大家樂

营业中

休息中

今晚由於放工返屋企後要再外出，所以諗住於Yoho外賣自取，就到時間快快食完就最好。家人無特別意見食邊間好，我就諗到既然係要快，不如就食大家樂，因外賣平台做緊優惠。快取叫餸外賣可以揀2個小菜，而且可以加錢要埋飯，就試下叫2個餐。叉燒燒鴨雙拼，叉燒小小肥，燒鴨都算多肉菠蘿咕嚕肉，稍為過硬，唔夠淋，不過味道OK粟米香菇煎肉餅，簡單但清清地，都唔錯粟米魚塊，魚塊唔差，送飯一流食物整體質素唔差，價錢來講，4個餸加2個飯$160有找，都算合理，唯一係欠缺蔬菜，得幾舊仔西蘭花，呢方面可以改善。

因為WeChat Pay 有40蚊減5蚊券，所以就決定去大家樂食下午茶，用埋張券佢。叫咗個燒鴨瀨粉，叉燒包轉雞翼(+$2)，凍奶茶:個人覺得大家樂嘅熱奶茶一向做得唔錯，但一變凍奶茶，就好似完全唔同level，成杯嘢好淡，奶同茶唔香唔滑，下次都係叫返熱奶茶好啲。瀨粉彈牙，而且唔會斷開一截截，以下午茶來講，燒鴨嘅份量都適中，因為本人唔係幾鍾意食叉燒包所以就轉咗做雞翼，雞皮整得幾脆，雞肉亦都唔鞋，只不過係冇乜味。

平日下午茶時段黎到，唔多人，環境都算舒適，叫左炸雞髀配紅豆冰，雞髀炸得幾脆，幾好食，又大隻，唔錯ge 下午茶， 紅豆冰d 紅豆略少，但味道適中，唔太甜，比其他分店出色

最近大家樂下午茶多咗款墨西哥薄餅有蕃茄醬肉絲味同芥末醬雞肉。佢哋唔係脆身嘅Taco，而係類似Wrap既質地。用30幾蚊價錢食到個墨西哥薄餅，作為下午茶來講都好抵食

8月8日我成為會員，大家樂早餐款式多過大快活，我今日吃銀針粉+炒米粉套餐，加七·元桂格甜麥皮。我今日扣早晨現金券5元，銀針粉用蝦做湯底，配料有冬菇絲，蝦米，冬菜，銀針粉。炒米粉炒不算太乾，麥皮是甜。大快活麥皮無糖，要自已加糖或煉奶。整體味道我差不多吃完，服務生問要不要牙簽，紙巾和熱水(茶)服務態度都算貼心照顧。

屋企人收工買外賣返嚟食，因為今日唔想煮，經過見到大家樂有$100 三個送外賣，只限外賣姐。咁見到咁抵就試吓啦。另外價錢仲包兩個飯同菜同兩個糖水，糖水係椰汁紫米露，所以都幾吸引，最主要係價錢好抵不過啲餸買咗返嚟，打開一睇其實都偏向細碟，例如其中一款要咗燒味雙拼，基本上每款燒味都係得幾舊。。同埋啲燒味比較瘦同埋乾身冇乜汁，所以燒味就唔係好建議啦。

好耐無去食大家樂啦～ 今次同朋友趕時間 見大家樂又唔係好多人 所以就入去叫左2個餐～ 叫左個咖喱牛腩飯同一哥焗豬扒飯 原來而家係唔跟飲品🤔 咁都唔算平～ 但係快餐黎計 都係好食又飽肚～ 咖喱牛腩飯個汁都辣辣地～牛腩都幾稔👍🏻 而個一哥焗豬扒飯都不過不失～ 始終都係大家樂既標記唔會差得去邊既😂😂 如果配埋個湯就更加好啦😂

今日有事要過黎元朗，係形點是但入左大家樂解決午餐。餐牌好多選擇，結果揀左海南雞飯配熱奶茶，盛惠$54。等左一陣終於攞得。海南雞飯套餐有一碗油飯，一大碟海南雞，有少少豆同蔬菜，醬料係薑蓉同泰式辣醬。油飯好乾身，唔太油膩，所以相對地冇咩油香。海南雞份量多，尚算嫩滑，但冇咩味。我只係求快快醫肚，所以先入左大家樂食個快餐。如果唔係，都唔會係我既選擇，因為食物質素好普通，又唔算特別平。揾唔到野食先入黎食啦。

大家樂元朗朗日路8號形點二期L2層A217號舖今日同左朋友經開元朗，係形點唸住簡單食個Tea, 所以大家樂絕對係不二之選啦睇見D燒味好似幾正，所以我同朋友都揀左食叉燒叉燒瀨粉+可樂 $31蚊細碗叉燒飯，雞翼+紅豆冰 $36蚊我想講呢個所謂<細碗叉燒飯>一啲都唔細囉，當lunch都絕對夠食叉燒肥瘦均勻又多汁，無得輸呀

休息日，有時都不想訓得太晏，有時早起去食個早餐，一整天的假期變精神百倍。香港的平民式早餐，除了茶餐廳，另一選擇有大家樂，其實大家樂早餐的選擇真係十分十分多呀！有時我企係餐牌面前，想了又想，因為選擇太多，選擇困難證都出來了，哈哈！不算太早，10點鐘到達都已經滿座了，可能大家假日都比較遲起身，等了一陣位子。同老公一人一個餐，份量好足夠！我地2個最喜歡叫有配多士的餐。點解？！因為係可以拎向大家樂姐姐煉奶，多士加煉奶係絕配呀！

尋日去形點大家樂食午餐，同屋企人一人叫咗一個餐食。整體嚟講成個都係冇味嘅。葡汁一啲味都冇，鹹味又冇 ; D 雞係雞胸肉，切開一粒粒 ; 薯仔同紅蘿蔔都係冇味嘅。 見到都唔開胃，搞到成餐飯都冇晒胃口。脆腩能夠保持水準，皮夠脆 ; 叉燒好滑。😋👍

🔸咋咋淋鐵板 x 楓盛雜扒餐 $60.5咋咋淋鐵板再度回歸，見開始有少少秋意，一於咋一咋佢！😂😂個餐有一塊楓樹糖雞扒、一塊七味豬扒、一條勁大司華力腸酥粟米及周打魚湯。醬汁方面有三款可以揀，黑椒汁/洋蔥汁/蒜蓉汁。淋落熱辣辣的鐵板上，鑊氣好夠，十分惹味。周打魚湯上有酥皮，外酥內暖，漲卜卜，好似半個足球咁，好搞笑。肉類質素還好，雞扒同豬扒肉質都唔會好實，算對得住價錢。成個餐有咁多野食，幾抵，整體合格。另外仲有紐西蘭西冷牛扒餐作選擇。

又係黎到係yoho食野既時間，由於太趕時間，無咩時間可以慢慢食，於是就去左大家樂快食！但係大家樂都唔係話好易等位😂😂😂但叫做野食好快到！又唔算太肚餓，所以叫左個薄餅試！丫，佢呢個咖哩薄餅又真係幾好食！完全同大家樂平時食既唔同feel😂估唔到佢將白飯換左薄餅可以咁大分別既效果😍值得再食多次！重點係佢既咖哩味其實好夠，好野味😍

大家樂下午茶真係無得輸，價錢實惠，真抵食🤪 成日經過都會買個外賣返公司/屋企慢慢嘆👀👀雙拼叉燒燒鴨瀨粉都只不過係$41，份量十足當晚餐都okay😎 😘我專登同師傅講要半肥瘦叉燒，肥瘦適中，油脂平均😉 其實半肥瘦都唔會話油膩，反而口感仲豐富🤠 我之前驚肥，試過瘦叉燒，超級乾，差啲咬都咬唔開，食過一次就怕怕😖😖瀨粉配燒鴨又真係一絕👍🏻👍🏻瀨粉下午茶餐仲有埋青菜🥬，食得多肉都唔驚😚😍

雞扒唔會好肥，而且仲會有啲脆脆地，太陽蛋都好大，多士就普普通通冇乜特別啦雪菜肉絲米好好味，啲米粉唔會好淋，而且啲雪菜同埋肉絲都唔會話好少，米粉份量都好多啲炒麵份量都好多，不過有啲油。。。感樣都40幾都好抵食，又夠飽