大利茶餐廳 (已結業)

呢間係茶餐廳真係由細食到大🤣🤣佢嘅常餐，唔算好高水準，但就係comfort food沙嗲牛肉米配火腿炒蛋多士，凍檸茶少甜牛肉份量唔少，沙嗲味濃炒蛋正常唔算滑，多士都唔算出色不過食嘅係回憶😆

雖然天氣未轉涼，但經過大利門口已經聞到煲仔飯既香味，於是就決定今日食煲仔飯啦！叫左個油鴨脾滑雞煲仔飯，送左碗例湯：青紅蘿蔔豬骨湯，湯味道一般，同其他茶餐廳一樣係普通味精湯。等左接近15分鐘，主菜終於黎啦，煲仔飯蓋上蓋，不斷發出吱吱聲，好熱辣辣既感覺，因為想有多d飯焦食，所以我再等左5分鐘焗多陣。滑雞好滑，煮得啱啱好，夠入味，油鴨脾細細舊，味道都幾好，煲仔飯最緊要當然係飯啦，飯我就覺得硬度剛好，但我加埋甜豉油之後，好似有d濕了，飯焦好脆，正！等遲多幾日凍少少食一定仲滿足！！！

下班去大圍攞野，經過這間茶餐廳，裡面好多客人，9成滿座，決定入去試下。第一次來，店來燈光通明，環境都幾乾淨。我叫了椒鹽豬扒飯，等了幾分鐘上枱，好快。豬扒份量好多，蓋住曬d飯。首先加點鼓油，甜鼓油是另上的，好欣賞，可以自己決定咸味。咬落去塊豬扒熱辣辣，好夠味，豬肉唔乾，好有肉汁，好好口感。表層炸得略嫌唔夠香脆，但味道很好。白飯好味，不會太軟太硬，蒸得剛剛好。碟頭飯來講價錢實惠，＄50個飯＋＄7凍檸水，味道好，性價比高。侍應姐姐説話比較豪邁，但是有禮貌的。餐具，枱面都乾淨。整體感覺很好，會再幫襯。

今次唔楂車扔底老公同理朋友玩完航拍，直接坐朋友車直去到呢條街！周圍都好多嘢食，好多salon! 唔知點解太攰亂入左呢間，叫左幾度餸都係方便小朋友食，感覺好是旦，真係食啦你咁款，汁唔夠多，味唔夠準，算啦為2小朋友可以飽肚就算，下次應該路過！

老闆態度極差，非繁忙時間都要人坐埋一邊，佢就攬住D卡位過世。食物質素其差，多士軟、米粉完全未熟、叫太陽蛋就比左扮蛋，隻蛋仲要蚊滋咁細隻，難食兼多油，杯野飲好似飲冰一樣，叫少冰仲鬼咁多冰，搵鬼幫襯！

今天11點半已經吃午飯，茶餐廳的早餐時間到12點才完結，早餐麵類跟午餐相差$3元，而且餐廳的粉麵類都比較多選擇，除了常見沙嗲牛肉麵餐有豬扒或雞亦麵。飯類款式豐富，除主餐牌還有每天更新的快飯選擇。上菜速度非常快除了麵食，炒粉麵一樣快上菜，趕時間也可以在餐廳用餐。點了三款早餐牌上的早餐A($34)包熱飲轉凍飲（+$3），分別是沙嗲牛肉麵、午餐肉公仔麵和一樣沙嗲牛配米粉，是基本上每間茶餐廳都會有的港式美食。沙嗲牛肉很入味，牛肉亦都很軟，易咀嚼，湯底有沙嗲汁更加好吃。午餐肉煎得非常香口，不會有焦口的味道。每配早餐會配一碟自選食物兩款及多士，選擇都頗為豐富，芝士腸和煙肉是其他茶餐廳比較少見。雞蛋煎得比較乾而芝士腸又稍微油了一點。點了豉椒牛肉，一個配炒麵（$48）一個配白飯（$43），逢惠顧主餐牌飯麵加$5配熱飲或$7配凍飲，只有快餐才配飲品。欣賞炒麵，炒得不錯有鑊氣，沒有點到醬汁的炒麵是乾身和脆口的，豉椒牛肉汁亦不會過多，浸到麵身。牛肉很好吃😋還有配料洋蔥青椒紅椒等⋯配料份量剛剛好，不過會牛肉多。相對配白飯就失色了一點，雖然是一樣的醬汁，難怪貴$5是有原因的。

好簡單兩個字評價：麻麻。比較好應係個例湯同無影相嘅凍奶茶，個雞就等咗好耐先嚟，味道如賣相——一般。星期日晚，度度都好多人要等位，呢度都有客嘅，但唔使等位，明啦！

大圍以茶餐廳黎講，都有唔少嘅選擇，今日同朋友黎試吓呢間既lunch。我一開始就俾個總結大家先🙈小編覺得呢間中規中矩，食物質素可以接受，味道比較一般，唔係太啱有高期望同埋高要求嘅朋友仔，而小編食後感就就只可以話，有得揀嘅話， 我會揀其他😂🤷🏿‍♂️款式其實都算多，價錢都唔算貴，都係屬於中規中矩嘅價錢👌🏿不過中午嘅時段就真係比較多人，餐廳嘅位置相對比較細，所以座位都比較狹窄當日叫咗一個咖喱豬扒飯，唯一要讚嘅就係啲豬扒其實都做得幾林，唔會好un，並且有切件上碟👍🏿不過佢個咖喱就做得一般，味道好淡，唔係甜咖喱，亦都唔辣，感覺只係好似溝左好多水既普通咖哩汁禁，我所以冇咩驚喜，亦都冇咩好講😂🤷🏿‍♂️呢個係咕嚕斑腩飯，呢個就做得比較正常，例如都有足夠嘅配菜，絕對係有眼見嘅菠蘿，細椒，洋蔥等等👍🏿而斑腩亦都唔細舊，炸粉唔厚，相對個咖喱豬扒飯其實好食好多👍🏿不過，如果斑腩可以多一兩舊就比較好，因為同地區，其實有幾間茶餐廳嘅份量，同一個菜式，同一個價錢，份量都比較多，仲要其實比較好味🙈🤷🏿‍♂️

由於係大圍做Facial, 我通常都會係附近食個午餐再去做，我通常都會叫特餐, 沙嗲牛面加火腿奄烈，因為平同快手，又好味，特別係沙嗲夠香，面又煮得岩岩好，唔會太淋亦唔會太硬。另外奶茶都唔錯，夠茶味同香滑。另外我想表揚大圍大利茶餐廳既員工👏🏻👏🏻，因為曾經係2017年3月21號晚同老公係大利茶餐廳食晚飯，漏低左部IPhone 6S係餐廳，到返到屋企先知道; 即刻再返去攞既時候，幸運地員工幫忙keep住係收銀位置！失而復得真係好開心、好感恩！多謝大利茶餐廳員工既誠實及專業態度！👍🏻👍🏻👍🏻👍🏻我地會多d幫襯！

服務非常差，下午茶要三點先開始，價錢貴，好難食，凍0茶得個幾塊冰完全唔凍，食到火都嚟，D阿姐十問力唔應，一味係到傾計，大圍內最差的一間茶記一定有去份，想有下次都好難

由於在大圍上班, 我和同事幾乎於午市時間的每間茶餐廳都試過, 唯一這間茶餐廳的食物我認為最夠鑊氣的, XO醬吊片炒麵的麵底是非一般的, 像伊麵亦非伊麵面, 口感非常好, 炒得又均勻,乾身不油膩, 在其他茶餐廳都未食過的另外魚香茄魚飯咸魚味香濃, 可選擇米或飯炎炎夏日, 配杯凍飲品是必須的, 這裡的凍檸茶, 甜度剛剛好, 所以不用要求少甜, 不得了呀👍

我成日貪快來呢間野食早餐，早前幫襯時曾經試過個伙計成碗麵倒落我個袋到，個老板睇住毫無反應。今早和朋友吃早餐，個伙計䃥到我朋友隻手,令佢當時成身都係奶茶，間舖員工同老板上下一心，完全當無事，剩係拎左幾張紙巾來然後繼續做野，到我地走嘅時候老板向收銀處我地埋單時細細聲笑笑口話唔好意思，真係神級茶餐廳，應該係見慣呢D情況先可以做到上下一心毫無反應，係有神嘅量度先可以再幚襯！！！

大利茶餐廳於積富街有三間分店，街頭的為大利粉麵、中間及街尾的都是茶餐廳。來得這裡，很多時也是吃個「光速餐」。這裡的飯份量也算足，麻婆豆腐飯的豆腐及肉碎覆蓋了整個飯。豆腐頗滑，而肉碎的味道大多來自醬汁，沒什麼肉味。麻婆豆腐醬算是濃味，帶很微的辣，光速餐來說算是合格。油占多的多士沒有切邊，而牛油及果醬只搽在中間，令三邊也沒有味。多士微熱，果醬味道一般沒特別。窩蛋免治牛肉飯也是十分大碟，免治牛肉及醬汁也是覆蓋了整整的一個飯，可是窩蛋呢?原來藏在牛肉底下，撥開後便能看到。整體的味道也是一般茶餐廳所應有的味道，味道普通，但份量充足。凍飲跟飯加$7，散叫則$20/杯，算是很貴。這凍咖啡走甜少奶仍加了不少奶，味道就是沒層次的苦苦澀澀味道，當然跟即磨咖啡差距千百倍。

「大利茶餐廳」我平時多數食下午茶多， 這裡的三文治餐的「蛋治」不錯！麵包夠軟，蛋又好好味，奶茶又夠熱又有奶茶味，正！一個好滿足的下午茶！晚飯時，食了很多次「椒鹽豬扒飯」都好好味！（甜豉油係自己倒），今次試下「椒鹽雞翼飯」，都不錯！但都係「椒鹽豬扒飯」好食D！配涷檸茶，簡直一絕！（E度 d飲品都好掂，但涷飲比較多冰，所以涷飲記得叫少冰！）

本人喺第一次到大圍食茶記，已為大利茶餐廳係老字號，原來不外如事……粟米石班塊超難食……石班塊唔新鮮、粉醬厚；香芹蘿白煮魚鬆超一般……例湯入紅蘿白係爛芯……卡位坐得唔舒服，當另一邊客起身時，我邊坐位就彈起……不用多說 “唔掂”