大家樂

营业中

休息中

今朝早起身沒東西做，閑來無事去了長沙灣的大家樂吃了一頓豐富的早餐，餐牌的選擇甚多，令人眼花撩亂。最後我選了一個蕃茄湯螺絲粉配香滑炒蛋及餐包。來到大家樂，當然要嘗試他最有名的牛油，果然和其他地方吃到的牛油有很大的分別，值得一提的是那個餐包，一下子塗上牛油的時候，整個餐包都散開了，他的構造真的很奇怪哦。相反，蕃茄湯螺絲粉值得一讚，配上碎牛肉的味道也頗開胃，配上另外再叫的檸檬茶，兩者的配合令人垂涎欲滴。

大家樂7月1 回歸慶祝，有優惠套餐，$99冬瓜盅二人晚餐優惠。 所以約了男友去食。5:30開賣，我們5:00就到了大家樂等候。我們叫了一份堂食，加了$10要蒸魚。二人餐包括有冬瓜盅、叉燒、豉汁蒸䱽魚、小菜（梅菜蝦米蒸肉餅）及兩杯普洱茶。份量都算幾多，冬瓜盅清甜，叉燒比較硬，蒸䱽魚蒸得剛剛好， 有魚味，十分嫩滑。另外小菜梅菜蝦米蒸肉餅都幾好食。普洱茶正常味道。餐廳人流比較較多，環境麻麻，衛生一般。希望餐廳注意一下。

我今日终于可以食到冬瓜盅了，之前因为系消暑限定，而且还是周末先有，所以我之前6点去到已经无晒今日去大家乐居然有得食，感更系要试下啦大家乐冬瓜盅➕一个小菜➕白饭💰72蚊，ok可以接受的，味道呢冬瓜盅就比较平淡滴，我反而中意配的咕噜肉，好食，好送饭大家都可以去试下

個鮑片竹笙雞粒炒飯原價$36，轉配甜蜜酸乳鳯梨梳打。總價$45。個飯份量唔係好足夠。鮑片好味。鮮甜。雞粒炒飯太多汁，食唔出係炒飯。杯甜蜜酸乳鳯梨梳打，帶點柑味。微酸開胃。夏天消暑最佳飲品。

一個人黎到大家樂食晚餐，本身都冇乜期待，點知換黎既係失望。首先呢個只係平價餐，都唔應該有咩期待，但係呢個白汁雞皇飯，D雞係「鞋」到冇得再「鞋」！！一啖咬落口除左「鞋」仲要成口榨咁，完全唔得囉！諗住用個白汁送飯頂住，SORRY呀，個白汁稀到唔知點形容呀，同埋又冇乜味，變左個白汁配雞皇咬落就好似食緊野咁，又冇冇味道唔知自己食緊乜咁。仲有個餐飲，因為本身我選擇左走甜，所以個茶底好唔好對杯檸檬茶黎講好重要，但可惜個茶底應該浸得好耐，係好苦。

100分的芝士焗肉醬意粉！非常建議大家唔好撰星期六日食❗️❗️❗️試過幾次星期一至星期五叫黎食個肉醬意粉都焗得好好啲醬同意粉既分量都係岩岩好但係星期六日唔知係咪太趕成日都會overcook啲芝士同啲醬都乾哂然後啲意粉又硬晒咁另外值得推介既係杯熱奶茶大家樂既熱奶茶配焗肉醬意粉係永遠無得輸

今日中午買左個芝士焗肉醬意粉係大家樂既招牌菜式好足料，滿滿芝士同肉醬勁香肉醬！意粉又唔會太硬/林而且份量都幾大，對我黎講一個人係食唔晒😂好多年無食過，都依然勁有水準勁好食！

叫個鐵板餐外賣，等咗成30分鐘，個阿姐態度仲要勁差，等半個鐘仲叫快餐店咩，問佢又叫人睇號碼，等完又等都未等到，乜而家啲快餐店要等咁耐嘅咩，建議大家冇咩事唔好叫鐵板餐。

睇了討論區的貼才知道大家樂原來中午都有全日早餐.加上八達通APP有十蚊優惠券, 所以就來個中午的早餐.早餐有炸魚柳, 炒蛋, 煙肉, 三角薯餅, 西多, 扒茄, 焗豆,  仲有一杯飲品.份量唔算少的, 至少到晚上七點都未肚餓, 不過呢, 唔知係咪早餐賣剩的, 反正大部份食物都係微暖.炸魚柳, 呢個算熱, 但粉太厚.炒蛋, 即炒的, 唔錯.餘下的都係微暖, 應該一早整定放係保溫箱, 所以煙肉好硬, 西多軟身, 估計早餐時段食會更好食.試一次就夠了.

原本諗住食個海南雞飯，但睇到有個89蚊烤雞2人餐仲配埋蕃茄肉醬芝士焗意粉同兩杯紅豆冰，就買咗個外賣試下結果中伏…烤雞冇乜調味同埋食到有少少腥味…蕃茄肉醬芝士焗意粉嘅味道同中學嘅活力午餐一樣，但都算係正常味道…兩條粟米雖然冇味但始終係粟米點都入得口，但個加9蚊嘅上湯娃娃菜真係最失望，入面一粒鹽都冇，真係一粒都冇全場最佳係個紅豆冰值得一讚，入面有勁多紅豆，差唔多成半杯都係紅豆！唔錯！後悔冇叫海南雞飯…

香港周圍食飯都貴，連鎖店推出一些經濟午餐都是一個不錯的選擇！今次的超值午餐是鴛鴦炒飯，連飲品都只是$35～小時候很愛吃鴛鴦炒飯，一來是樣子漂亮，有點像太極符號，很特吃，二來是一個價錢可以吃到白汁、茄汁 兩種味道，而且兩種味道都夠晒大眾化，基本上大家都接受到～炒飯大碟，十分足料，賣相一般，中規中矩。白汁蝦仁，醬汁杰身，點甜甜的配炒飯底好食。蕃茄汁酸酸甜甜，夠晒開胃，雞肉有點過韌。味道中規中矩，但性價比高～

通常我去大家樂食下午茶☕️，一定係太多時間，所以去hea吓係大家樂食下午茶。我唔會有咩要求，所以食物一般都沒有問題，隨非是變壞除外，雞翼味道不過不失，但就不太熱，只是暖，雞肉食落都嫩口既，不過如果熱D同脆小小就更加好😀😀😀😀西多士味道反而不錯炸得軟熟⋯⋯味道甜味自己可以調較糖醬和牛油，落幾多自己決定👏熱咖啡☕️——-奶太多，奶味多過咖啡味😅但係快餐店的咖啡試過齋叫白又好難飮，所以就無叫，就咁叫左杯正常咖啡😅如果奶可以分開，落幾多由我自己決定就更加好😅😅😅

今次又去幫襯下午茶，2:05到達，收銀櫃位已經大排長龍，但人手有限，店員未有時間更換下午茶餐牌。大約過了5分鐘，終於換好menu~大家樂的下午茶款式多，每樣看上去都蠻吸引！今次點了台式肉操飯跟一杯飲品。肉燥飯賣相跟圖片差不多，另外點了低糖綠茶。肉操飯 飯的份量多，跟午餐差不多，平時下午茶餐份量都較少。滷水蛋味道夠晒入味。肉操味道中規中矩，但醬汁太少，吃到中段已經覺得肉燥太少，所以太乾，要不停飲綠茶。

很久沒有食過燒味，難得這裏的下午茶餐有燒味雙拼當然要試試！可能今天太準時到達，排隊吃茶餐的人排到出餐廳外有點誇張～等號碼攞餐，等了大概2分鐘已經可以提取，今次點了油雞、叉燒瀨粉配低糖綠茶。這個雙拼茶餐賣相不錯，不知味道又是如何？立即試試看！油雞肥美，肉質滑溜而且夠入味。叉燒沒有叫半肥瘦，但不至於太瘦，不太過即韌。味道比想像中好，不會因為泡在湯內而令它的味道變得太淡。不知道是份量太少，還是我太肚餓？！感覺上這個茶餐的份量有點小～

星期六、日通常都訓到不願起床，訓晏一點班都連午餐都不用吃，直接吃下午茶就當一餐！大家樂下午茶的選擇比大快活多，而且轉換亦較快，不會常常吃死一樣menu!想了很久，最終決定吃經典的公司三文治！記得細細個每次吃三文治都很期待，因為大大件又好吃，而且中間仲放滿薯片，大滿足！現在的三文治已經沒有薯片，而且外皮多了坑紋及烘底，三文治餡料有火腿、蛋、生菜、蕃茄、沙律醬等本人認為三文治沒有以前的那麼豐富，但又說不出以前的到底多了什麼食料！整體來說三文治味道不錯，四件份量當午餐亦夠飽肚！