大伙頭 (已結業)

迷你焗豬扒飯🐷$20 (下午茶)今日放假，去食下午茶😀本身諗住去街頭間餐廳食撈麵😫可惜佢無聲無聲地執咗😭懷住傷心嘅心情響附近搵食😕結果響隔離街見到個休閒3點3優惠😳價錢夠貼地🥳不過真係限時優惠😂只限一至五，下午3:15至3:45😀雖然叫嘅係迷你焗飯🙈但份量一啲都唔少👍豬扒仲要夠腍夠厚身🐽而且落咗勁多芝士🧀完全啱曬我口味🤩真係好抵食😘大伙頭 (土瓜灣)土瓜灣新山道16號欣榮花園地下5-6號舖

每逢星期六我都會喺土瓜灣返part-time土瓜灣出名多嘢食所以幾乎每星期同事都會帶我去食唔同嘅嘢今次嚟到呢間嘅最大伙頭嘅茶餐廳一入到去幾乎係滿座所以其實我對呢間野都有啲期望不過原來期望越大真係失望大滑蛋叉燒飯準確嘅價錢我唔係記得好清楚因為放飯時間得壹個鐘等位都等左好耐但冇記錯的話應該係$52首先滑蛋一啲都唔夠滑叉燒一眼望落就知好乾我係一個好鍾意食滑蛋叉燒飯嘅人可能真係我要求太高啦午餐肉豬扒飯冇錯一個咁樣嘅頹飯都係要50幾蚊雖然塊豬扒好似煎得幾靚但係講到尾只不過係豬扒同餐肉加多幾粒粟米然後收五十幾都幾唔抵重點係呢度嘅服務態度實在差到嚇死人繁忙時間叫極人都叫唔到人我想攞支豉油叫唔到人唯有自己出位攞結果即刻有人沖埋黎阻止我直頭有啲當我係賊咁總結來講食物唔多好食服務態度又唔好所以應該唔會再食了

放假起身第一餐最想食茶記今日就黎試下屋企附近呢一間經過好多次 每次都見到幾多人下同老公兩個坐底 座位唔算逼餐牌好多選擇既 影幾頁睇下除左茶餐 常餐個d之外 仲有每日午餐我同老公今次都揀茶餐好surprise有麥包揀我揀薑絲牛通 麥包多士粟米太陽蛋 茶走小甜麥包厚多士唔夠乾身所以唔脆但味道ok 粟米亦唔會話好油牛通個通粉冧得濟 但牛肉好大塊茶走個茶底唔夠濃同熱 另外用膠兜上練奶好失望 太唔環保如果早知係分開上 我就走甜老公既佢食多士炒腸蛋 配沙嗲牛麵 凍檸茶佢話個麵既湯唔夠熱 個麵有d硬其實間餐廳個餐牌同職員招呼比人個感覺係幾好既我地諗係咪因爲假日比較忙所以食物差小小會俾多一次機會試下再作定論

土瓜灣多嘢食大家都知，身為這裏的街坊，當然要試吓呢一間重開的「大伙頭」餐廳，其實這一間之前也曾在這同樣位置重開經過這次重新裝修後的感覺，比之前寬闊另再加上了一點點懷舊的裝修至於餐牌就沒有突破，都是一些傳統的編排方法今日選擇了一個豉汁蒸倉魚的晚餐當然它奉上一碗白飯，餐飲我改叫了一個龍鳳檸樂，今日的參叫的倉魚跟一般男士手掌差不多，這條也是新鮮游水魚，豉汁味交濃有少少蓋過魚的味道，但師傅蒸起有點過火，使到有少少可惜，需要加$7的龍鳳檸樂，雖有大支裝的可樂提供，但今次檸檬味欠缺

一直都想試下大伙頭既歐陸全日餐，因為我鐘意佢可以自選食啲咩，自由度大今次終於試得到喇❤️❤️餐廳面積大，座位都好足夠，入面既座位都舒服既，裝修都新淨，整體感覺都舒服既餐廳有好多野食，多元化既，而且每樣野都可以自己選擇我地梗係叫左歐陸式全日早餐，呢個早餐分左三個部分咁嗌既，第一部分我就嗌左香脆魚柳加薯餅第二部分就嗌左牛油厚麵包🥯🍞而第三個部分我就嗌左炒蛋，蔥花炒蛋🥚同香腸🥨🥨魚柳方面粉唔會太厚，而外面已經夠哂脆，入面魚肉夠哂滑同夠魚味，最梗要又大塊又熱辣辣薯餅唔會炸得太乾，食落去入面都保持到部分水份，又唔會有重油益味多士夠哂脆，牛油味重炒蛋同蔥花炒蛋地不錯看，而且食落去都夠滑同有蛋味，蔥味唔會蓋過左蛋味，只係唔夠熱，凍哂了，香腸就無咩特別，可以煎脆小小飲味我就嗌左凍鴛鴦，總係覺得有陣燶味，唔知係味鴛鴦本身有呢陣味？總體呢個值錢食到呢個質數既全日早餐就很不錯喇

今晚同個女撐檯腳，叫左梅菜扣肉、蒸咸鮮魚🤔嘜冬冬、沙拉骨，$68加$18有湯、飯、甜品。好似好豐富，我地加$36蚊，送上2個湯-湯好似真係堅料，唔同出面咩傷心湯都同一個味，料多豬骨應該係新鮮豬骨。先來沙拉骨，D醬經過處理，好味骨好脆肉爽，平時小食因為覺得肥但我地食哂🙇🏻‍♀️好之後梅菜肉餅+咸鮮魚。原來咸鮮魚係有小小鹽醃製後用薑絲清蒸我喜歡，好有魚鮮味咸咸地加薑味，再加梅菜肉餅好好好好味😍好味過屋企工人煮幾培啦🤔好似呀嫲以前既味道😍😍😍掛念的。我地兩個清哂三碟餸。其實好饱，D職員送上甜品，打開紅豆沙😐好啦！試2野啦。好味都係重料有心做架喎。好。最喜歡有誠意既食物。下次再看看其他先，我會再試港式海南雞飯😳

裝修重開兩星期都冇上星期食早餐見到佢下午茶好吸引所以決定Try Try不開見到炸到金黃色既蝦多士已經流口水急不及待咬左一淡多士 原隻蝦一淡放入口多士超級鬆脆 配埋個多士既醬 好香口 美中不足 就係明明話厚多士 但唔覺厚同埋等兩舊唔夠喉呀！奶茶都唔錯 好滑 濃番少少就正啦！

上星期，同朋友去開土瓜灣，Lunch Time到，對於我一年都去唔到一次土瓜灣，都唔知食咩好，行行下，見到有間餐廳，望落環境幾舒服，睇真啲，原來係茶餐廳，決定入去試下，聽啲職員講原來係新開，唔怪得環境裝修好新淨，感覺舒適!我叫了一個海南雞飯，幾有驚喜，啲雞確實幾滑，油飯相當唔錯，唔知落左啲咩呢？!顏色係好淡好淡嘅黃色，唔會好似一般餐廳咁用黃薑粉之類加色，朋友點了臘腸炒蛋飯，幾特別，一般茶餐廳唔會有，我試左一啖，啲蛋好滑啊，有蛋香味，飲品都好特別，本身每個餐有包一杯飲品 只要加錢就可以轉飲特飲，我地叫左一杯麥精紅豆冰，紅豆大粒而且多，同埋一杯忌廉溝鮮奶，賣相好吸引，原來係要自己倒入去杯到，牛奶同忌廉會慢慢溝埋，幾得意，幾好玩啊!

通常飲食業有客做得好地地都唔會貿貿然停業裝修燒銀紙。見到舖頭裝修通常重開就會變咗第二個名。 一向好生意的大伙頭早排裝修咗四個幾月，重開營業，點都要試一次。入去簡簡單單食個早餐，啲間隔轉哂，早前方便一家人食飯的大卡位無哂，大家排排坐鐵凳。以前有個半露天地區係同區首創，一向好聚人流。有批養寵物同煲煙客打擁躉。咦，諗諗下附近有呢類餐廳都改哂呢啲位，🤔🤔🤔唔通呢排俾人投訴要俾政府周？食物相自己睇，你見水汪汪無色都知唔對路，總之同以前好唔同，其他腸仔火腿無咩好講了