大家樂

营业中

休息中

見有$20coupon去食tea,要個公司三文治,等咗好耐.咦!珍珍薯片改咗快餐薯條,但係凍凍地,唔夠熱.而三文治餡只有生菜碎,青瓜,蕃茄及雞肉,餐飲又冇得要豆漿.都係美心好啲,可以飲豆漿之餘,三文治餡除了有生菜,青瓜,蕃茄外,還有火腿,雞蛋等,熱辣辣,好好食呢.

見佢天使麵推出左咁耐，今日終於有機會試啦。天使麵好幼好滑，d 海鮮味好濃，除左蟹肉有點遜色。加$5.5要左杯楊枝金露冰，不過冰太多，淡晒，唔好飲。

今日夜晚出街食。就o黎呢間去慣去熟ge大家樂啦！叫左個鐵板餐。竟然等叫都唔駛，兩分鐘就有得食。唔錯唔錯！豬仔骨-- 好香，好味雞扒-- 仲細過早餐果塊炸蝦太串-- 不過不失雜菌湯-- 唔錯，很濃味焗薯-- 似乎過了火，外圍好硬，裏面就幾好食香蕉船-- 今次個雪糕唔太甜，正！三十八蚊咁多野食，都幾抵。食埋個焗薯、甜品，飲埋個湯，夠飽了。唔建議大家食果個冰果甚麼甚麼。因為……唔抵食。同埋……

我寫既係荃灣廣場分店! 今日六點前黎食下午茶餐...大家樂最唔好既地方係一到夜晚就無湯粉類...迫住要食飯/套餐! 今日早左...叫左個叉燒湯米+蜜蜜飲, 叉燒偏瘦, 蜜蜜飲就太甜...老公叫左個燒鵝飯+奶茶, 我食左舊燒鵝, 都幾腍, 不過塊皮就真係肥左少少...呢間好乾淨, 希望佢做得住啦!

一年一度救傷隊虐待日又到，是次虐待安排於晏晝，即係話要食飽先好黎。一覺醒來只知成街都係水，都唔知掛過黃雨紅雨黑雨。去附近大家樂再續前緣，再叫早晨全餐。好明顯，呢個係錯的選擇。我淨係知道當日係銅鑼灣食到o既滑蛋，係荃灣呢到變o左硬度差少少就係鐵蛋o既炒蛋；南瓜厚多士已不復見，size少了一半；不變的只有鮮茄通粉，浮沉在橘紅色的湯底之間。拖著萬般無奈，帶著發麻的腦袋，狠狠地一口一口吃掉這差天頓地的早餐。

這間大家樂,我以前投訴過佢地架啦.但佢地從來無改善過.晚餐好食,推介,似樣而又抵的一陣賣完.剩低果d盲的也能背誦,天天相同的食物,你吃多都厭啦!夜左去的話,掉頭走好過.那些晚餐並不便宜,若付近有別的餐廳,過檔算數.食物份量少,大部分不好吃.早餐還好.晚餐大路貨色那些看得出無心機煮.好食,推介,似樣而又抵的如果一陣賣晒,不如攪配額丫笨!炒埋籌丫,然後9pm收舖.人工省埋.晚餐並不便宜,絕對係彌補晚市客少,由光顧者補貼開支之舉.總的來說:不知所謂.好食,推介,似樣而又抵的如果一陣賣晒,何不預多些俾客人?入到去,乜都無/無好野食你話火唔火滾?