大中華素食

营业中

休息中

晚市套餐竟然不跟飯小菜的選擇不多只能選一種小菜和主食類(炒飯)and份量超小這樣的價錢實在不需要幫襯他啦~

2008-08-16 月初收到舊同事電話想約食飯，於是就去咗大中華素食食飯（因為當中有同事係素食者）。 呢一晚我哋一行五人出嚟（已經好一段時間冇見）! 呢度雖然改名，但味道同服務質素都同「禾之家」一樣，始終如一 ! 當然仲有老闆親切服務態度，就已經係信心保証喇！ 今晚叫咗好多嘢食：百合南瓜羹、竹笙扒露筍、中華豆腐（我最鍾意嘅餸）、金絲裏劍魚、南瓜豬扒侷飯(真係好似一哥豬扒飯口感)、好好味！原本仲想叫埋雙色刺身俾同事試，可惜驚食唔晒，所以冇叫到...　今晚精美嘅餸菜，個個都好滿意...而且食滿$200就已經有一張VIP咭..好抵! 今次訂枱時仲講明坐半圓梳化，又可自成一閣，傾計唔怕嘈到人...一流!　 (最後我哋坐到人咊落閘先埋單走...真係唔好意思) 我哋以後飯局又多個新目標了～好嘢！

13/07/2008同阿B本想去廟街食煲仔飯,經過呢間食素既地方見到面口有幾個人排隊之後行行下都覺得好似呢個時候無左煲仔飯,都係去左呢間食素,諗住幾好食,點知又真係幾好食WOR,下次一定會再食我地兩個人叫左焗咖哩炒飯麵包同雜菜煲一叫個炒飯個侍應話有少少辣,我地就話唔緊要(食得辣ma~)一上黎既炒飯既麵包好有驚喜wor係好大個,相信3個人食都覺得多個麵包係脆ga,無比d汁整淋,上面有足夠既素蝦同腸仔,好好味d炒飯都好夠味而且有鑊氣~之後就係雜菜煲d雜菜唔係煮完擺落個煲度,d菜真係係個煲度煲熟~上檯時係出曬煙ga,而且唔油worrr!!!好好味呀,清清地平時都覺得食素唔係唔好,只係比較多油但呢度真係無咩油呀,好好味呀食完之後佢地送左個紅豆紫米露比我地個紫米露煲到好正呀,唔太甜但好夠火喉,好正呀!!!$138加埋一,三個人都夠食呀下次一定會再黎~~~

上星期四，同媽咪及五歲囡囡去佐敦行街，到六時左右，開始搵嘢食，因為我媽咪食素，所以就試吓呢間。在門口見到嗰牌寫住因免其他輪流客人等候，所以每枱用膳時間只有1小時30分。因為我的小朋友食飯時間都算快，就試吓。地方好細，我囡囡張椅拉後六吋，已經撞到後面張枱，肥d都坐唔落。三個人叫咗個二人套餐加猴頭菇，因為我小朋友喜歡菇類食物，唔知係我唔識字定佢定無寫，個菇有黑椒。套餐d餸咸到以為自己做咗咸蟲。成晚都不停飲茶和水，唔知食飯飽定飲水飽。雖然送張會員咭，下次食飯有九折，不過都唔駛預我。我媽咪如果早知，行多幾個街口，去食xx過橋米線。

果晚係農曆六月十五, 如常約了2位好友一齊出佐敦"大中華"食齋! 知道多人己預早訂位, 去到果然好多人!友人向帶位請示但遭受白眼, 無回應之餘還招呼沒有預早訂位推門而入的客人, 可能真的人手唔夠, 一句 "請等等" 也說不到吧! 但這已弄至友人為之不滿, 卒之入坐時間比訂坐時間遲了15分鐘! 由於有限定結賬時間為1小時15分鐘, 所以亦要延時了! 講吓我地點咗d咩餸啦..餐牌上嘅二人餐$138- 包括薏米南瓜湯(唔記得影相), 唔係咁好食, 有薏米同磨菇, 有d怪怪地!鎮江脆膳, 味道太濃...咸魚炒芥蘭, 好好味, 咸魚味好似...黑椒猴頭菇炒秀珍菇(唔知咩名), 味道都算唔錯!加餸嘅有好味但差少少唔夠脆嘅吉列豬扒, 個樣好似, 但唔好忘記呢度係一間齋舖喎! 反而個肥佬老細好有禮貌&識做! 投訴完之後送張會員折扣咭,同場加影隔離枱嘅荷葉雞飯, 最後係好好味嘅紅豆莎-完場! 3個人食咗$250-, 價錢合理, 但總括都係一般! 希望下次好 D 啦!