大家樂 (新都廣場)

营业中

休息中

我點了他們的薄牛扒炒蛋多士和熱檸檬水作為早餐。然而，當這份餐點被送上桌時，我感到非常失望。牛扒和炒蛋都是冷冰冰的，完全沒有一絲熱氣，讓我失去了享受一份溫暖早餐的機會。我對這次的用餐體驗感到非常失望，尤其是在點餐時沒有特別強調需要熱食的情況下。作為顧客，我希望能在早晨的開始享受到一份熱騰騰的美味早餐。然而，這次的經歷讓我感到非常困惑和失望。我認為餐廳在服務和食物質量方面做得不夠好，沒有滿足我對一頓美味早餐的期望。我深感遺憾地說，這次的用餐經歷讓我對這家餐廳的印象大打折扣。我不會再選擇光顧這家餐廳，並會向朋友們提醒他們謹慎考慮。對我來說，這次的早餐體驗完全無法令人滿意，我希望餐廳能夠改進他們的服務和食物質量，以提供更好的用餐體驗。

個收銀態度好差，排隊俾錢排左咁耐，到我就吹，耳又聾，聲大夾惡，問有冇會員有仲變本加厲，部八達通機壞又懶個客，好似想打交咁，隻眼凸到凸過金魚，隔離收銀聽到都唔話下同事，搞到我走都走唔切。The attitude of the cashier is very bad, waiting in line for paying, he want me to be quicker when I arrive, she doesn’t hear well, and the voice is loud, and she ask if I am members, she have a bad attitude. The Octopus machine is broken and the she blame on me. It seems that she want to have a fight. with one eye protruding beyond a goldfish, and the another cashier didn't talk to colleagues when they h

紐西蘭魚柳·牛乳炒滑蛋 配牛油厚多士 飲凍檸茶快餐店早餐黎講，大家樂既炸魚柳🐟係最好食，炸得好香脆，配點個沙律醬十分夾。比較晏買已經冇晒蘿蔔糕，唯有食🍞多士，佢既多士比較普通，有得揀一定轉蘿蔔糕。另外加左碗牛奶麥皮，濃杰度適中，唔會冇味又唔會太甜，味道岩岩好，想食得飽d加配一碗就非常滿足啦。

本身成日收工去呢間大家樂食，有次食鐵板無羅宋湯，已覺得怪怪地，第二次食，我隱約聽到裏面講，冇晒湯,轉中湯，最后個餐嚟到，咩湯都無，我食完走去問，收銀話無晒湯，轉嘢飲比我(我本身都加咗杯特飲，要多杯都冇用),我行到去櫃枱問，佢又係話無晒湯，補返杯嘢飲比我，最后拎咗杯細可樂嚟，當我乞佢哋咁，我問佢，點解2次黎食，無湯又唔講，佢無應，間餐廳又唔係佢的，點解無晒湯唔同客人講，當客人傻？？？

其實大家樂早餐食左咁多無。質無突破，量就愈來愈少。但求快趣方便，都有時會食。 今日呢個牛扒炒蛋蘿白糕加個雪菜米，咩都有d。 蘿白糕味道還可，米粉湯就過淡，牛扒大小還可接受，炒蛋都幾滑。作為快速早餐，不過不失

終於開學啦讀書期間令我最煩惱嘅一件事就係唔知去邊度食lunch要搵一間又平又好食嘅餐廳都唔係一件容易嘅事大家樂率先推出超強學生優惠只要係學生就可以$38歎盡4款日式風味嘅丼飯仲會免費送粒粒紅豆冰/凍檸檬可口可樂不過個人認為啲飯有d乾身汁又太小🙈

前幾日收工已經好攰 所以諗住求其係街食少少野就返屋企休息 行過大家樂見佢新出左個「法式焗慢煮牛面肉飯」 一於試試佢！味道方面 唔算特別美味 但一定唔會係伏 （可能因為呢個價錢 我對佢期望唔高）個汁底其實同一哥焗豬扒飯差唔多 肉既份量亦都適中 幾大方 唔會慳住慳住咁 係有少少韌同羶咁囉 但可以接受的 價錢方面 $50包埋野飲其實都幾抵（貴過焗豬$2）話晒都有慢煮牛面我食wo如果要求唔太高 想快靚正食一餐而諗唔到食乜既朋友可以考慮考慮

放假食咩好？乜都唸唔到，於是一個人無無聊聊入左去呢度！講真嗰句，前一日入黎兩次，都唸唔到有乜想食，快餐勝在價錢平，比旁邊粉面黎得平，仲有杯凍飲督下。黎到呢度，價錢俾到like，食物俾唔到，紅豆冰d豆好硬，未煲好既！當時落單人好少，叫少冰，職員聽左少豆，呢下好ya👏🏻不過，炒麵進步左係真，唔似之前咁糊口一pat既質地，奶醬豬仲變柚子蜜豬，仲係脆嫁，呢下食得舒服左，因為平時我食個早餐都30幾，呢度完勝呀！廿七⋯⋯你無睇錯，我無打錯。

一支公今晚去咗上水新都廣場果間大家樂食晚飯，叫咗一碟厚切焗豬扒飯，$47仲有埋杯飲品碟飯份量十足，真係兩個人都夠食，外觀唔錯喎，配以芝士，菠蘿，番茄，等等，顏色吸引呢，件豬扒都好大件，夠稔而且味道亦好好，加埋杯餐茶，覺得好抵食啦！