大叻越南牛肉粉餐廳 (蘭杜街) (已搬遷) 新店位置

如題!!!!!!!炒通菜都有曱甴腳!!!!!!!根本是油浸通菜, 而且又超咸!!!!!!永遠不會回來吃!!!!!!離譜!!!!!!!!!🤬🤬🤬🤬🤬服務員態度也很差!!!!!

今日叫一碗生牛肉河粉，入面有蟑螂🤬🤬🤮🤮全店冷氣唔夠，好焗！店員態度惡劣，請佢哋開大啲冷氣，但係佢哋唔理筷子又無主動俾我，我自己在收銀處攞！不知所謂！我唔需要職員超好服務，基本服務水平都達唔到啦！碗粉有蟑螂係我最嬲嘅一環😡😡

今日就早放lunch，同班同事就行遠啲去人氣餐廳，因為日日午餐都排大隊，襯早放少啲人，呢間嘅炭烤係好出名，但今日熱熱地想食啲濕濕地，就揀左雞翼撈檬。雞翼超級入口，外脆內嫩，檬粉唔會太稔身，個汁又好開胃，灣仔黎講真係大件夾抵食，但又有質素嘅午餐。

第一日係金鐘食晏，附近食肆唔多，決定叫外賣，同事們食開所以一齊叫呢間，大約30分鐘左右送到。我叫左午餐連埋野飲，一個香茅豬扒飯跟檸底。個飯有豉油跟埋，豬扒份量都幾多，足成塊架，淨食豬扒都有點飽。墊底既椰菜幾甜，主角香茅豬扒調味唔錯不過香茅味唔算出，但對我來講仲好😂食落幾鬆化，個人幾喜歡既。飯上面有d炸乾蔥，比較淋d,可能外賣關係焗淋左。白飯就真心差左dd,因為有部分一pat pat,口感不太好，不過唔係全部都係，尚可啦。總括黎講，可以再食既，始終呢頭選擇真係比較少。

荣式烧鸡隔壁的一家越南菜，平时人气还是挺旺的，主要还是以套餐，小食为主，用餐环境非常一般，不太适合多人聚会点餐。他家的牛肉粉和牛肉饭味道还是不错的，但口味上感觉不太像越南菜。。反而偏港式。应该是改良版的。服务态度一般般，价位偏低，作为常餐还可以吧。

We had a late afternoon meal here at 5pm. There was only one other person dining here. We ordered the grilled lemongrass chicken on rice and a side serving of stuffed rolls.The rice rolls were warm and tasted ok. The chicken tasty but a bit salty, the vegetables it came with were lukewarm. Overall, I would rate the food average.What really drags down this restaurant is the service. The staff seemed to be more interested in huddling around an iPhone to watch a soccer (football) game than ser

蘭杜街有兩間越南野食上次食左另一間 今次試呢間價格比起同區越南餐廳稍低可能因為係集團式經營叫左生牛檬同炭燒雞扒飯炭燒雞扒飯好大份蔥油好食 都好多雞扒有燒烤味 不過唔知係咪真係炭燒飯份量好多 一個人食夠食雞扒下面有兩種菜 有椰菜同生菜 都唔少如果晚餐仲有兩條春卷送 正常味道 生牛檬 牛肉唔係太新鮮佢會用碗另外裝起芽菜同香葉但係菜都唔係太新鮮檬粉份量正常不太多湯底比較普通 冇咩鮮甜味 都係隨餐附兩條春卷 春卷另上每人60有找呢個價 質就正常 量就飯比較多粉就正常普通晚餐算係咁啦

今日過左灣仔做野，之後經過見到有越南粉，價錢亦合理，午餐$46連熱飲，所以決定食碗生牛肉河做午餐。生牛肉湯河，Order完好快就到，還會配一碟芽菜、青檸、指天椒和檸檬葉給你，但本人太愛配料，一碟確實唔夠我口味，所以要求多給我一碟....哈哈，成碗粉都是配料，胃口大開。河粉夠滑，湯底味濃，但不太夠熱，所以生牛肉不能浸熟，最終也只能帶著紅肉去食，感覺有點不太爽🙈，再加了一杯熱檸茶便成爲我簡單一個午餐。

餐廳位置頗隔涉，不近灣仔又不近金鐘，若不是咁啱經過，都不易發現呢間餐廳。餐廳不算大，位置不算好多，夜晚七點左右都已經坐左好多人。今次叫左呢個晚市一人餐的炭燒香茅雞扒飯，另有豬扒揀。仲送絲網春卷和港式熱飲！唔洗五分鐘就送到黎啦，塊雞扒真係好大塊！而個飯望落就相對細。雞扒望落好大塊，但就不算厚，食落唔算熱，不過都好食！如果可以熱少少就好啦。我唔係好食得岀春卷有咩餡，但個皮真係好脆，一樣不算熱，但好食！😋以為個飯唔大，但食落其實都飽肚，而且雞扒底仲有椰菜！奶茶都係港式奶茶味，沒特別。今餐真係好飽肚！😋

今日無乜胃口，只想食湯粉，所以同朋友去左灣仔大叻越南粉午餐。我地未夠12:00就到，但鋪頭已7成滿坐，過多15分鐘就已經坐無虛席。雖然人多，但食物上菜時間依然好快。朋友叫了雞翼撈檬 $46，可按自己喜愛加不同份量甜酸汁。我就叫了生牛肉湯河 $46，牛肉好嫰，河粉夠滑，湯底亦好夠味。生牛肉粉量好多，浸落熱辣辣湯底剛熟，好味道。每碗湯河均配上一碟配料，香葉、芽菜、指天椒和青檸一少片，亦可要求再加配料。湯河再加上以上配料，味道更好味😋以上兩款都是午餐款式，均有餐茶附送，凍飲加$3

係灣仔金鐘一帶番左幾年工，心目中都有唔少心水餐廳，大叻絕對係其中一間，䣓一排就會想食。炭燒豬扒大大塊好抵食雞扒都唔錯。今日介紹同事食，佢地都話正永遠冇令我失望不過午餐好多人，建議12點半前好去拎位喇。

越南粉一直都係我嘅最愛，而大叻更係最近大愛嘅小店，又近office又抵食，雖然要等一陣至得，但通常10分鐘內都入到去。今次都係嗌左札肉雞絲撈檬($46, included a drink). 佢嘅撈檬係超級大碗！每次都分一半走比同事，雞絲份量好夠，又唔嚡口！札肉係越南風味，小小辣嘅。仲有勁多青瓜，生菜，蘿蔔絲等，食落好fresh!! 同事嗌左雞扒，非常香炭燒味，不過小小咸左d，但又係勁大一塊，跟d菜味道亦ok.好抵食:-)

Lunch走到嚟呢頭，1245到都要等5張枱先入得，見set lunch價格都係46到52左右，包野飲所以決定食下。揀左Set F,越式扎肉雞絲撈檬($46),好快就上左，非常大碗，上面嘅菜同肉亦好豐富:-D扎肉有小小pepper,又唔太咸，幾好食！而雞絲亦好多，撕得幾幼身，食到底仲有！佢offer geh sauce有小小辣，偏咸，落嘅份量要小心點。另外同事嗌左雞扒飯，偷食左2舊好正！有好香炭燒味，同出面食嘅唔同！

係灣仔返工 食lunch真係等位等到lunch都完 所以一大班同事成日都會建議買外賣返公司食 今日我地決定食越南野 係openrice search到呢間叫大叻既越南菜 睇相都唔錯所以決定試下 佢既lunch價位都ok 大概 $45- $55度 仲有熱飲送 同事叫左生牛河 我就叫左個香茅豬扒飯 等左大概半個鐘就送到 lunch time 黎講算好快下 一打開個飯盒 見到有成十塊豬豬扒咁滯 超足料 但香茅味唔濃 似燒汁多d但係都算好食 飯既份量亦超多 唔大食既女仔可以考慮同同事share一個飯再加個小食 都算係灣仔叫外賣既好選擇之一

之前係太古上班，係鰂魚涌食過大叻越南牛肉粉餐廳，同事告之灣仔蘭杜街都有今日見好天就行過去啦～去到12:40pm，門市已經企滿晒人，佢隔離有間榮式燒雞扒餐廳，又係好多人，企晒出馬路。拎飛等位，等左30mins 終於有位。同事叫左生熟牛肉粉，我就叫炭燒香矛豬扒飯個飯黎到時一陣燒烤味，豬扒明顯見到燒過既坑紋。d 肉冇被鬆肉粉過量醃過，肉質幾好，但d 邊位略嫌燒焦到黑晒。飯面有d 蔥油，撈飯好香。但呢間店咁多生意....又係趕人快食快走！你一放低餐具就會有人收你碟飯，不過～$50 一個午餐，又幾好食，唔可以咁多要求🤣🙈（鰂魚涌果間好d 既！可能鋪位大多位d)