大家樂

营业中

休息中

上星期見大家樂做優惠六元一隻雞翼星期四嚟想買幾隻但係排完隊收銀姐姐話無跟住星期五又嚟點知排完一輪枱輪到我的時候收銀又係咁同我講無哂雞翼好不容易等到今日星期一未到五點嚟到今日仲有優惠一元一杯奶茶今日排隊甚耐足足成三十分鐘其實有兩個收銀位為何次次咁忙都開一個收錢位今日又係唸住兩隻雞翼搭杯熱奶茶共銀$13整番個廉價下午茶點知收尾銀姐姐又係果句話今日雞翼買哂 真係無可奈何只有叫一杯奶茶大家樂呀大家樂呀！真係cheap 到做優惠做到咁連續三日 一早買哂我星期四已經打電話比大家樂公司反映 他們留言WhatsApp 亦WhatsApp 多日冇回應今日只有寫個食評比大家知道竟然咁大集團做埋啲假優惠 另外有投訴亦多日至諸不理仲有如果無哂嘅食物應該盡早打在水牌話售罄不要人白白排完隊一場失望

因為見到大家樂會員有優惠.專登嚟光顧.首先係$6一隻雞翼.本來係想幫襯六隻.點知收銀同你講無.久不久你話無就話姐！上次大約一星期前又係咁.咁我唯有叫另外一個特價食物.羅宋湯番茄朱扒腸仔烏冬.呢個亦係大家樂經常做特價.點知收銀回答你...無.我問乜意思..唔做生意呀？佢話無烏冬.冇烏冬可以安排比其他！例如麵.河粉或米粉.最後同經理講已經多次叫呢個烏冬.經常都話無.但係你哋可以比其他嗎.佢毫不在乎表情回應你.買哂咪冇囉！死唔肯改.一副不至在態度.反映已經係好多次.明明同你爭論時先至係五點.但係話買哂就買哂.根本毫無歉意.咁嘅服務態度真係要送個食評比呢間店...

【 炸雞脾+半份西多士+熱奶茶 】 $37不嬲都覺得大家樂既炸雞脾幾抵食，三十幾蚊包埋野飲。🌊 颱風日八號風球都仍然有開，又無加價。落左波後食返個下午茶先。🐓今日既炸雞脾唔乾喎，調味又岩岩好唔會太鹹，炸得幾脆🍗因為有時質素好飄忽，有時好乾又好鹹。🧇 西多士一定要加大量糖漿🥞西多士入面啲花生醬唔夠，無乜花生醬味😕同埋個多士有啲硬，可能炸完擺左好耐❌☕ 熱奶茶正常發揮，唯一Keep到質素既野，次次飲都可以一樣味，好飲既😋完！

今日嚟咗屋企附近嘅大家樂食下午茶， 25蚊一隻炸雞髀加紅豆冰， 首先入到去環境好乾淨， 地方仲要好大， 唔使驚冇位坐。一見到隻雞髀，忍唔住哇咗聲， 因為真係好大隻，拎埋位諗住食， 一擘開隻雞髀，啲汁係中間流出嚟， 咸咸香香， 個皮勁脆，飲埋紅豆冰， 希望佢可以繼續推出呢個優惠

大家樂晚市時段推出全新「咋咋淋鐵板餐」一式三款💯豬、牛、雞都有得食一個人鋸扒都能夠盡興✌🏻酥皮焗海鮮濃湯🍲同蘋果薯仔沙律🥗2選1🐖蒜香香草豬扒 🐓麥蘆卡蜜糖雞扒 🌭奧爾堡雞肉腸～三款都有齊😋配上高溫火熱鐵板🔥鎖住juicy 肉汁🤩上枱時發出「咋咋」聲～好正🙌而家更有限時抵食優惠❗️平日星期一至五（假期除外）5:30pm- 6:30pm (至24/6)優惠期間可以超抵價錢$59 食到超值又豐富嘅雜扒組合😋「蒜香香草豬扒 •麥蘆卡蜜糖雞扒•奧爾堡雞肉腸餐」如果一家大細或者情侶兩人/朋友嚟就推介大家叫返個$149抵食2人鐵板餐一齊食就啱晒🍴@cafedecoralhk#CafedeCoral #CafedeCoralhk #大家樂 #晚市 #蒜香香草豬扒 #麥蘆卡蜜糖雞扒 #奧爾堡雞肉腸#雜扒餐#紐西蘭草飼牛 #肉眼牛扒 #卡真雞扒 #豬肋骨 #鐵板餐 #紐西蘭肉眼牛扒餐 #香煎卡真雞扒BBQ醬燒豬肋骨餐 #酥皮焗海鮮濃湯 #蘋果薯仔沙律

喺大大家樂食咗個葡汁焗素魚柳飯。呢個飯真係超好食！本身唔係素食主義者，但鍾意食素菜。因為我認為素菜可以做得一樣咁美味，甚至更加健康。叫咗個葡汁焗素魚柳飯。咁岩無哂要等大妁10Mins 咁就唯有等一等。我一打開個蓋，就聞到陣陣葡汁嘅香味。個魚柳炸得好香脆，金黃色嘅外皮睇落好吸引。食咗一啖，個魚柳嘅口感做得同真嘅魚柳非常相似，外脆內軟，而且仲有陣陣嘅葡汁香味。個汁酸酸甜甜，好惹味。底層嘅蛋炒飯仲有啲紅米，口感豐富。平時食飯嘅時候，最怕啲飯粒會黏埋一齊。但係呢個飯嘅米飯粒粒分明，口感好爽。

星期日早上, 去開銅鑼灣, 見好耐無食過蘿白糕, 便滿心歡喜到大家樂外賣早餐.   回去打開盒後, 真的嚇了一跳, 蘿白糕煎得碳一般黑,  他們這樣的出品, 還要提供給客人, 真的太過份了   !!

平時去大家樂都係食招牌焗豬扒飯，不過食得多都會想試下其他菜單，所以今次就試左無骨海南雞飯！唔夠60蚊就有湯、油飯、海南雞配上三個醬，喺今時今日既物價黎講，cp值真係好唔錯！至於大家最關心既味道方面，我覺得係合格有餘，海南雞嫩滑夠雞味，油飯都非常香濃，飯煲得剛剛好，唔會太乾或太濕。湯就正常發揮，最少唔會飲到個口好乾，味精唔太多，咁先符合宜家健康飲食既潮流呀嘛！總結黎講，作為一個一人飯餐，份量足夠，平靚正之選

愛上大家樂!原因有三點:1, 銅鑼灣灣仔哩D高消費地區，居然仲有三四十零蚊一個餐，無明顯加價，其他茶檔閒閒地都五六十蚊，已經偏離茶檔原本平靚正嘅根!再講，三四十蚊一個餐，無偷工減料份量足!2, 平之餘又好唔好味先? 幫襯至少十次粟米肉粒飯，雖然肉粒硬咗少少未算肉嫩，但仍然可接受，粟米汁夠濃郁，質素穩定，所以經常幫襯肉粒飯.3, 今次叫飲品，忘記咗要求少冰，雖然無講要求，但大家樂都唔會好似其他快餐店同茶檔咁死加爛加，加到成個杯都裝滿冰! 令汽水裝少D慳成本!唯一不滿係..... 唔好播埋D什麼星夢歌囉!難聽到核爆!

今日唔趕時間，可以坐電車叮叮返工, 剛巧落車位置有間大家樂，好耐無食又唔想行太遠，於是網上落定單，去到唔使等👍真係好方便！撞正下午茶餐時間，叫咗一份茶餐公司三文治半份拼炸雞皮$41（配熱飲）炸雞髀：雞髀外皮真是又香又脆，雞髀size唔算太細,個人認為，連鎖快餐店來說，大家樂嘅炸雞髀真係比較出色公司三文治：雖然得半份，但餡料十足，一點都馬虎，仲要係厚切麵包，唔係薄切切！真係好在網上落咗單，去到門口見到起碼有五至六個人排隊落單，否則又要等下！

大家樂燒味飯一向都唔錯既, 價錢又平今日lunch就諗住快靚正食個cha燒飯! 同師傅講要瘦d因為近排減緊肥, 份量都幾多! 瘦得泥又唔太乾柴, 快餐點水準ok啦～ 見d員正忙得黎又幾nice, 服務唔錯

大家樂嘅優惠早餐，最近出咗份餐蛋飽配雪菜肉絲米粉早餐，甜朱仔飽夾餐肉炒蛋，餐肉唔算薄切，炒蛋也算多，塞滿餐包，而雪菜肉絲米粉的雪菜肉絲就少咗D，多返D就好喇☺️，依家好多分店都增設咗自助售票機，唔想排隊，顧客可以用自助機買餐👏👏

中秋節去咗大家樂打邊爐一人一煱，叫咗個雙份肥牛餐。噉呢個火鍋包咗兩份肥牛肉，米線，另外有啲魚皮，有啲豬肉丸，菜等等。另外我加咗八元飲咗杯凍檸檬可樂。價錢總數都係86元，但係可以打到邊爐，而且啲肥牛質素係唔差嘅。

今日下午去咗大家樂食個下午茶，睇下個菜單，原來佢有個新嘅下午茶餐，噉呢個下午茶餐包咗魚湯雲吞同埋水餃，再加一隻雞全翼，同埋一杯嘢飲。嗰個雲吞同埋水餃其實我覺得一般般，但反而佢個魚湯嘅湯底好有魚味，幾好食。

非洲雞扒雜菜燴飯 ($45)配/甜粟甘筍煲瘦肉湯 用大家樂手機app訂餐好方便, 揀咗分店就會有現時嘅餐牌畀你揀. 而家去到分店付款, 除咗可以用八達通之外, 仲可以用支付寶添👍 另外做大家樂會員可以儲分架 先飲個中湯, 個湯夠熱夠甜 (雖然點都有少少味精), 瘦肉好淋. 其實大家樂嘅中湯質素都唔錯, 有時會有粉葛瘦肉湯. 如果鍾意湯水嘅你, 都會鍾意嘅! 當然都有西湯揀啦.對比之下, 正餐雞扒飯就覺得只係暖暖哋, 唔知整好左咗幾耐~ 整體大家樂嘅服務員, 都好主動/ 會幫手帶位 / 盡快清潔枱面畀下個食客用