大家樂 (御龍山商場)

营业中

休息中

呢間大家樂就係火車站對面好方便，買個叉燒四寶飯返公司食。叫左半肥瘦叉燒，呢個半肥瘦叉燒剛剛好，好怕嗰啲叉燒一叫半肥瘦就好大嚿肥肉喺度，呢個就好好味啦，其他燒味都唔錯，最後我想讚吓佢個豉油汁好好味。

冬天嚟到啦，梗係要食大家樂嘅邊爐，嗌咗雙份雪花肥牛套餐，套餐入邊有粟米、豬肉丸、魚蛋、蘑菇同埋好多嘅生菜。肥牛好食，湯底係辣龍蝦湯、豬骨湯，有時想食鹹嘢辣啲嘅，就點呢個龍蝦湯，想食清淡啲嘅菜嗰時就可以點豬骨湯，湯好飲。

今天和朋友提起，他說大家樂的一個豬扒飯非常好味，剛剛路過火炭港鐵站，又是吃午餐的時間，便來到這裏買一個糖食豬扒飯。收銀員知道我想買豬扒飯之後，問我是堂食定外賣，我說堂食，之後他便將收據給我，我便用支付寶付錢。當領餐的時候，我發現服務員將我的餐遞上的時候，豬扒飯是用錫紙包裝着，這個包裝是外賣專用的，為何堂食都用外賣包裝呢？我堅持要用糖食的豬扒飯，服務員說要等20分鐘，我問他為何不在我購買時，告知我是用外賣包裝的豬扒飯，我堅持要退款，幸好收銀迅速幫我處理。另外當時在取餐區內的一男一女經理，服務態度都不太友善，這個是非常罕見的，希望管理層迅速再出改善。😡😡😡😡😡不過我覺得大家樂的服務越來越差，因為以前如果沒有堂食豬扒飯，他們都會通知，問我是否改用外賣包裝，不過今次就沒有了，非常失望，希望大家樂可以改善服務質素和態度。🤬🤬🤬🤬🤬🤬

作為素食者已經好耐無食過煲仔飯！一見到大家樂出素食版本即日就預訂左一個黎試！呢間大家樂每逢用膳時間都超級多人所以要等，係唔意外嘅我預訂左7點，黎到都要等大約10分鐘先有🧚🏻‍♀️新豬肉肉餅煲仔飯講真，非常好食！個肉餅係神還原左真肉餅嘅口感（利申：我4年前開始菇素的）當然唔會有肉嘅味道，但因為加左粟米粒同埋用返正常煲仔飯甜豉油唔講你唔知呢個係素肉餅朋友試左一啖，都問，呢個真係素？有無呃我？😂而呢個飯，個人覺得比素焗豬扒飯更加出色如果想間中食下齋嘅朋友不妨一試

由於美心巳經全線停止供應外賣小菜, 於是只好改往大家樂選購o9.19 黃昏時想簡單快靚正索性買了三餸 (三文魚/牛肉/雞球) 才回家, 結果換來一肚氣, 等候即叫即煮期間, 後期才發現原來丁收銀員把其中一款打錯變成排骨 (全家人也不吃豬肉) , 馬上返回收銀處反映, 這位職員不單沒有道歉兼對著其他客人面前大聲話我~打錯單咪改番囉! 唔駛死呀嘛! 依家唔錯得呀! 然後就用對講機告知出品部, 單號XXX要改單, 並沒有提出是自己做錯事, 結果使我浪費額外十分鐘寶貴時間重新等候o現衷心希望火炭寫字樓的管理層, 除了關注位處中產屋苑的御龍山分店之出品質素, 也要一併留意培訓前線職員的最基本待客態度 

we chat拎左張$5大家樂大券, 去食下啦見鐵板有豬有雞有司華力腸,又有湯又有飯...,先60 蚊左右,一於試下啦唔係等左好耐就出左餐,拎返位有d重鐵板好熱辣,聽到咋咋聲,倒左黑椒汁落去,勁香, 連隔離枱阿姐都望一望豬扒好大件,都厚,雞扒又係好大有d蜜糖味, 好味司華力腸幼長,裡面bit d芝士汁, 好邪惡餐湯係蕃茄湯, 唔係好濃但係幾dresh, 又有d d海鮮, 幾開胃粟米有燒過, 好香,不用有少少油飯,黎黎第二日先食,因為太大份食唔晒,抵呀

呢個大家樂嘅外賣晚市快餸真係好想推薦！！又平又抵又好食！又豐富又健康！好正！最近疫情多數都係叫外賣，今日同爸爸兩個人食大家樂外賣，都係$85咋！仲要有埋糖水！$70兩個餸😍😍😍😍😍😍滑蛋栗片魚塊😋😋Fried Fish Fillet with corn and Scramble egg 🤩source😋賣相唔錯魚塊好冧😋粟米汁配飯正Xo醬茄子炒雞球🤪😋😋😛Fried Chicken with eggplant in xo sauce🤩XO醬炒雞球，雞球好入味😙，雞肉亦都嫰滑，個汁好惹味，茄子亦都好入味😋之後額外加$15仲可以有兩碗飯、一個油菜、同兩碗甜品。糖水係椰汁紫米露😋真係好抵，兩個人食好飽，正餐甜品都有，椰汁紫米露仲好食過出邊嘅甜品店😳今次估唔到大家樂咁有驚喜😳一定會繼續買佢呢個咁扺嘅外賣🤩

為咗唔想遲到應我，今日我走咗去大家樂享受咗個豐富嘅早餐，事不宜遲我先來介紹吓你一個餐！呢一個餐係我啱啱攞到上手嘅，你見到其實完全係冇乜抹杯，仲係有少少橙色，我想言之嘅水花都其實都幾求其啦，而呢杯係一杯咖啡嚟嘅，咖啡真係其實偏酸亦都冇咖啡豆嘅香味，明顯咖啡，屬於平價嘅質素，回想起之前大家話大家樂嘅咖啡有改善，其實真係差左好多，有可能係因為我近排成日都係屋企公司即磨咖啡， 所以都可能會要求高咗！去到佢呢個正餐，塊扒算係唔錯㗎啦，都唔知得幾好幾香，番薯餅亦都好出！個番茄都係算好香甜！

order:鹹雞脾冬瓜粒湯飯 + 凍檸茶 $50(鹹雞脾， 配菜：冬瓜粒，紅蘿蔔粒，冬菇粒，竹新絲) 一直以來都會覺得，連鎖快餐店湯飯一定無老字號咁好食，今次有驚喜，鹹雞脾肉嫩滑入味，配菜配搭得好好，值得一讚

肥牛扎肉河，湯底其實味道唔錯。味道都叫鮮甜。湯底本身俾得好少（係被河粉吸晒水嗰隻），不過我去同佢講返，佢都肯加返俾我！👍🏻不過扎肉就真係「刀工利害🔪」，所謂薄到就快睇唔到😹我真係未食過咁薄嘅扎肉肥牛份量都算可以，都有成四、五片仔。要求唔高嘅話，其實都唔錯！河粉都幾好食，都算幾滑。加埋湯底一齊食，都幾好！凍檸茶，夠凍！有茶味，有檸檬味🤣下午茶三十幾蚊，又真係唔可以要求咁多嘅。除咗嗰塊扎肉之外，其他都合格！

讀小學的時候，很多時放學後都會去大家樂吃個下午茶才回後，其中一個常點的餐是燒鴨瀨配紅豆冰。有耐都無去過大家樂下午茶，有機會當然要吃個燒鴨瀨、紅豆冰，價錢二十九元，非常合理，味道好，份量亦多，吃完整個餐絶對有飽腹的感覺，性價比高。

起火炭食飯，冇選擇嘅情況之下，有陣時貪快，都會去大家樂食下而係呢啲快餐店，都好難話揀到好鍾意嘅晚餐，通常都係會揀個扒鋸下呢個價錢食飯，都算不過不失啦但係個甜品，我真係建議大家唔好揀，要揀就揀個湯啦，個紅豆雪糕真係好難食仲有個粟米都好難食，好乾，又沒味道

糧尾又想去打個邊爐暖下身，同朋友仔放工就去左公司附近的大家樂試下先。由於好多年前曾經去呢D快餐店打邊爐，D牛肉少得恐怖，所以我見雙份牛同單份牛的火鍋餐只差$6，所以我就叫左個雙份牛嘆下。叫左個沙嗲湯底，大家記住要攪均佢先有味架。係到打邊爐其實真係好睇運氣。朋友的牛感覺唔錯。但......我個盒就太肥了 膏多過肉。沙嗲湯底配火鍋牛肉片係Perfect Match！另外，個餐仲會有鮮肉丸同福袋的東東。呢個芝士魚腐又幾好食。魚腐夠軟同軟身，唔似魚旦個D彈牙感覺。芝士味都幾夠濃味。至於魚皮，浸完落個湯底2秒都仲有脆口的感覺。蔬菜盆有幾片生菜、一條蟹柳、一片南瓜、一段粟米、Cherry tomato同米線。米線的口感非常好食，吸埋湯底的精華確係正。唯一不足的係個餐無包飲品，大家可以加$7一杯、$11兩杯的價錢加杯檸樂或檸檬特飲。

今日去咗大家樂食下午茶係個broad到見到個包幾靚就叫左但真樣勁唔似樣但呢個吐司芝士極多🤤食食下反面覺得似食緊pizza😂但佢夠多料，除左芝士仲有蕃茄等等，食落冇咁heavy

一朝早約咗朋友去行山 行完山經過火炭再轉車 但個陣已經餓到差d 暈 嗱咩聲搵間餐廳 但火炭咩都無 得呢間 就入去食啦一睇個環境應該係新裝修 所有枱櫈都好新 d 燈光都用得幾好 求其買咗個餐 醫飽個肚就走人 好彩搵到呢間野 如果唔係真係暈低