影片
更多
2019-02-15
467 浏览
今日同幾個同事試下呢間大叔我地一行四個人，間店無咩人，但得老闆一個人打理，樓面煮菜通通都係佢。雖然老闆未必咁快手出菜，但都好細心一人比左一碗無味精既老火湯比我地飲住等。今日係赤小豆沙葛扁豆煲豬骨，夠曬下火去濕。叫左海膽炒飯，望落粒粒分明，有鑊氣，同事話好食。另外，老闆推介咖哩牛腩，我見同事隻碟幾舊大蘿蔔，仲有幾舊厚肉牛腩，份量十足。有個同事叫白切雞，佢話都滑身，分量望落都多，仲有埋薑蓉，正。我叫左咸酸菜炒豬頸肉，火喉一流，蒜味十足，好香口，送白飯一流。食呢間係要比點耐性，但老闆煮野勝左新鮮同無味精。仲要午餐多數都係$45-50有交易，份量十足不過由於太肚餓，唔記得左影相。
我地一行四個人，間店無咩人，但得老闆一個人打理，樓面煮菜通通都係佢。
雖然老闆未必咁快手出菜，但都好細心一人比左一碗無味精既老火湯比我地飲住等。今日係赤小豆沙葛扁豆煲豬骨，夠曬下火去濕。
叫左海膽炒飯，望落粒粒分明，有鑊氣，同事話好食。
另外，老闆推介咖哩牛腩，我見同事隻碟幾舊大蘿蔔，仲有幾舊厚肉牛腩，份量十足。
有個同事叫白切雞，佢話都滑身，分量望落都多，仲有埋薑蓉，正。
我叫左咸酸菜炒豬頸肉，火喉一流，蒜味十足，好香口，送白飯一流。
食呢間係要比點耐性，但老闆煮野勝左新鮮同無味精。仲要午餐多數都係$45-50有交易，份量十足不過由於太肚餓，唔記得左影相。
张贴
