大家樂 (旺角中心第一座)

营业中

休息中

又到秋天，又係大家樂出火鍋既時候喇!!年年都係大家樂出火鍋先會去幫趁 今年大家樂以海捕鍋作招牌。poster 上見到大大粒帶子，又怎可不試!上星期去大家樂，可能已太夜，海捕鍋已賣哂。今日七時來，終於試到! 海捕鍋($68)以帶子作主打，配以三塊魚片及一隻海蝦。帶子好有光澤，出奇地新鮮。另外仲有其他餐都有既食物，如肥牛，菜籃，烏東等。菜既份量好多。這個海捕鍋比其他火鍋餐只貴約7元。卻多了碟海鮮。比其他鍋抵!5元既飛魚子魚滑。好抵呀!!約$8既豬肉丸。飲品。可以$7 一杯或$11兩杯加購檸檬可樂或烏梅汁。總結，來得大家樂打邊爐。著眼點唔會係食材質素，而係性價比，我覺得這個餐有海鮮，肥牛，只是約$70。超值!

見到大家樂新推出mochi包茶餐咼😗Mochi包有三款餡料:紅豆/甘栗/紫薯一心來係試紫薯味的2:30來到 話無哂紫薯味唔係吧咁我就揀左甘栗好在都冇中伏既一切開炸mochi包 入面真係見到舊白色mochi既 但唔算多mochi偏埋一邊 唔係啖啖都食到栗子蓉就怖滿成舊mochi包 甜甜地 都okMochi包唔會話炸得好勁 炸皮又唔會太厚 都不差丫 但再大個小小會好d既蘋果沙律其實係薯仔沙律 一盒內得3粒蘋果甘海鮮烏冬既海鮮就係兩粒細到喊既蟹柳同一塊薄到喊既魚片仔食完個餐我表示唔飽 果然係茶餐

從公司趕到會合太太同兒子，我再說我未食飯，之後他們有他們的行，而我就快快趣，找個地方醫好個肚為上，於是，我來到大家樂了，這一次，我來吃下午茶。下午茶要飽飽，食他們的細碗叉燒飯就最好不過啦，所以，我來了一個細叉，多汁。大家樂的燒味向來都不錯，叉燒味道香甜，又夠肥夠腍，加多一點甜豉油令都個飯仔更香，更好味，我不得不給他們一個讚。好味道，份量又剛剛好，下午茶又想飽，又想快食，又不想中伏，大家樂食個叉燒飯仔，不錯。

自中學畢業後, 都冇食過大家樂的雞脾紅豆冰餐喇, 嘩! 而家要$24, 想當年只係$15, 咁岩今日約左中學同學, 就齊齊去懷念一下喇, 一人一個餐, 好開心! 感覺上隻雞脾好似大隻左好味左, 熱辣辣香噴噴, 看到濃厚的豉油汁在雞皮上真的很吸引, 肉質不算韌, 雞肉亦入味郤不過咸, 但杯紅豆冰就冇以前咁好味, 好似淡左D喇! 就這樣話當年左個半鐘, 爽!

個人而言, 我很少到大集團式快餐店用餐, 事先說明...並不是我認為食品質素有問題, 只因為我覺得大集團式快餐店的出品欠缺了一種"個性", 而對我來說, 食物的"個性"就是最能吸引我的了... 然而凡事總有例外的, 今天我路經MK, 見到大家樂在推行熱賣推介! 只需 $30 便能吃得一頓午餐了, 而是日的天天超值選 就是 珍珠帶子福建炒飯...單是其名已叫人垂涎, 何不入內一試~熱賣推介-天天超值選 $30珍珠帶子福建炒飯、 配: 茶/啡/汽水/凍低糖綠茶 (凍飲+$3)本人從未到過福建, 未曾吃過地道的福建炒飯, 所以不敢莽自評論這是否一碟正宗的福建炒飯, 然而就對我的口感來說... 這碟飯的鹹度是適中的, 飯有炒過且有蛋絲, 蔬菜有雪藏味, 帶子粒偏硬卻仍帶有鮮味, 失分之處就是太多茨汁。 如上圖所示, 茨汁實在太多而淹沒了整碟飯, 茨汁亦比較杰... 但以整體來說這碟珍珠帶子福建炒飯, 仍然是不錯的, 以價格來說就更是超值! 看來, 大家樂的水準也在默默地提昇呢~ 可喜可賀!

放工先往新世紀廣場三聯逛書，接著往大家樂用coupon優惠價$48食醇香酥排菜飯+上海醃篤鮮+凍奶茶，個菜飯好香，d酥排肉汁甜美，個醬汁好香甜、另外配菜豆角和雞蛋都好好食，可能配上個香甜醬汁吧，至於個上海醃篤鮮，其實是咸肉冬荀百葉結湯，咸肉感覺好似金若火腿，原本以為好咸，但味道剛剛好，湯裡面還有朱肉和腐皮，朱肉是瘦肉，加埋個湯好鮮甜，好有之前往上海旅行時吃的醃篤鮮差不多，值得一試(聽經理說酥排菜飯推廣至本週便結束，要食要盡快!)

從來在大家樂lunch我只會點較'穩陣'的一哥焗豬，但近日睇到大家樂竟然搵股評人青姐賣廣告，仲要玩埋感動流涙，絕對令人估佢唔到。因為這個組合新奇的廣告實在太有噱頭，我決定一試龍與鳳.旺區人多車多，但好處是員工工作更快手，不需多等已經可以開餐。廣告中強調白汁裡有新鮮海蝦，現實是海蝦size較小但可以接受，數量適中，口感尚算爽口，惟未算十分彈牙。白汁屬standard, 味不算濃。紅汁味道適中，不會過甜或酸。雞柳切絲稍嫌數量較少；而紅白汁再切絲影響下雞味一般，可幸肉質仍算OK。太極鴛鴦炒飯連飲品盛惠$30，在這個時勢這個價錢及質素算抵食；再加埋揾青姐賣廣告，有創意，值得一試。

我知道如果有得揀，一定唔會食大快樂呢D連鎖快餐亦都覺得大家樂間間都一樣架啦，無咩必要寫食評...不過我真係覺得好好食 (呢次)D燒腩仔皮夠脆，肉夠淋，唔會過咸 ，有雞翼 ， 紅腸..38$ 向旺角，我諗只係物有所值，未去到物超所值既境界

雖然大家樂剝削員工，賺錢賺盡的行為令人氣憤，不過它始終是香港有數最大規模的快餐店，身為一個香港人，有時候始終也會幫襯。就好似這次咁，在大家樂吃的「鴛鴦炒飯」，水準又不錯喎，與一般大酒樓的出品相比亦不覺遜色。茄汁雞絲飯夠開胃，白汁青豆蝦仁飯也味道不錯，加杯熱飲，所費無幾，已可填飽肚子，這與港人共同成長的快餐店，都不失為一個價錢經濟的廉價港人食堂呢！希望已經賺得盤滿缽滿的大老闆們不要為富不仁，剝削低下層的員工便好了。

上星期到左MK行街,肚餓想食晏,朋友提議到大家樂食,最後就去左呢間,去到簡野食既時候都覺得幾貴..又小野簡..來來去去都係飯....簡左個龍利柳飯配粟米汁.....28蚊.......點知勁細.....食完都仲未飽.....但係都幾好味既..

前兩日下午突然好大雨咁係旺中走唔到就去大家樂坐下啦女朋友話肚餓，就買個下午茶食叉燒瀨粉($19)+紅豆冰(另加$4.5)碗叉瀨極唔得個湯勁重味精粉既份量都OK，冇煮到勁淋既不過得3舊好硬既叉燒同幾塊娃娃菜個紅豆冰仲離譜，D紅豆仲脆過花生，完全冇椰子味，我真想問佢點做到簡直五體投地!!!係..廿三個半係唔算貴，但你都唔洗俾D咁既質素既野人食掛??差!

想食豬扖包既一天，食過翠華都唔好食，就不加歸於原本，食快餐店。豬扖包係洋蔥燒汁果隻，味道都OK，但係豬扖就麻麻，D肉質好散。個包真係香夠晒大，但係得果皮脆! 我就唔太鐘意太大既包，因為食豬扒包主要食豬扒，唔係食拜嘛..麵包入面仲係軟棉棉! 唔係唔好食，但係我要食既係脆皮豬扖包嘛...唔脆點會好食呢?! 炸蝦沙律好新鮮，炸蝦大大隻有兩隻喔! 好脆! 好香口! 沙律係薯仔蘋果沙律，一粒車厘茄同生菜底。沙律都好味，好fresh而且新鮮，D生菜好脆。夾夾埋埋咁多野食都係20蚊，真係抵! 差過包咋! 但20蚊都算啦...

呢一晚真係唔知食咩,苦惱中時眼前出現大家樂,真快樂今次其實我係食咸魚雞粒炒飯,好少咸魚雞粒炒飯飯得咁香,而且d味咁勻架喎又,我朋友就食一哥焗豬扒飯,哇...個飯真係好夠份量,塊扒又大又多,飯又多,塊扒又幾好咬口,真係幾正

今日急時間, 所以去左大家樂食就算~平時食得叉燒湯瀨多, 今次食第2樣.冇咩野想食, 最後都係揀左焗豬扒飯.. 一哥焗豬扒飯　　-> 有時食會好重味精, 好彩今次冇.　　-> d飯好dry 　　-> d蕃茄又偏酸　　-> 食左一半就再食唔落了, 食到冇哂胃口

看完医生很饿就跟姐又来到这吃点了烧鹅饭，烧鹅没有像图中那么黑，flashlight 的关系吧 烧鹅饭里够烧/烤汁，但烧鹅很干也很少肉,味道還好：/ 奇怪的是烧鹅皮下完全没有肥。。去哪了？ xD 烧鹅饭还附送酸甜的梅汁,更加开胃. 白饭不用说了. 刚好不會太干