大哥雞飯去骨海南雞

营业中

休息中

講開海南雞飯，我之前成日喺天后嘅大哥雞飯食，因為覺得又好食又抵食。最近發現原來開咗喺大埔，咁啱喺我附近，所以今日又來食晚飯，順便想同大家介紹吓。大哥口水雞飯 $65晚市套餐包咗飯、自家無味精湯，只係60幾蚊，非常抵食！今次食咗口水雞飯，口水雞上佈滿麻辣醬，雞建議去骨，食落雞味香濃，雞皮彈牙，雞肉亂畫。口水雞醬麻麻哋，又唔會太辣，非常惹味。另外可以揀白飯同油飯，我鍾意食油飯，因為有雞油同乾蔥嘅香氣。今日供應嘅湯係雪耳蘿蔔煲雞湯，飲落非常清甜滋潤。龍眼冬瓜茶 +$11跟餐叫飲品有優惠。龍眼冬瓜茶好清甜，有龍眼肉，冬瓜味重。炭燒豬頸肉飯 $62另外再叫咗個豬頸肉飯，份量好多，可以見到有好多片豬頸肉。豬頸肉表面炭燒過，香噴噴，食落脆脆地，非常美味。豬頸肉好彈牙，而且充滿油香，真係好推薦！另外一定要點酸甜醬，識落更吊到豬頸肉幾美味。同樣地，都配咗個湯同埋油飯或白飯。芒果椰汁冰+$16芒果椰汁冰好重椰奶味，而且好冰鎮，底下有好多芒果椰果，好有口感。

今晚突然好想食海南雞🥰🥰，於是同🐧🐧buddy 走咗去屋企附近新開嘅［大哥雞飯］😆😆 食心心念念嘅無骨海南雞！🤭🤭🤭 主角海南雞登場✅✅✅✅ ，食落果然皮薄又肉滑😎😎😎 ，雞味十足🤗🤗🤗 ，配埋三色醬油🥳🥳 同埋勁足料嘅椰子雞湯😝😝 ，食得🐧🐧 好滋味🤤🤤 。🐧🐧buddy 另外叫咗一客炭燒豬頸肉🤭 ，入口外脆內冧，啖啖肉味濃香 😋 超級惹味喲❤️ 不得不提d 油飯真係好香🤗 ，份量都算多，價錢合理，推介👍🏻

大哥雞飯去骨海南雞 • 大埔我地晚市時段幫襯呢間係大埔嘅海南雞飯時見入面已經座無虛席，入到去姐姐好有禮貌而且帶少少風趣招呼我地同其他客人，我目測亦有唔少叫外賣嘅客人會光顧✅ 招牌海南雞飯 🐔雞肉非常嫩滑，帶濃濃嘅油脂甘香，而雞胸部份入口亦都唔會鞋口。油飯加入炸蒜同香料煮成，香噴噴，唔油膩，食完好有滿足感😙✅ 大哥香蒜雞飯 🥘雞肉上面鋪滿香味十足嘅炸蒜，而且真係鋪滿，雞肉亦都充滿本身油香同炸蒜香味。雞肉亦係同上面海南雞一樣嫩滑👍🏼✅ 青檸梳打 🥤酸酸甜甜，青檸嘅清香可以中和油膩感😗

難食到要寫第一個食評雞肉正常，肉滑有啫喱，對我嚟講調味略為偏鹹（個人口味）個飯真係從未食過咁難食又爛又硬，連飯焦都照上俾客人，個飯食咗一半食唔落去見隔籬位份油飯都係咁，唔知係咪成煲飯都煮衰咗既然係咁，可以主動問吓客人轉唔轉白飯，而唔係將啲垃圾照俾客一間主打海南雞飯嘅舖頭，連個飯都煮唔好$72俾啲咁嘅質素，還不如我去後面街買$37外賣唔怪得話香港飲食業玩完，燒鵝嘅價錢蔗渣嘅享受，根本啲舖頭冇心做，唔好怪消費者北上

今次去咗大埔廣福道新開嘅大哥雞，餐廳環境唔錯，氣氛輕鬆，每張枱幾乎都有客人order雞，感覺應該幾有水準。我今晚試咗海南雞配油飯，雞肉非常嫩滑，夾起雞件見到滿滿肉汁，搭配香噴噴嘅油飯，味道好搭。米飯粒粒分明，吸足雞肉嘅鮮味，必試菜式。而老街鹹魚瑤柱香煎肉餅飯有啲驚喜，鹹魚味唔會太重，反而係瑤柱嘅鮮味帶出肉餅嘅層次感。肉餅煎得剛剛好，外脆內嫩，個肉餅好大件，配飯或者當小食都可以。唔好忘記飲埋碗無味雞住家湯，湯底清甜，雞肉味道自然，最重要系無味道，啖啖都咁滋潤。

今日放假，去咗大埔搵朋友，約埋一齊食午餐。行過見到一間新開嘅餐廳，主要食海南雞、喇沙、肉骨茶。我哋揀咗兩個午市套餐，套餐包括有主菜，餐湯和油飯。是日餐湯係椰子紅棗雪耳雞湯，清甜好飲，滋潤美味，飲得出冇味精。油飯比較乾身，香氣撲鼻。主菜揀咗海南雞配油飯（$62）幾乎每張枱都會叫海南雞飯，雞件嫩滑多汁，而且好入味，配上青瓜和三款醬汁，好食。而另一個主菜揀咗檳城滷水雙拼配滷水蛋 ($65）雙拼有滷水腩肉和滷水豬腸，仲有1隻滷水蛋，滷水腩肉和豬腸都夠味，都係我鍾意嘅食材，真係大滿足。飲品我哋叫咗芒果椰汁冰（$20)同椰汁紅豆冰（$20）大大杯，唔會太甜，消暑解渴。

大埔友有口福又一間近開🇸🇬新加坡菜新屎坑一定要嚟，午市吸引唔少人氣套餐包括例湯🎃南瓜蓉雞湯，蓉蓉的濃郁足料無味精🐔招牌海南雞飯$62 （轉雞脾位 +$12）光澤脾位肥瘦適中，非常嫰滑啖啖肉配上三色醬汁及爽口青瓜，酸酸辣辣解膩油飯香氣十足，而且有返帶出香茅椰香味 🇲🇾檳城滷水雙拼飯配滷水蛋$65三拼滷有腩肉、豬大腸和雞蛋拼油飯點配蒜醋及辣椒，不得不讚滷水汁唔會太鹹，而且滷得入味，腩肉肥脂厚，充滿膠原又邪惡🧉椰青（升級$28）🥤龍眼冬瓜茶 （升級$9）飲品方面梳打、果汁、特色飲品等

海南雞係我喜愛的食物，真係百吃不厭，今日途經大埔廣福道，見到［大哥雞飯去骨海南雞］開了新店，之前係天后分店吃了幾次，質素之佳，令我念念不忘，所以立刻入內再滿足我的食慾。店內以二維碼自助落單，十分方便，我當然點了招牌海南雞配油飯，見到差不多每枱都點，雞的份量很多，而且已經去骨，啖啖肉，皮爽，肉質嫩滑，味道依然保持一貫高水準，醬汁有三款，黑醬油、姜蓉和辣醬，各有千秋，我沒有點醬，也覺得很好味，點了醬汁後，味道更有不同層次感，飯粒吸收了雞湯的精華，香味撲鼻，令人回味無窮。細碗肉骨茶，用了多種藥材，如當歸丶黨參丶桂皮丶杞子丶淮山丶圓肉丶甘草等，及帶肉的骨煲成的湯，啱香港人口味，味道濃郁，甘香，飲後可令血液運行，身體健康。如果你和我一樣，喜愛食海南雞嘅話，一定要來試試!

見到大埔有間新開專食海南雞嘅專門店人龍都好長呀入面坐滿晒試咗海南雞飯，同埋個肉骨茶海南雞飯真係好嫩滑嘅，我哋嗌咗個蒜味海南雞，啲炸蒜好香同好脆，特別欣賞個海南雞飯入面有薑，食落都好暖胃至於個肉骨茶，雖然佢係新加坡式藥材味嘅肉骨茶，但佢嗰個藥材湯並唔會好重藥味，反而係似平時煲湯北芪杞子圓肉，帶點甜味，啲肉骨都煮得好軟腍食物係唔差嘅，但可能因為新開業關係，個服務非常混亂，個店長脾氣態度好差，經常大叫同冇禮貌我見好多食客都投訴同埋落錯單，坐得亦都唔算舒服，希望慢慢改善服務態度質素的話，呢間店係值得再去食嘅

大埔新開新加坡菜，少有喺大埔見到勁人多嘅食店，茶餐廳裝修嘅格局，座位係有少少逼夾招牌海南雞飯 $62可選走胸/要胸/走翼/要翼（只可選一）好少餐廳可以選部位👍🏻我就揀咗唔要胸。雞好滑，雞皮薄，唔多脂肪，有雞味💯💯點雞嘅醬油夠濃，冇一般嘅咁甜，辣醬好好味油飯就一般，唔算粒粒分明，唔太夠乾，濕咗少少湯冇味精，好飲凍飲+$8，特飲+$11-20，都算抵嘅雖然人手好似唔多夠，不過服務員態度都好好👍🏻👍🏻

可能新開，出單好混亂，幾枱都出錯單，店員唔跟單是但擺低，客人表示錯咗一句唔好意思都冇，話冇咗張單睇唔到。湯好咸，油飯又硬又冇味，雞都冇味，唔知點解開幾間分店⋯⋯