大家樂 (旺角中心第一座)

营业中

休息中

除左海南雞之外，佢地仲出番至COOL冰冰。想食個下午茶，就順便飲番杯野啦。西多士普普通通啦，可能放左一陣。個西多有小小硬，而且牛油雪得太耐。令到個牛油搽唔勻，不過都無乜野既。就算西多唔熱。個牛油都唔好硬到搽唔到啦。北海道牛乳珍珠奶茶只係好普通既珍珠奶茶。而珍珠就好唔得，因為珍珠之前無用糖水浸過。個味同奶茶唔夾。不過，奶茶就整得唔錯，係比之前滑左既。算係咁啦，我覺得大記既特飲點都比快活好飲既。

雞扒早餐就一早有架啦，但大記新出個楓糖雞扒早餐，個名好似好特別。就吸引左我去試下啦，呢間大記都算人山人海，九點幾都咁多人。楓糖雞扒雖然雞扒既份量都有咁上下"大"，但雞扒脆口非常。而蜜糖味就好夠，之前都出過蜜糖雞扒既，但蜜糖味無而家既咁濃。整體上個雞扒係比以前好食左既。香腸只係好普通既廚師腸，廚師腸都唔緊要，但佢地只係用水烚熟佢。真係唔多好食，佢地應該用脆皮腸代替嘛。多士個顏色就唔錯，而且幾脆口既。但個多士係熱熱地就更好啦。牛奶麥皮今次食既無落到煉奶，所以我可以加白糖食，果然好食好多。凍奶茶水準依然，真係好正既。呢個早餐唔錯啦，而且繁忙間嘆下早餐真係好寫意架。

近年尾，周圍都係人。大家樂都唔例外，人山人海，排隊買野食要等，攞食物又要等。要了個燒鴨米下午茶配熱0茶。燒鴨米湯底味道唔錯，唔似味精水；米粉偏淋；加上幾片紹菜，感覺健康一點點。燒鴨有5-6舊，全部都好有肉；鴨肉淋咗d，但很入味。熱0茶最唔掂，我只係篤咗d lemon 3吓，杯茶已經勁苦勁澀，好明顯係lemon 唔新鮮！

未去過呢間食早餐,前朝早走咗嚟試.雞扒腸仔配蘿蔔糕--雞扒很細塊,腸仔多油,蘿蔔糕一般,奶茶也是一般水準.

其實本身對大家樂唔會特別有期望, 不過見到個廣告又經過呢度就入去晚餐...爵士牛扒餐, 要晒酥皮湯 + 雪糕, 再加特飲, 成 55 蚊... 連鎖快餐店黎講都真係好貴大家樂扒餐, 幾年前都食過一次, 雖然都唔會特別好食, 起碼大大舊, 熱辣辣呢次... 塊鐵板又細過以前, 舊扒仲細過我隻手, 仲唔係幾熱... 舊扒當然唔駛旨意有咩牛味...我寧願去金鳳 / 第尾食個扒好過...

五月廿五日(日)本來晚餐想去譚仔，但路經大家樂見到想試好耐既御品鰻魚飯，仲要係最想試果款鰻魚+蜜糖雞扒，於是就轉左黎大家樂食。叫得做"御品"咁巴閉，就試下佢啦～御品鰻魚飯餐($37)：包括鰻魚飯、蒸蛋及飲品鰻魚蜜糖雞扒飯鰻魚得一舊，好珍貴，味道食落又真係唔錯，無論肉質同味道方面都拍得住一般日本料理店，但得一舊真係唔夠食！起碼都俾兩舊啦～　蜜糖雞扒方面無乜蜜糖味，雞扒亦有點硬身，應該製造了一段時間，非常普通既雞扒～　飯方面汁略小，但最大問題是飯也有點兒硬，應該放得耐有"生冷鋼"現象～蒸蛋賣相不俗，都叫有料，而且蒸蛋本身亦滑，當然及不上板前等水平，但在快餐店大量製作來說已算不錯～鮮茄免治牛肉飯($28)大家樂經典煎蛋免牛飯加上鮮茄。加了車里茄和雜菜，賣相靚了～　免治牛肉加上茄汁後多了一種健康感覺，吃落也更像肉醬意料的肉醬～　始終比較喜歡大家樂沒茄汁的煎蛋免牛飯～分量吃得多飽一飽，今餐都算滿足～　快餐店來說不錯～味道3.5

一品鰻魚飯套餐--鰻魚跟雞扒飯,味道不錯,飯是用珍珠米的,但係好似少咗啲,還有蒸蛋,蛋很滑,味道也很好,剛剛好,不會大咸.還有一杯凍綠茶.老火湯套餐--老火湯非常非常非常足料,味道也很好.配黑椒牛柳絲炒意粉,牛柳絲不錯,幾淋,味道也ok,但係意粉就非常非常非常之油,每一條意粉都係有層油包住,無辦法,夾硬食......晒去.

今晚五點半去食自助餐，本來要留肚盡量不吃的。但由於其中一位朋友仍未吃東西，太肚餓了，於是乎就兩個下午茶三個人食。雞翼＋蛋沙律焗薯＋汽水＄１８：蛋沙律只不過是一大劈沙律醬，只有丁點兒蛋白粒，但配焗薯吃又不錯；焗薯焗得很透，整個（連皮）也吃掉；雞翼也很好味。雞翼＋西多士＋碗仔翅＄２１：西多士中間是花生醬餡，每人兩小舊，小食多滋味；吃過快餐店所出的碗仔翅，個人不太喜愛。朋友吃後說好吃，試過後真的不錯，至少不會傑他他，翅幾大煲，肉絲﹑荀絲﹑蟹柳絲又足份量，加埋紅醋更YUMMY呢。

上星期約左朋友黎呢度食午飯我唔多肚餓兩個人只係叫左一個輕怡版焗豬扒飯加凍檸茶同熱啡輕怡版只係正常版焗飯既一半但仍然有一大件豬扒同炒飯另加羅宋湯一大碗同蒜蓉包份量不少講真句有個咁多紅油浮面既羅宋湯同咁大陣牛油味既蒜蓉包卡路里會低得去邊丫而且豬扒炸過再加入炒飯製成焗飯見到已經油淋淋雖然味道無話特別差但對於要keep既朋友似乎有排都未成到事凍檸茶少甜少冰但最後結果係走甜正常冰幸好茶味夠都可以接受

天氣轉凍最好除左食煲仔飯之外就係打邊爐同事又話大家樂d火窩好抵食味道又唔錯比對其他快餐店賣$52好似幾貴但同事話食過大x活同美x就會知其實唔貴Size係大得多兩個人share一個再加一個飯一定夠飽琴晚拉左朋友仔黎試藍青口珍珠蠔連熱蘆薈柑桔蜜一隻船都佔左三份一張檯配料有青口,蠔,蝦,牛肉,魚麵,米線,生菜,西洋菜,雞肉片,豬肉片,冬瓜,南瓜等等除左有部份配料未完全溶雪外全部味道都唔錯起碼都幾有鮮味蝦仲要已經去腸又彈牙質量同任點任食差唔多唔怪得成間舖差唔多檯檯都係食火窩服務都幾好好快就有得拎仲要即時有人黎幫你開火由買飛到水滾有得食都只係等左十分鐘快!!!我地兩個人食一隻都飽左一半

今日行完街諗住同個fd去食野啦..之後諗諗下就去左大家樂食啦..之後我地夾錢叫左個一哥火鍋食..都幾好味丫..不過我問個待應有無碗佢叫我去水吧個邊拎,,我去到個邊個個都好污jo..後尾我拎左個碗洗左先敢用咋..

尋日tea time去買左個外賣燒雞翼+西多+紅豆冰=$17.5件西多okay..炸得幾脆, 個餡都幾多花生醬隻雞翼完全唔掂..勁乾..塊皮乾到好硬,本身鐘意食雞皮既我都要放棄佢喇紅豆冰唔錯,不過其實都幾難沖得唔好飲..

24/7(一) 8:30pm放工後只想晚飯後盡早回家歇歇,因有coupon.鮮有光顧連鎖食店的我今晚才到此來個連鎖式晚飯,點了$38套餐:鱸魚骨雪菜炆豆腐,冬瓜盅,茶,mocha另加$6.鱸魚骨雪菜炆豆腐--挺油膩!嫌魚骨過瘦,肉質不夠滑.食味平凡得很.冬瓜盅--蝦米,冬菇及豬肉粒頗多,湯頭亦算清甜.mocha--味道似凍朱古力,不太飲到咖啡味.(較早前到外遊回港後於機場食了個"醒神一哥豬扒飯"令男友連續肚瀉整整一星期,大家樂到目前為止的補償是$38晚市套餐coupon6張)

食左個大家樂晚餐,已經唔記得成個全名,係三文魚意粉既餐,我想一讚佢既材料配搭,的確係非常之好,意粉唔係咁普通,而係夾雜左粟米粒同菜粒,令到意粉好好味,特別美味,汁方面剛唔會太多,係白汁,另有一小杯西蘭花,呢個好好, 西蘭花係唔油既,好清好fresh,唔錯!唯一真係唔好就係d三文魚,因為係熟既,又可能整得唔好,所以好腥,真係好腥,俾過我老豆呢個食得腥既人試過都話腥!呢點影響左成個餐既素質,有待改善!

昨日, 老公, 亞仔(廿個月大)同我行旺角, 睇磁磚鋪. 行到兩點幾, 有D肚餓，　於是搵做足１００分既地方醫肚啦. 嘩入到去人山人海, 好難先搵到位, 跟住立即買野食啦. 我有D咳, 所以汽水自然要走冰....點知柸汽水色澤淡淡, 比五花茶深少少, 有甜味, 無可樂味, 又無氣, 飲到我咩火到黎......嘩大拿拿成五蚊架, 我無叫下午餐, 是散叫的. 所以條氣好唔順啦. 我要求換個柸比我, 佢地都有換. 據我所知大型連鎖店D汽水是由糖漿打出來的, 而打出來的份量是根據供應商提供的程式製造.....但段段估唔到成日賺錢的大家樂會加多D水製造緊樣更水既汽水來掠水....又影響自己個型像時, 又壞了可樂個名....呀真係希望佢(旺角雁呢間鋪)要以心對客.