大吃大喝 (彌敦道)

营业中

休息中

搬咗舖位嘅大吃大喝，人流比以往更多主要食極厚三文治、台式小食、台式飯等新店仲有2個企位，可以快食🤣試吓台式風味嘅三文治鮮芋泥肉鬆三文治 $33即叫即整，冇加烘底，所以麵包軟淋淋有彈性😋芋泥口感較濕潤，剛剛黐住啲肉鬆，唔會食到周圍都係😂肉鬆鹹香味較突出，整體食落唔heavy 啱哂輕食之選！另外港式三文治 招牌勁芫荽餐肉滑蛋三文治 $33必試之一🥪🤩三文治同樣超級厚身，芫荽滑蛋令蛋味更加豐富唔單一而且炒滑蛋多到就快瀉出嚟，真係好足料連餐肉都係厚切煎香整體呢份三文治好滿足，味道配搭一流！仲有台式小食同港式小食一口鹽酥雞 $24即叫即炸，脆卜卜咁鹽酥雞有少少辣，好香口，炸皮唔算好厚✌🏻椒鹽炸燒賣 $11外脆內軟，外面香脆入面煙韌比起蒸燒賣多咗一份新鮮感😋大吃大喝 油麻地彌敦道525-543號寶寜大廈地下525B號舖

餐廳主要為外賣店 但也有少量企位可作進食三文治即叫即做 加上其創意配搭 貌相令人垂涎萬分份量又大又好吃 確是令人很滿足😋🍽️香蔥芝士鹹牛肉滑蛋三文治 $32滿滿的鹹牛肉及芝士 味道又香又濃郁 而且夾雜清新的香蔥及軟滑的炒蛋 去除膩感之外又添加軟滑的口感😋🍽️鮮芋泥肉鬆三文治 $33麵包非常鬆軟 芋泥用新鮮芋頭壓製 還加了芋頭粒在內 軟綿之外又有口感 不會太單一 肉鬆配搭芋泥 口感不會太乾😋🍽️松露安格斯牛肉漢堡治 $45安格斯牛肉超厚 熟的程度剛剛好 外表煎得很焦香 內裡很juicy 炒蛋非常軟滑 最欣賞是黑松露醬的點綴 很香濃之餘 非常配襯安格斯牛肉及滑蛋 整個味道提升了 正啊😋🍽️厚切餐肉滑蛋三文治 $28煎香了的厚切餐肉加上軟滑炒蛋 口感很豐富 亦非常澎湃 不只滿足了嘴巴的食慾 更非常吸睛

每次出開旺角油麻地都會去大吃大喝買三文治😙大吃大喝啲三文治好足料!!又整得好好食😋最近搬咗去彌敦道525-543號寶寜大廈地下525B號舖有得堂食添 有啲企位 比起以前間鋪面大咗少少今次嚟到見到出咗新野🤩超級正呀竟然係我最鍾意嘅松露🥹仲要配埋安格斯牛肉真係冇得頂呀💕松露安格斯牛肉漢堡三文治$45安格斯牛肉好足料 松露味好香 包夠鬆軟加埋蛋同蕃茄口感真係好豐富😋💕 香濃沙嗲牛肉滑蛋三文治$33牛肉份量好多，高質抵食🥹💕 牛油果碎蛋三文治$28牛油果味道好濃郁, 超好食🤤💕樽仔奶茶加$8奶茶質素keep住好好👍🏽今次我叫咗以上3款三文治 3款都好好食😋!!!!新出嘅松露安格斯牛肉漢堡三文治必試!!!

我諗好多女仔都好鍾意用三文治做lunch 因為食晒一個飯好似好Heavy，三文治份量少啲相對罪惡感冇咁高其實喺網上見到呢間大吃大喝好多次，成日都俾佢三文治嘅賣相吸引咗一直都好想試，今日咁啱就經過，所以就嚟試吓佢啦我叫左個招牌勁芫荽餐肉滑蛋三文治首先佢芫荽非常足料，加100分加埋個炒蛋同餐肉，件事係非常之搭係食得超開心嘅一個三文治不過溫馨提示，個三文治嘅份量係超大食完係會超飽，所以如果你諗住有個好light 嘅lunch呢，呢個就唔啱你啦😂但我係必定會再幫襯呢間舖頭試去其他三文治嘅！hahahahah

多次回訪依然大排長龍🤩 呢間小店一向都好受歡迎，勝在大件夾抵食，無論早餐/午餐/下午茶或晚餐都適合，而且食物質素一直都keep得住！除咗招牌嘅三文治之外，飯類都好值得一試，果然「飯飯掂」呀～ 三文治大大份，厚身，幾重🤣 滑蛋入口滑溜，而且仲有蛋液流入麵包裏面，麵包軟熟，個人十分喜歡💕 早餐必點鹹牛肉滑蛋三文治，鹹香味香濃，牛肉唔嚡而且份量都唔少～ 勁芫荽滑蛋同樣出色，芫荽味突出，芫荽控表示滿足！另外有雙層火腿蛋，呢款比較單調但勝在簡單又美味，想食甜點嘅話可以試試花生醬肉鬆，估唔到肉鬆塞到滿滿，咬落口感豐富，當作宵夜就perfect了！小食有台式蛋餅，外皮香脆，內裡帶點Q彈，食落唔油膩，性價比高👍🏻 薏米水天然，解渴，感覺更加健康！

大吃大喝 @guzzlehk人氣大熱🥪三文治～搬左新鋪都依舊人氣高企係正油麻地地鐵站附近👍🏻超方便三文治即叫鮮制～確保新鮮😎材料豐富～種類選擇多👍🏻性價比超高✨抵食又好味啊👏🏻😁我一共叫左3款三文治🥪全部都堅好味😋明白點解長期大排長龍。表弟三文治 🥪$32火腿🐽芝士🧀️滑蛋+肉鬆～完美配搭～。鮮芋泥肉鬆三文治🥪 $33 鮮製芋泥～入口濃香綿密👍🏻起絲肉鬆～入口口感豐富🤤。香濃沙嗲牛肉滑蛋三文治🥪$33濃郁花生醬配上滑嫩牛肉同埋滑蛋🥚正宗港式風味～非常推介🩷樽仔凍飲自家微糖～跟餐+$8 好抵飲。去濕薏米水 💦岩哂夏天飲。王牌奶茶🥤茶味濃香～入口絲滑💗好飲。滴漏咖啡☕️ 咖啡味出～飲完好醒神Keep住有人來買～想食熱門款式記得早點來💕📍油麻地彌敦道525-543號寶寜大廈地下525B號舖

之前食過這間店的厚切三文治，不僅款式配菜醬料選擇多，而且味道亦很好食，價錢亦相當抵食。今次當然都要食三文治，另外加一些人氣港式小食！松露安格斯牛肉漢堡(烘底) 餡料十分豐富，香濃的松露蛋黃醬、厚切安格斯牛肉漢堡扒、焦糖洋蔥、滑蛋、生菜、蕃茄，分量多到一口咬不下。一口鹽酥雞 香氣撲鼻，香香脆脆，雞肉塊柔嫩多汁。香脆炸著條 粗炸著條，非常有口感。皇牌奶茶(左); 滴漏咖啡(右) 主打微糖版樽裝港式飲品，奶茶香濃絲滑，咖啡散發出獨特的香氣，香氣十足。

我又食大吃大喝三文治！我今次食表弟三文治、鮮芋泥肉鬆三文治同埋我最愛嘅安格斯牛肉漢堡。 😻表弟三文治$33 我鍾意食佢士林台式香酥蛋餅，見到表弟三文治嘅餡料就係酥蛋餅嘅餡料，所以今次試下。個蛋超厚又夠滑夾住已經溶晒嘅芝士加埋肉鬆，好好食呀！😻鮮芋泥肉鬆三文治$33芋泥係店長每日新鮮自製，賣晒就無。芋泥有芋香，有小小甜。夾雜住肉鬆，有小小咬口，喜歡呢啲口感嘅朋友唔好錯過。😻松露安格斯牛肉漢堡治$45我每次指定要食安格斯牛肉漢堡，佢嘅牛肉配埋松露，超正。🤞🤞 上次加$8就可以加購佢嘅樽仔奶茶，今次換購咖啡，咖啡有炭烤香味，正

今天去左油麻地，又想食三文治，決定去大吃大喝外賣回家😁香蔥芝士鹹牛肉滑蛋三文治🥪 $32鹹牛肉和芝士為主要配料，使三明治口感豐富和味道更加濃郁，在加入香蔥後，不僅能帶來一點蔥香味而且可以提味，滑蛋帶來的口感是鬆軟絲滑，口感豐富美味，層次分明😋招牌勁莞茜餐肉滑蛋三文治🥪 $33用香口餐肉和鬆軟滑嫩的滑蛋製作而成，再配以香蔥，口感豐富，味道十分美味😍一口鹽酥鷄🐔 $24炸雞的口感外酥内嫩，吃起来非常香脆可口，而且帶有濃郁的咸香味，好正😛士林台式香酥蛋餅 (三款) $38酥脆的外皮和鬆軟的內餡結合得非常完美，配上拉絲芝士，火腿，肉鬆，味道都非常地道，絕對值得一試😍整體得分: 4.5/5味道: 4.5/5環境: 4/5抵食: 4.5/5

細個唔太鍾意食麵包做早餐，但係後尾發現自己只係麻麻地港式最傳統嗰種，其餘既都唔抗拒，甚至乎係好喜歡🫣好似呢間三文治，我三個月內都已經黎左兩次🫶🏻▪️ 招牌勁芫荽餐肉滑蛋三文治 💲33 第一次+$2要左烘底多士，但係買完趕住返工，連蓋都無拆到就求其影左🫠雖然包裝硬淨唔會壓扁，切面亦係幾靚，不過都見到有唔少倒汗水，所以返到公司食既時候，感覺包身比較濕🥺再訪當日有啲熱氣就無加烘底，係附近個公園影完再食，包身唔濕夠鬆軟🍞內餡係一貫既飽滿，食到一條條既芫荽，份量算係適中，香氣十足之餘唔會太搶，餐肉厚身有鹹香，炒蛋亦都滑溜🥰🔎 整體評分（8/10）

📍大吃大喝 Guzzle (外賣店，不設堂食)油麻地彌敦道525-543號寶寜大廈地下525B號舖 🥪即叫即做，包裝衛生又精美；三文治已經切開，透明面盒可以睇到餡料！松露安格斯牛肉漢堡三文治：呢款係店長推介，餡料豐富，有安格斯牛肉漢堡、松露蛋黃醬、焦糖洋蔥、滑蛋、生菜、蕃茄。牛肉漢堡都好厚，有牛肉味，配松露蛋黃醬香味濃郁，加埋配料和烘底的漢堡包口感更豐富。Double 濃厚松露蘑菇滑蛋治：餡料有黑松露蘑菇滑蛋和松露蛋黃醬，厚厚的松露蘑菇滑蛋充滿獨特的香氣與濃郁口感。田園三文治：餡料有滑蛋、蕃茄、生菜，加入千島醬，既清新又美味！濃厚滑蛋三文治：滑蛋整得好厚，有蛋汁和濃郁蛋香，口感超滑溜！

去完油麻地整公司野，搞掂有啲餓，要食啲野啦，見呢間-大吃大喝-超爆饀三文治好吸引，仲有我鐘意既芋泥食，一於試下。鮮芋泥肉鬆三文治呢個三文治係芋泥加肉鬆，芋泥唔會太甜，同肉鬆呢個配搭，好夾，成件三文治有我食指咁厚，食半件已經好飽。餐肉滑蛋三文治我去探姨甥女，佢話買件返黎比佢食，佢話超好食，因為太舊又唔捨得比人食，所以佢差唔多食左半個鐘，好可愛🤣真係大人細路都鐘意。除左爆饀三文治之外，仲有好多小食，椒鹽炸燒賣、一口鹽酥雞、蒜香台灣腸，全部都好香口，鹽酥雞有少少辣超惹味。呢個三文治真係食過翻尋味。

估唔到近油麻地一帶有即製厚切三文治專賣店😳重要價錢唔貴!! 不過呢間鋪淨做外賣🥡除左三文治,重有手抓餅,夜市小食地瓜球,鹽酥雞等等~都係 $11起,價格真係夠親民🌟不過即製要等15分鐘倒~ .鮮芋泥肉鬆三文治$33 (烘底+2)比起其他厚切三文治店, 呢個價錢有原整一份手掌咁大嘅三文治,性價比真心高! 芋泥好多,咬落口啖啖都係料🤤加樽仔凍飲 皇牌奶茶 $8茶味好濃!! 唔係死甜奶茶味~~ 港式奶茶嘅口味! 薯條(大) $20松露醬+$8份量多,新鮮炸起!! 士林台式香酥蛋餅 四款$43揀左牛油果 (+$4) ,火腿,蘑菇,粟米, 份量都真係幾大份下🙈味道就正常好食吧!

📍 大吃大喝🇭🇰 油麻地彌敦道525-543號寶寜大廈地下525B號舖作為一個芫荽控今次就嚟呢間出名食芫荽三文治嘅外賣店試下！😋 招牌勁芫荽餐肉滑蛋三文治 $33佢兩塊麵包好軟熟 唔係多士嚟 不過都好好食啲炒蛋好滑 係撈埋啲芫荽一齊的超重芫荽味!!好香餐肉唔係好肥 完全唔油！如果係脆邊嘅話會仲正😋 香濃沙嗲牛肉滑蛋三文治 $33我見到佢話濃郁花生味我就決定要叫佢因為我勁鍾意食花生味重嘅沙嗲結果佢都真係好重花生味 好正入邊仲有啲洋蔥 好有口感牛肉都大大舊 好食！😋 樽仔皇牌奶茶 (跟三文治+$8)1奶茶好濃 茶底好 有回甘 好飲😋 香芋地瓜球(6粒) $15好食！好煙韌😋 台灣腸(2條) $18我初頭以為兩條係好細條個啲原來係大條嘅 佢仲會切開一粒粒 方便食燒得好食！😋 炸燒賣(6粒) $11呢個放係膠袋一路搭車已經聞到勁香😂😂炸得好食 熱辣辣 加埋椒鹽 正總結 即使佢係外賣店 佢都有企位～唔鍾意企的話買返屋企都得我搭左半個鐘車之後先食仍然好新鮮 炸物好脆 三文治都冇淋曬👍🏼

經過見到厚蛋治想試下😍叫咗新出嘅松露安格斯牛肉漢堡三文治正！好香松露同牛味！個醬汁有少少芥辣，食落去冇咁漏！而且啲牛肉都超厚超足料！咬到尾都係料！另外一個係人氣招牌勁芫荽餐肉滑蛋三文治，真係超多芫荽係滑蛋入邊！個蛋幾Juicy，個餐肉亦有煎香過！鍾意芫荽嘅朋友唔好錯過🥴帶咗個小食炸燒賣，份量都唔錯，炸得剛剛好，夠脆！飲品跟餐半價，叫咗咖啡同奶茶，味道唔算太甜～⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10環境： 7/10CP值： 7/10推介值：7/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯