大家樂 (新都城中心二期)

营业中

休息中

呢間分店的質素比較低!今天來堂食下午茶, 點了一客芝士芝麻吐司~去拿食物時, 見到所謂的芝士芝麻吐司, 一點芝士都冇! 激到我要投訴, 要求轉雪糕芝麻吐司算數~另外, 賣相完全不吸引~果醬和蜜糖竟然用外賣膠兜盛載~ 之前去過第二間分店, 別店的質素高得多~從此對新都城大家樂分店非常失望~

最近見到電視的大家樂廣告賣緊咖哩乳飼牛坑腩同埋咖哩海鮮, 賣相不錯聽到朋友都話新出ge牛坑腩味道唔錯今日難得有機會同mami撐枱腳, 一於去試一試虛實新出的咖哩系列, 加$1仲可以加多一個油酥餅睇電視以為佢好細塊, 原來都唔算細飯o黎啦, 熱辣辣, 一大碗咖哩汁, o岩晒我呢D鐘意撈汁ge人酥飯跟飯一齊上, 先試一啖唔點咖哩汁ge, 味道比我想像中好陣味有D似酥皮湯上面個層酥皮, 不過佢係煙煙un un咁, 加埋咖哩汁仲好食然後試o下D牛坑腩, 真係同平時個種牛腩唔同, 好"林" 好有牛味仲有D牛筋, 同埋份量比我想像中多, 唔會一味多薯仔食完之後好飽, 下次要試埋佢個咖哩海鮮 如果大家樂可以一直keep住呢個水準就好la~~

2008年10月20日，大家樂今年的火鍋presentation真係好靚，用料不賴，但份量應該是比往年少了。以前兩個人吃都飽，現在每人一杯飲品，飲到一肚水都麻麻地飽。

突然好想吃火鍋 , 兩個人又不想去酒樓 , 最後決定去大家樂 , 等了一會就有位 . 好可惜 , 火鍋全部也只有牛肉 , 最多改羊肉 , 為有吃其他 , 看來看去 , 也只得一款咖哩豬排飯比較吸引 . 以為好像茶餐廳那些 , 個汁連同一起上 , 這裡是分開的 , 好香 , 有一點辣 , 不像其他餐廳只得椰子味 , 豬排好厚 , 炸得不會太過火 , 剛剛好 , 好脆 , 好 "林" , 真的好好味 . 火鍋只有試過個豬骨湯底 , 好淡 , 沙爹比較香口 , 份量比去年少了好多 , 菜只得幾條 , 麵又少 , $69 也不是太便宜 , 比多一些吃自助的 , 選擇會更多.

27 - 04 - 2008今日晚餐稔吾到食乜,mami提議去美心不過睇完美心ge晚餐之後,都係決定黎大家樂都未到門口已經見到好多好多人D人圍住晒餐牌個位...真係吾明點解要企到咁前左稔右稔,最後都係決定叫五寶飯算啦mami叫咖哩牛腩飯,mami個飯黎左,我都仲要等等呀等,mami碟飯都食左一半,我個五寶飯都未到原來mami話收銀個o個話廚房吾知仲有無五寶飯叫我地買左先,拎去廚房問下...吾係掛咁大間公司,吾識call入廚房問下有冇ga咩??況且我認為佢地有責任幫個客人問,吾係叫個客自己去問等左咁耐,原來廚房話冇五寶飯,把幾火冇又吾一早講,仲要個客等左咁耐吾行去問即係吾洗食啦,廚房個職員問"咁你而家揀咩雙拼飯呀"大佬,你自己望下你個廚房有咩俾人揀,得返兩隻雞跟住我mami問佢"五寶飯同雙拼飯個價錢吾同ga wo"個職員即刻話"咁咪送返杯凍飲俾你囉"嘩...咩態度個廚房又混亂wo,個個職員掛住整鐵板餐都冇時間理其他客人,既然咁大間集團都兼顧吾到不如咪做鐵板餐啦,好過得失個客人,俾個喊面你(當大家樂市場部d員工會黎收集客人意見)

4月17日下午將軍澳新都城2期的大家樂燒味飯，27元雙併（叉切雞），5小塊雞骨，5小片叉燒。立即同經理投訴！（完全未吃過，將d 肉放在一角影相！）當時因為過了2pm，已經無午餐，只好叫燒味飯。當時並非繁忙時間。新都城2期個大家樂燒味部出名衰，黑名單。4年前吃過一次海南雞飯，竟然一件雞翼！除佐美女OL有大件肉之外（通常OL 都要留一半丟落垃圾桶），好多人吃到的燒味飯的賣相！附近另一間賣粥（都是大家樂集團）d 燒味一樣衰，吃過一次就要列入黑名單。一世不要再幫親。

2007年11月10日，大家樂。地鐵送的優惠券，下午茶減5元。花生醬西多、炸菜肉絲米、咖啡西多D花生醬就少D，但炸菜肉絲米就幾好食，炸菜和肉絲的味道都好。

食評日期：2007年8月5日０個排知道有朱古力火煱，一直都想試０下，終於呢日有機會試到啦！！～ｄ食物賣相、用料及味道都比想像中好！～　個鐵板燒好豐富之外，仲有個磨菇湯，仲有個焗薯，仲有柸特飲，仲有個朱古力火煱或香蕉船！價錢好似$44，以呢個價錢，食到噤多款，而且味道不錯的食物，真的好抵呀！～另外，焗豬也是一個代表作！～

2007年7月15日。大家樂最近新裝修完，與另一半去了食個早餐。1．榨菜肉絲米粉+熱朱古力+多士腸仔+炒蛋：最好係杯朱古力，好夠味，榨菜肉絲米也好，炒蛋稍遜，太老。2．牛扒+煎雙蛋+籮蔔糕+凍檸檬茶：籮蔔糕意外好吃。其他一般，OK。

之前放假同朋友仔由朝到晚都行行行, 到九點幾頂唔順就係呢度買個冬瓜盅套餐($46)外賣叉燒炒蛋- 唔知係咪好肚餓既關係, 我覺得佢整得幾好食, 但好奇怪個蛋有D麵墊底一齊炒, 但整體上都唔錯冬瓜盅- 冬瓜同個湯分別用兩個外賣碗裝住, 冬瓜蒸得好軟腍, 而個湯就幾清甜