大叻越南牛肉粉餐廳 (已搬遷) 新店位置

今日又去左呢度食lunch, 其實都唔係第一次架喇, 佢D野真係幾好食.我見大家都冇寫到佢個香矛豬扒, 忍唔住要寫個食評.佢既香矛豬扒真係好好味, 甜甜地有炭烤味得黎又juicy.我今日食豬扒飯, 飯有D乾硬.下次都係食返河粉, 佢D湯底(非牛肉)我覺得有陣薑蓉味, 配埋生洋蔥真係一流呀.最衰就係lunch time唔serve茶水, 佢想push D客叫野飲, 但係我地呢D長期keep fit既OL係唔會想飲甜野架嘛, 唯有食完野返公司飲水囉. 因為呢樣野, 我會係service度扣佢分.坐位方面, 如果lunch time去, 迫迫地都可以接受既, 晚餐我會鐘意坐得舒服D既環境lu.

閏五月上旬•陰晴不定 是日的最後一站，就是約了朋友在這裡有事傾談。原來一直各有各工作，各有各忙，純靠facebook及sms聯絡，很久沒好好的坐下傾了，就趁是日一次過清掉未來數月的行程。 這裡是另一間新張的牛湯河店子，在這兩、三年間，忽然也有不少的同類型店子到處的開了起來。問了店員有什麼推介，他說牛湯河及烤豬扒及雞扒也拿手的，看到套餐剛好有這兩味，還有前菜小吃及飲品，就要了個套餐，加一客烤豬肉米紙卷。 想喝啤酒，但這裡沒有得供應，店員在道歉之餘，也主動的提出可代往附近的便利店購買。雖然是小店，服務之佳，值得一讚。 生牛湯河湯夠熱，欠缺了點火侯及深度，至少比隔離街的Pho26遜色。炸春卷熱辣脆口；再吃蒸粉卷，皮太厚不滑溜；米紙卷包得大大件的，吃起來也美味的； 最後才吃烤雞扒飯，卻是全晚最好吃的一味，敢說這裡的烤雞扒也會如隔離的榮記般受歡迎。 幾款食物也有不同的醬汁，兩位店員也努力的招呼，密密的斟茶，服務很不錯。 埋單一百三十，吃得飽飽，還有得打包，值得一試。想看雞扒有幾好吃，及足本食評，請來這裡：http://gourmetkc.blogspot.com/2009/10/blog-pos

19-12-2009朋友忙得連 weekend 都要開足全日工, dinner 又到灣仔陪佢食, 今次試試呢間較新的越南店. 叫了二人餐 ($98), 一人有一碗粉/一碟飯, 又有小食雙併 (炸蝦餅/炸春卷/蒸粉包 3 揀 2) share, 當然亦跟飲品兩杯:小食揀了炸蝦餅及春卷, 每樣各 2 件: 前者炸得熱辣脆口, 唔油膩, 食落彈牙鬆泡又幾鮮美, 蘸點酸酸甜甜, 又甜多過酸的泰式雞醬, 當然好食 春卷就較失色, 雖然一樣唔油膩, 但層皮實在韌了 d, 以豬肉為主的餡料又較乾硬, 蘸了不錯的魚露, 都於事無補...主食係生牛河, 另上青檸, 大量芽菜, 辣椒及九層塔, 湯粉內仲有洋蔥, 芫茜, 鵝蒂 etc, 當然亦有幾生的牛肉:- 乜都唔落先飲啖湯, herbs 味清香, 牛味 ok, 不過好似唔多夠厚, 隔嚟街「越旺」(http://www.openrice.com/restaurant/commentdetail.htm?commentid=1904818) 好得多!- 河粉屬幼身嗰隻, 米香唔覺, 但薄薄滑滑, 還不錯.- 牛肉: 粉紅色的, 幾夠生, 肉味一般

本身上網搵左另一間野, 食燒雞扒, 點知成9點先去到條街, 發現差唔多生哂門-- 諗起原來冇留意過個營業時間, 見到唯一開左呢間, 咪去試下咯~ (當係原本打算去個間--)入到去, 見到又係有燒雞扒, (心諗應該一樣既~) 咁咪叫左個"炭燒雞扒飯"咯~ 唔係等左好耐, 有碟賣相唔係話靚到出汁既野黎左.....嘩,, 聞落去好香好香~ 個陣燒雞味真係好正~ 食落去, 塊皮脆脆地, 又有肉~ 個份量又唔少~最衰本人不太喜歡個d蔥花等調味料啦~ 不過總括黎講我覺得都好食!而且, 個侍應態度幾好, 又笑哂口, 我地食完食飽, 幫我地執枱時我完全感受唔到佢有想趕我地走既意欲~ 又會主動幫我斟茶~可能我份人比較易滿意, 易畀高分~ 不過我覺得呢個真係不妨一試!

側邊是即燒雞扒專門店，這裡除了牛湯河外亦有做燒雞扒，數月前與食友來試了幾味，印象最深非Pho，而是圖中的燒雞扒。這雞扒醃得夠味，是即叫即煎的，皮帶著點焦香與微微甜味，雖然油了一點，但味道卻是很好，是送飯的好材料，而白飯伴有蔥油，是越南家常做法，用來帶起味道的，不錯。最近在新場K-11走了一圈，見大叻在那邊開了分店，不日會去試試的。食友作東，謝過。

今天 lunch 去一間叫“大叻”的越南餐館。有人介紹番茄牛腩河， 不過我無叫。 下次先。反而一坐低就叫了招牌火車頭湯河。個湯幾好， 味道好似 Sydney 食開的越南pho， 不過個味道唔見了少少元素， 唔知係甚麼， 似乎係牛骨唔夠， 但我唔敢肯定。點都好， 湯算幾濃， 絕對可以一試。重要的是， 有一大支甜醬任唧。 甜醬配牛肉係好絕架！加埋一杯鹹梅7， 買單＄52蚊落樓， 非常開心。

果日系酒店隔离搵野食，见到呢间铺头就拿拿声坐低医肚，叫左个火车头，虽然肉身唔系几对口味，但个汤底真系冇得弹，正。几个靓姐仲同我个女玩得好开心，更加送咗碟春卷比囡囡食，非常nice的一个下午，真开心，第日去香港，我还会再去食火车头。

今日同朋友去咗依間開咗冇幾耐既越南菜館···我叫咗個火車頭，我朋友叫咗個小食軟殼蟹！····· 哇，真係好好味道，個湯好濃，好刺激個胃口，比起之前食既其他越南菜館有種驚喜既感覺······食得好開心····· 以為個湯唔錯姐，我FD個軟殼蟹仲正，好香，好脆，鹹度適中···唔怪得，平時午市經過爆棚喇，我當時同D同事都好奇怪，通常飲食業剛開張冇咁好·點知········呵呵！

叫咗個外賣番屋企...個牛肉河超難吃...個湯底唔知用咩整...好稀...D牛肉好差勁,,,,好似乾屍咁....杯紅豆冰成杯椰汁水咁...$42食D咁幾野.........

今日食LUNCH，蘭杜街嗰邊依然咁多人，橫掂都係食越南野，不如試下新野啦！有同事叫火車頭，我就叫大叻鮮茄坑腩河，蕃茄湯底味道適中，natural，唔似後面條街，一間淡，一間勁落茄膏，好假！牛腩同蘿蔔好腍好入味，應該真係炆左好耐！成碗粉都好味，lunch叫飲品半價（其實都要成七蚊），但一碗河加埋野飲43蚊，OK啦，呢幾間越南野都係咁上下價錢！佢d香料會分開上，啱晒有d唔想落咁多嘅人，幾貼心！會繼續幫襯！！！