大家樂

营业中

休息中

為什麼牛腩： 超級柴又細舊，茄子仲大嚿過佢牛筋：消失了, 或者溶咗咖哩汁： 水咁稀薯仔得一嚿加嚿茄子落去做咩呢58蚊 唔包飲品從小都鍾意食大家樂嘅咖哩牛筋腩飯，但係以前嘅味道消失了知唔知邊度有仲有好食嘅港式牛筋腩飯呢？?

毫无人情味！同我以往去的大家乐完全不一样！自从转了叫号取餐之后一直没有进步！服务一直跟不上！员工挂着聊天！身穿经理制服的女仕带头说地方方言！不是忘记给牛油、就是忘记给糖、甚至乎餐具也没给！太失望！不是鄰近大快活裝修，也不前来！

鹹蛋黃雖然膽固醇高，同時實在好好味，不論魚皮、薯片、炸雞、黃金蝦等都非常受歡迎，我也是十分喜愛鹹蛋黃。.看到大家樂有這款鹹蛋黃汁滑蛋叉燒焗飯，集齊我所有喜歡的元素於一身，鹹蛋黃、滑蛋、叉燒和焗飯，所以好興奮地叫了。.🎈鹹蛋黃汁滑蛋叉燒焗飯 $50⭐️⭐️⭐️💫 (3.5分)如果純粹計食物味道是都可以，亦算幾好味，芝士面夠多，我比較鍾意這個汁夠多，叉燒不會太肥。.同時如果以鹹蛋黃汁命名，原來是我沒看清楚，只是鹹蛋黃汁，而不是鹹蛋黃，沒有鹹蛋黃碎粒之外，不論聞落去或食落去，我都不太覺得有鹹蛋黃味，鹹味是有的，沒有那種鹹蛋黃特別的香味和惹味。.我會更喜歡大家樂的焗豬扒飯。

都知道大公司的餐廳打食評未必有用, 但係真係不吐不快~諗住食個開心的早餐再努力一天的工作~中環呢家裝潢完的大家樂今日令到我好失望..1. 通粉淋到一個點..放入口用條利細細力都壓到爛的感覺但係都可以話係個人觀點的唔同~2. 兩隻蛋~兩隻都有蛋殼!!3. - -成塊多士都漏左冇比..(已經唔係第一次)分享完畢, 唔知會唔會有機會睇到同處理, 希望可以認真對待..明白連鎖式經營係難管理但都覺得要分享出黎~

係中環搵食好講時間段，呢間大家樂向來是快食之選。由於輪轉快，保證有位坐。姐姐服務態度好。唯一缺點是落單姐姐成日聽錯嘢，凍奶茶十次有九次會落錯凍檸茶。是日試左芝士焗肉醬意粉，味道ok，意粉略嫌林得滯，連凍飲53蚊，係中環，算係咁上下。

日日食大家樂午餐的我，今個星期沒有了36蚊特價餐，只餘下33蚊魚香茄子豬扒飯....但真係難吃到不得了.....唯有選什扒飯，但什扒飯也沒有了，是什麼玩法了...焗豬42蚊，咖哩雞46蚊，不要講咖哩牛三寶了....全部不包飲品，平民食堂貴到這樣怎吃了。最後連吃第二日粟米汁豬柳飯加熱奶野，42蚊了。都是一樣味道，吃得飽，但不好味了....豬柳很乾，汁也很少，但飯夠多了..42蚊不抵了。

好多年前，每次在中環行經皇后大道中近置地廣場處便嗅到一間連鎖小食店所做的炸雞脾的香味。這味已消失了幾十年了，今天竟然被我無意間尋回部分的味兒。在中環辨完事已是下午四時左右，肚子都有點餓了，途經萬邦行大家樂便享用了一個下午茶餐。超抵吃的炸雞脾配紅豆冰，孖寶價只是$25，超便宜。如覺炸雞脾太熱氣的話，更可選豉油皇雞脾。～炸雞脾真意想不到，我竟然可吃回多年前另一小食店的炸雞脾味道。雞脾香氣四溢，炸得恰到好處，皮脆肉嫩，醃得又不會過鹹，果然一食難忘。 ～粒粒好豆冰冰凍紅豆冰極其吸引，內裏有大量紅豆粒，微甜有𡁻口。一匙一匙吃下紅豆，再啜一口有椰香味的紅豆水，感覺滿足。

基本上這店食物都OK, 早餐,午餐, 平均每星期都會幫襯2-3次, 午餐燒味不錯,SIZE正常及合理, 唔似另一間 大快 X , 叉燒薄到3MM...., 但偶然早餐的餐包,就會好細個,可能手勢問題, 尤其外賣, 多數細過堂食. 中意去呢間係方便, 而且佢有一個好笑容又有禮貌的收銀姐姐, 佢姓宋的, 每次幫襯佢都好好笑容,好有禮貌, 一見無人買野, 佢就會走過去幫手包外賣, 勤力到我只係一個食客都留意到, 大家樂有這員工, 賺左啦!

原本個天落雨，加上要趕住返工，求奇來呢度食午餐，11:30後兩個收銀變成一個人負責，服務又慢，加上聽錯野原本叫個P20節瓜枝竹排骨飯，佢聽左P2墨西哥雜扒唉，呢個都算，唔同佢嘈（因趕住返工，想食啲嘢）去到拿食物，排左成五分鐘先到我，拿張單比服務員，之後廚房做野好慢，幾乎錯漏百出，又等左成五分鐘先可以拿個份雜扒，超不開心去到餐桌，幾乎每張桌子都有餐盆未收，搞到人地不知坐邊度好，清潔阿姐得一個，又要包外賣，又要執桌子最離譜就係都冇外賣包，都仲企係到不執枱食咁多間大家樂，呢個超不掂

開始有小小涼涼地，去大家樂打個邊爐先😏殼飼牛 · 盛盒鍋，蕃茄牛尾湯底$65加魚子魚滑$6一滾就飲啖湯先啦，同早餐個蕃茄牛尾湯一樣咖🤩好甜係蕃茄既酸甜超正，個餐都幾多野食👍🏻👍🏻不過個炸魚皮淋既😿牛仔骨扒餐$59其實依個扒餐第二次食，但真不明白點解依次塊扒骨係佔左一半🤷🏽‍♀️個黑椒汁非常之好味，忍不住問佢拎多個，點包又點下意粉🤤平時送既意粉通常食2啖就食唔落，但今次塊扒太細塊啦；個意粉加黑椒汁真係超好味，簡直連意粉都想加錢要多個花旗參杞子圓肉蜜$5.5

好耐無去大家樂食lunch，今日去到見佢有個未見過嘅大廚系列，個滑蛋牛肉飯幅相好鬼多蛋，心想講到大廚系統咁誇張，就算得幅相一半咁多蛋都ok吖，點知……水牌上嘅滑蛋牛飯真實版嘅滑蛋？牛飯事先声明，水牌上面幅滑蛋牛飯嘅黄色部分全部都係蛋，而且係好似蒸水蛋一樣……但係結果呢？現實係d蛋？絲少到撈都撈唔到，就連呢d絲狀物體係唔係蛋都好成問題我真係唔明，mug依家d蛋好貴咩？駛唔駛孤寒成咁呀？俾多d蛋會死麼？俾唔到就唔好影幅咁嘅相呃人仲要話咩大廚系列？我呸！

做完 facial 有D肚餓, 突然想飲紅豆冰。記得萬邦行有間大家樂。決定 Tea - Tea.揀左C2 奶油脆豬 雪菜肉絲米 仲有主角紅豆冰😍😍$23好扺 份量剛剛好呢個奶油脆豬 卜卜脆 非常好味雪菜肉絲米就一般般喇 不過不失輪到主角 - 紅豆冰。大家樂嘅紅豆冰水準一向都好。紅豆份量夠 不太甜 。讃👍喺中環食 tea 要平 靚 正 👍👍👍呢度都係一個好選擇。

中午在中環搵食，很難找地方和好食的食店，因為全人類都在找地方吃午餐！唯有等晏D啦，最後都是揾到連鎖快餐店醫肚。㨂咗個臘腸駌鴦肉餅高湯菜飯，另配涼伴陳醋雲耳，當然跟杯咖啡啦！這個配答都ok, 肉餅混有切粒潤腸,臘腸，共有三件伴上椰菜，也不至太多肉，加埋菜飯，中和了些油膩！仲有涼伴陳醋木耳，很清爽，所以整體ok嘅，飯後一杯啡，唔會口wet wet!

旺角嘢就食得多啦 旺角成日食大家樂 旺角大家樂啲焗豬扒飯時得時唔得🙈🙊諗住中環應該OK。食落真係OK嘅 🤓🤓不過今日食完聽日唔會話好想再食囉🙊佢D底有蛋嘅 好似系炒蛋飯底咁 但完全唔香 😅冇蛋味 雞蛋太少 完全糸假炒飯😂😂塊豬扒唔厚 😞又唔糸好大份 😩不過都好食過旺角個D👌🏻👌🏻佢D洋蔥仲糸爽口嘅 其實淋咗嘅可能會入味D 不過最好都一半脆一半淋啦 可以睇到少少蕃茄原形 起碼系有新鮮 而唔系得蕃茄醬 😶😶😶重點系熱啡要加5$ 仲以為好飲啦 🙅🏻🙅🏻🙅🏻🙅🏻旺角旺中嘅大家樂熱啡唔錯ga

本人下午二點多到中環士丹利街馬會買完六合彩，原本懋到對面大快活食下午茶，但是時間未到，所以轉移地方到此間大家樂，問題出現在水吧燒味部，因為我在購買食物後在燒味部足足排了五分鐘，也由我前面有兩個外傭等待取食物，到我後面足足排了六個客，都還未取到食物，但是另一邊非燒味部足足排了八個客，而且全部離開找到位置坐下來進餐，向燒味部師傅詢問，還夠膽說下午茶太歡迎啦 喺咁㗎啦。果然利害