣，但朋友很喜歡。麻辣油：都不是太辣，可能喜歡食辣的朋友會略嫌他比較失色。總結，可以一試的餃子店，比較喜歡他的湯底。

最近新開嘅餃子店，之前經過都見到無乜客，驚中伏無入去食。最近見到多咗客，估佢應該都唔錯先會多咗客，就去試試。入到去坐低，感覺好家庭式經營嘅餃子店，有個小朋友俾個QRcode我落單。落單時見到+$5可以轉蕃茄湯，作為一個蕃茄控當然唔會放過落單之後好快就有得食。個蕃茄湯超重唔屬於新鮮蕃茄嘅酸味，應該是用茄膏或者茄汁煲出來但湯亦都唔濃，加咗幾粒頗完整蕃茄碎。叫咗芫茜蘿蔔餃，餃子皮無乜特別，餡有少少芫茜味亦無乜肉香味。另外加咗溏心蛋同羅漢果菊花茶。溏心蛋如圖都見到，overcook咗。羅漢果菊花茶有啲__，我唔係好熟唔去comment了。成餐無半樣嘢令我想再食多次

見新開同男朋友黎試下 。兩個人叫左個麻辣肥腸拌麵、一個韮菜鮮肉米線、一個小雲吞（細）同一杯豆漿！杯豆漿好貴 。。咁細杯要$8😑14分落單 。。等左成半個鐘先出到拌麵同小雲吞！出呢兩樣野既時候先黎講冇韮菜鮮肉😑 等咁耐先黎講冇 。。點樣唔燥😑 成餐得小雲吞個湯係ok 。。開鋪頭可唔可以比番小小誠意？我叫麻辣湯 。。個湯就辣椒油加水咁 。。咁就要加3蚊 。。啲米線又有少少未淥熟叫人點食？

本來新蒲崗度都一直食開，同老闆娘都好熟了，然後話會唔做真係嚇我一跳，原來只係搬舖～差唔多開左成個月先有時間嚟幫襯，而家舖面大左好多靚左好多，人手又多左，重有qr落單，真係唔同哂喎～應該可以更加有效率了👏🏻而且呢度人流比以前多好多，可以有更加多人試到佢嘅靚湯（冇味精唔口乾又甜)靚餃(好多款我都中意）實在太好啦～舊店都介紹過有咩正所以唔長篇了，總之自己嗌返最中意嘅小雲吞同蘿蔔餃，正呀👏🏻👏🏻有機會要多d嚟幫襯下至得