大家樂

营业中

休息中

酥皮湯吸引我入去食😋😋😋😋牛扒都好大塊，好淋有肉味。價錢咁優惠有呢個質素真係算係咁😋😋😋鐵板牛扒和酥皮湯都是非常童年的菜品，它們的口感各具特色，😋😋😋但都能帶給人們美好的食用體驗。鐵板牛扒的酥脆口感和鮮嫩多汁的肉質令人難以忘懷，而酥皮湯的濃白湯和酥脆的酥皮則讓人感到清新可口不過炸串薯片麻麻地，加十蚊有紅豆冰🧋🧋🧋🧋😋😋😋😋😋😋😋😋😋😋😋😋😋😋

返夜校之前食個茶餐，呢個時間周圍都冇乜人，有好多空凳坐得好舒服但係就要留意一下餐廳嘅位置因為佢同一粥麵一齊用同一個空間，喺出面買完飛，但係要經過一粥麵先去到大家樂坐嘅位置我傻更更喺一粥麵等左好耐都未等到嘢食🤣今日叫咗台式麵線 + 紅油抄手原來個台式麵線係辣嘅紅油抄手，有三粒食物味道不過不失麵線偏鹹，建議加杯嘢飲，可以幫手解辣添！一個女孩子就夠食，但係價錢唔係話好化算熱菜蜜偏甜，建議提早講少甜，最後冇飲哂，因為偏甜

大家樂有個下午茶餐28蚊咋，有半個奶油豬，雪菜肉絲米粉同埋一杯紅豆冰，以價錢及份量來衡量，都算抵食，但奶油豬不夠脆，米粉嚡熠熠，最好味是紅豆冰，紅豆又多又腍，而且甜度適中。

懶煮飯有好多方法可以彌補😂今日屋企人去打針，所以無煮飯。一直都有聽大家樂有得叫餸，3個都係$105😋 今日就試吓好無食先😋 $105叫咗滑蛋粟米魚塊、柚子香檸雞、叉燒拼切雞，加咗$15有兩嗰白飯、兩碗糖水同一個菜🤔 因為想飲啖湯嘅關係，所以原價嗌咗個菠蘿咕嚕肉($57)，有飯有湯有普洱茶😆先講飯🍚 見到嗰樣都唔太想食，啲飯好硒，所以返到屋企再蒸返熱先😂 讚嘅係香檸雞嗰汁做得幾好🥳 今日嗰油雞都高水準👍🏻 但所有嘢總括嚟講都多咗炸粉，但呢嗰價錢味道算好唔錯😆 到碗湯(粉葛赤小豆煲唐排)，湯係好飲，仲好”足料”，成碗得三分之一係湯，其他都係湯渣嚟😅順帶一提，用八達通俾錢🤌🏻仲有9折

今天到大家樂吃咖喱魚柳飯，魚柳好像很大塊，但是比較薄， 沒有魚。咖哩味道微辣，算好吃，全靠咖喱汁提升此餐，價錢相當抵吃，只需$43。環境不錯，地方非常大，不用等位。

早前在網上買了90元的二人餐劵，就可以選擇兩個飯和2杯飲品，而飲品是特飲，感覺十分抵食。網上付款之後，隨即會收到確認電郵，電郵中有QR Code。之後便可以到門市，向收銀員展示QR Code落單。由於阿拉斯加鱈魚柳茄汁焗飯是新出品，所以我和男友都選擇食這款飯。鱈魚柳很大條，十分吸睛，炸得酥脆，不過我那條鱈魚柳炸得太耐，呈深橙色，但內里肉質都嫩滑。焗飯份量多，加入了蕃茄汁調味，酸甜開胃。飲品我點了楊枝甘露特飲，很香芒果味，還有芒果粒和柚子粒，增加口感，很好喝。

大家樂青衣青敬路33號青衣城2期地下G32-G33號舖青衣城呢間大家樂似乎任何時間都係咁多人，今日又黎到呢到開餐啦對於快餐店既要求始終唔可以太高，但呢個吉列豬扒真係唔錯，岩岩炸起仲熱辣辣，而且好大塊好厚切，成塊面咁大鐵板餐都正常，質素唔錯

2019年12月2O日是學校的聖誕聯歡會學校替我們準備了聯歡會的食物，有沙拉、布丁、炒飯、意麵........等。意我的 記憶中也好像有肉球吃的。 當日食物送到上來時，雖然仍然是熱辣辣的，但是當我們打開石紙和 用膠做的蓋子時，因為芒果布丁是和 熱辣辣的食物同一個上盒子，所以布丁是不知 怎麼形容好，不像原本 可以在 街外可以買到的芒果布丁一樣， 即使用羹吃也覺得 十分之奇怪。 需要改進的事 芒果布丁 完全 不覺得 是芒果布丁連一點芒果味也沒有很難吃。

今日媽咪幫我去青衣城大家樂買外賣，我就諗住簡單啲叫個咖喱牛腩飯，當媽咪攞左個外賣返到屋企我就諗住去食啦，一打開個外賣心諗唔係掛成碗咖喱得果四小粒牛腩，媽咪見到咁嘅情況就打電話落去問下佢地係唔係唔夠牛腩就求其出左個外賣當算數，而我就開始食啦諗住得咁小牛腩就食下薯仔先，點知一食舊薯仔係生嘅，食落仲可以有爽口嘅感覺玩邊科呀？媽咪就同個經理講，好彩佢都肯換但係我地離青衣城咁遠換鬼咩，其實大家樂嘅職員點解要出一個咁嘅飯比人外賣呢？你直接話冇牛腩要個第二樣就得，人地返到屋企打開先知冇得食幾麻煩呢？

今日在青衣城2期UA睇戲，但又早左未夠鐘睇戲，諗住食個下午茶先都夠時間，就去左2期地下間大家樂食個簡單嘅下午茶餐。下午茶餐@＄31：叉燒燒鴨瀨粉🍲+熱檸水🍵。😋熱檸水🍵就一向水準，個檸檬係幾新鮮，又無苦澀味幾好飲嘅，之不過…要彈嘅係個瀨粉囉，廚房好似煮左一半就趕時間送出黎咁，因為有3份1碗瀨粉係仲黐實，一舊舊分唔開咁樣囉，仲粗過支飲管，咁樣硬骨骨仲點食吖。其實，未煮好就唔好攞出黎比客人食啦，攪到我嘥晒啲食物，好浪費。

同阿女去完迪士尼已經7pm，去到青衣城是但搵個快餐依下肚，阿女選擇食火鍋。只係7:30pm 已經無哂墨魚滑同烏冬，又無海鮮火鍋，只好叫左雙份美國殼飼牛鍋。叫左豬骨湯底但只算係清湯；牛肉都可以都算軟身易咬，都有d牛肉味；至於個粒餃子，未放入湯已經分開左兩節；個粒黑色墨魚丸無乜味；長方形既魚旦尚算彈牙；菜同菇都好新鮮；最差既係米線，只係煮左三分鐘已經碎哂又林哂；至於魚皮係最好，又香又脆。加左8蚊既蜂蜜雪梨冰係淡而無味，早知食水好過！我同阿女一致認為吉野家好味同化算好多！

未搬遷之前的大家樂，是在青衣城一期一樓的中間位置，基本上逛青衣城的一定會經過。以前開在必經路段，但搬遷後竟然開在二期地下最入的位置，如果不是熟悉青衣城的人，大概都不會知情原來這裏還有一間大家樂。我和家人是在晚餐的時候來，打算試一下大家樂的火鍋，看看有什麼可以選擇先。我們點了一份龍躉海鮮榖飼牛鍋和雙份美國榖飼牛鍋。火鍋湯底分別點了豬骨湯底麻辣湯底，想不到原來大家樂的湯底比想像中更加辣，而且還是愈滾愈麻的，吃到一半幾乎吃不到。火鍋配料就比較一般，除比魚塊之外其他都是比基本。至於主角肥牛，一打開包裝，肥牛塊雪到硬一硬，根本不能分開逐塊逐塊放入火鍋，要一整餅肥牛倒落去，待它熟稔之後才可分開。這裡扣了很多分，不可以慢慢淥肥牛，如果煮得耐，牛肉會變得鞋口。火鍋的主角就變得差了。

今日晨早流流七點陪老婆出門口返工，諗住他他條條嘆返個靚早餐，就黎左青衣城二期地下果間大家樂，自從佢搬左落黎呢個位置一直都冇幫襯過。我揀左個一哥糯米雞，老婆要攝取蛋白質就要左蜜糖雞扒走汁加洽雙蛋。我個糯米雞唔洗等一黎就有得攞，點知埋位一開塊荷葉就知中曬伏，唔知一哥係咪口水多？糯米雞入面攪到啲汁水汪汪咁，失敗！糯米雞做到餡料同外層糯米完全零交流，失敗中嘅失敗！好後悔叫左佢，真心食外賣糖記糯米雞都冇咁谷氣。唯獨雞全翼同臘腸片令佢挽回丁點分數，未致於一敗塗地。至於老婆大人的蜜糖雞扒餐，唔單止等左好耐，而且說好的走汁又漏左，要我再提示佢重做，等了又等失敗！唯一係經理姐姐冇黑面的服務態度抵讚！（雖然係佢做錯，今時今日唔黑面實在難得。）味道方面雞扒係佢改項，層皮煎到金黃色好香口又有蜜糖味（不過老婆冇食到），隻全熟洽蛋無可挑剔（仲有炒蛋、太陽蛋比客人揀），雞扒早餐無得輸。

呢個商場啱啱新開幕，所以專登嚟行吓，順便食晏，可能因為新開幕同埋喺假期嘅關係，大部份食店都好多人排隊，於是我就去左呢間快餐連鎖店食嘢，喺門口買左飛之後，跟著行去攞嘢食，點知見唔到佢哋嘅櫃枱，追問之下原來喺要直入一條長長通道，經過另外兩間連鎖食店，先至去到佢地攞嘢食嘅櫃枱，坐底之後開始食個豉椒排骨飯，點知碟嘢只係暖暖哋，諗住睇下手機，噢，原來呢度在商場嘅深處，喺收唔到訊號嘅，咁就惟有快啲食完離開呢度啦。