大家樂 (星光行)

营业中

休息中

話說上次在銅鑼灣百德新街2-30號恒隆中心地庫吃個鐵板燒, 上次真的是覺得物超所值, 所以今晚才會專誠再去.http://www.openrice.com/big5/sr2.htm?shopid=5243今次叫的是牛扒鐵燒+ 一哥焗豬扒飯... 簡直是不能相信的<<<差>>>, 牛扒煮到縮水咁剩番半塊, 加埋汁都係無味, 似牛肉多個牛扒, 側邊D配菜都係乾晒, 加埋個汁, 慶幸尚有滋滋聲餘溫, 但食落不算太熱, 湯今次也轉了磨菇湯, 有好濃烈的的罐頭口感, 是整餐飯最易入口的東西, 薯仔有點凍... 竟然可以是凍的... 香蕉船算最美觀的了, 不過上面條餅, 很難入口. 一哥焗豬扒飯是傳統的大家樂精華... 雖然是較可入口及接受, 但情況依然令人失望. 飯身有點太乾, 豬扒一樣, 應該是整組產品放太長時間的緣故, 最可怕是西蘭花, 乾到呀... 嚇死人整頓飯雖然可以吃完, 尚算一個奇蹟, 但有種感覺, 我好似身在美女廚房的試吃評判, 膽戰心驚. PS. 曾經看另一個網友的的文章, 談及大家樂鐵板餐十分差, 我相信每個網友觀點不一樣的原因是

下午茶以叉燒湯瀨/ 米線至多人食. 其實就唔係特別好食, 湯底叉燒米線全部屬於交功課水平, 買飛期間發覺好多人都係想買飯食, 但失望而無奈地只有買下午茶餐, 連我都係一樣. 其實當時望望錶, 又係兩點零三點, 度度大家樂都係咁, 個人覺得呢個時間飯巿仲有好大巿場, 不過佢間野佔盡地利附近選擇不多, 若然附近有茶餐廳, 吃飯者點會唻呢度食普通到唔普通既叉燒湯瀨? 除非係只為下午茶抖抖, 不計較行貨到嘔.

食完個Tea無耐，見到屋企人，佢0地又話想食大家樂∼3個人叫0左兩個鐵板餐：豬扒ok，但牛扒就「那」到鬆晒同無牛味；酥皮湯無乜料，塊酥皮好滯；加9蚊換返0黎0既碗仔翅令人有被搵笨感覺，連街邊質素都不如，漿粉水加豬皮碎，失望。成個餐最好0既應該係薯角∼

差唔多6點先走入大家樂，得豬扒包揀，加熱啡$15。豬扒包：塊豬扒有Ｄ怪，濕到無倫，整到個包濕泣泣∼即磨咖啡：試過好多間大家樂，杯啡都係有Ｄ火農火羅味，唔係好得...

睇佢啲嘢細細碟,原來都夠飽,可能因為天使麵夠大啦,比想像中好食,啲牛柳好淋,三文魚仲正,所以基本上兩款都好好,仲有雞肉同菜,西蘭花咁囉.總之比想像中好啦.不過唔好太急,要等佢煲一陣熱咗先.

星期日，成家遊行完畢，到唔想番屋企再煮飯，於是求其在星光行大記醫肚，叫了咖喱牛腩、鐵板西冷和魚香茄子釀豆腐煲配人蔘素翅燉雞，由於好多人，等成廿分鐘先有得食。質素其實也不錯，只是鐵板那塊扒又柴又細，反而伴碟o既薯角、蕃茄和魷魚圈仲正；咖喱牛腩o既咖喱汁唔夠香，但牛腩冇渣又入味都算唔話得；豆腐煲都好足料，有四磚豆腐，加上冇焗到黃晒o既茄子和吸盡精華o既墊底生菜，雖然茨汁杰了一點，油又多，但一於少理，因為行完幾個鐘都要補番流失o左o既脂肪才行；綜觀而論，最掂是那盅人參素翅燉雞，成支人蔘響裡面，湯底清且甘，真的不錯，只是火喉未足，不然就更加好。