影片
港铁朗屏站 B1 出口, 步行约7分钟
继续阅读
电话号码
34880527
营业时间
今日营业
07:00 - 21:30
星期一至日
07:00 - 21:30
以上资料只供参考，请与餐厅确认详情
近幾個月起，我獨自去食嘢，要盡量找以前未去過的未食過的。元朗廣場旁既大寶冰室，裝潢格局，都是上世纪80年代常見到的冰室。一坐低，聽到隔離枱既熟客，話要多士要深啡色，凍奶茶照舊。應該是老街坊常幫襯既冰室。有人情味。生客既我，叫個沙爹牛肉米粉，煎蛋，餐肉，半份多士，奶茶。沙爹味少少淡，牛肉片的質素，可以。那片生菜，起畫龍點睛之妙。口感清爽起來，不覺油膩。值得加分。奶茶，夠熱，茶葉是一般貨色。平均水準。服務和衛生，都算正常。
继续阅读
其實真係好少入元朗，但每次入元朗都會有意外驚喜，令封筆多時嘅我又寫返食評這是一間毗鄰元朗廣場，其貌不揚，卻富有「香港味道」嘅冰室/茶記。同現今時尚的裝潢不同，大寶冰室保留住舊日香港隨處可見的冰室特色。店內的大電視，陪隨住傳統香港大排檔常見的餐桌和椅子。比起近年常見裝修華麗、氣派、有主題嘅茶餐廳，呢度嘅特色，就係自然、真實嘅舊香港味道，而且食物嘅價錢好貼地。餐牌林林總總都係茶餐廳常見嘅餐點，掙扎咗好耐食咩好，就參考咗Open Rice暫時可見唯一嘅照片，榮獲4星嘅茄子雞扒飯。剛上桌嘅茄子係外層有少少香口，食落去居然唔會乾雞扒不過不失，但我大愛個醬汁，令到平平無奇嘅雞扒同埋本身冇咩味嘅茄子味道昇華。可以encore之選！唔怪之得入得餐廳食嘢嘅客人，幾乎都係熟客仔啦～可能呢個就係傳統香港冰室嘅魅力～話說餐廳叫蕃茄湯專門店，下次過嚟要試下蕃茄湯料理先！P.S.我估係疫情期間，冰室只係營業到下午4點，所以想試嘅朋友，記得早少少去～
继续阅读