大圍牆 (已結業)

我幫襯咗「大圍牆」都有一段時間。最近佢搬咗過小小（多行30秒左右），地方舒服咗又四正咗。其實我都係搬嚟呢條村先知佢嘅存在。可以話係一間隱世小店但D小菜真係頂瓜瓜，比得上大洒家。我最近發現原來冇人寫過食評，所以我覺得應該介紹一下。「大圍牆」（將改名為‘雯軒小㕑’）主持人叫阿俊。佢好用心去做每一道菜，自己日日去街市選購材料，絕不將貨就價，呢份堅持可以反映係佢D高質出品。小菜出色唔在講，佢嘅盆菜更加係我食過之中最好的。我都食過好多地方嘅盆菜，但都係有一個共通點：重味精！次次都要大量喝水。而且份量又唔夠！阿俊出品就唔會有味精而且份量足夠指定人數有餘，不但價錢合理，更加係當日要才當曰做。我介紹咗好多人幫襯，全部都讚不絕口！寫咗咁耐好似幫佢賣廣告，但其實我都係出自真心，做應該要做嘅嘢啫！