大家樂

营业中

休息中

生日有鴨肶吃今天是工作天 忙到到下午茶時段才有時間去吃午餐，想到大家樂吃少少東西休息一下。叫了一個燒鴨瀨粉，原先可以配紅豆冰但我選擇了熱奶茶，取餐的時候我真係有一點驚喜，因為有好大隻鴨肶在碗中，今天是我舊曆的生日，好似要為我慶祝一樣。坐下慢慢品嚐這個下午茶，燒鴨的皮很香，肉很入味，皮下的脂肪雖然有點厚，但併上皮和肉一起吃，實在滋味無窮。大家樂的奶茶時時都保持水準，雖然唔係最好的，但滿意。

每次大家樂新推出的扒餐，我跟太太都會去光顧一下今次亦沒有例外，衝著紐西蘭西冷牛扒而來其實除了牛扒，還有其他的扒餐，但對我倆來說，牛扒才是王道這裡的扒餐性價比高，主要來自牛扒的份量，以及配合酥皮海鮮湯，非常抵食看到黑椒及蒜蓉汁淋上鐵板的時刻，真的很治癒牛扒肉汁相當豐富，而且一點也不 韌，洋蔥及粟米沾上肉汁亦非常鮮味而跟餐的酥皮海鮮湯相當足料，酥皮鬆軟，本人很喜歡放進忌廉湯內進食，真的欲罷不能很推薦大家在推廣期間來光顧

N年冇幫襯大家樂，最大嘅原因係唔想排隊食快餐。但久唔久都會掛住佢嘅焗豬扒飯同埋下午茶餐嘅 ！今日因為要等送貨，突然有30分鐘時間，見大家樂又唔多人，所以就去嘆吓久違嘅下午茶喇！學生時期，下午茶餐最常食西多士或者炸雞脾。難得大家樂嘅炸脾紅豆冰下午茶餐價格咁多年都係咁上下 （$25）梗係食啦！炸脾/油脾二選一，一般都會揀穩陣嘅油脾，皆因坊間啲炸脾大部份都炸到乾硬化。但今日真係好想食炸脾，所以膽粗粗試吓，嘩！一啖咬落去就食到炸到脆卜卜嘅雞皮，雞皮仲帶鹹五香味，雞肉嫰滑多汁，非常Juicy ！好耐都冇食過咁好食嘅雞脾喇！配埋杯大粒紅豆冰，就係超完美茶餐環境方面，地方尚算闊落衛生，一個人或者一班人都可以（如果搵到位坐）。店員勤快，點餐取餐都唔駛等好耐，又有自助熱水機，真係方便貼心

早左好多出到荃灣, 無辦法路途遙遠, 避免塞車遲到唯有預早好多出門口, 喺附近揾地方hea陣先. 好在weekday而過唒rush hour. 見到炒滑蛋好想食呀！ 早餐- 炒滑蛋+厚多士配火腿 自己一個就唔霸住d share枱了, 所以坐高少少嘅bar枱, 好舒服嘅櫈. 好快就嗌我張收據number, 坐低即刻拎起塊toast, 唔知點解toast邊緊貼滑蛋？可能給你一邊脆一邊林嘅口感, 係我比較奄尖. 即烘多士抹上半舊牛油又香又脆, 真係好厚切. 火腿略煎, 炒蛋新鮮嫩滑, 起碼無附送蛋殻碎, 街坊價錢來說是有水準的. 奶茶多奶 濃滑奶茶, 好飲！

今日(24-6-2018 Sun)同老公朝同老公買餸前食早餐,由於有呢o度o既優惠劵,而且熱氣唔食得KFC,於是o黎呢間,o黎到見到座位有改動過,有兩張其坐12人o既高枱;又加o左自助斟水區.我o地搵到位後,就先後各自買o野食,如題,早餐有好多選擇,最後我揀o左$32.00o既L4,蜜糖雞扒,牛乳炒滑蛋,要蘿蔔糕,飲熱奶茶,優惠劵減$3.00,即$29.00.買完等餐o既同時,叫老公出去買,佢買o左後返o黎,話出o左我o既No.,於是我出去攞,見到我 No.o既盤,食物齊晒只欠熱奶茶,我就同職員講,佢o地至叫人斟奶茶,齊晒後我就拎埋位.返到去,老公o個份都有喇,佢o既係$33.00o既一哥糯米雞,加$3.00要凍奶茶,但用劵又減返$3.00,即係free凍飲o個$3.00. 齊晒開餐,我個餐o既份量好細,熱奶茶茶味少o左,口感滑; 蘿蔔糕已經唔熱,材料唔多但味道好正常; 牛乳炒滑蛋係真係滑; 蜜糖雞扒係甜甜地,口感唔會過o鞋.而老公o既一哥糯米雞呢?見到有雞中翼,糯米軟糯入味;見到有啲肉粒,係咩o黎呢?原來係叉燒.味道係3.38分, 抵食係2.5分上次o黎呢間原來已經係1年前o既事,o

2017年10月28日(六)，重陽節。同細妹去大鵬灣拜祭完外公外婆同肥貓寶寶，臨返屋企前嚟呢度食個下午茶。現場好多食客，不過好快搭到枱，有位四眼職員上前幫忙清潔枱面。見所有茶餐都卅幾蚊以上好貴，細妹話我全因太耐冇出街食嘢！我要時菜雞扒香腸米粉餐(轉扭紋粉)，飲可樂部～$30！時菜少少、雞扒半塊、香腸一條，我加咗四包茄汁點雞扒同香腸，味道唔錯！不過我個人覺得，咁嘅份量，只值$12！

放假去食下午茶, 抵食D就係去大家樂食燒味, 原本想食瀨粉點知一早賣晒, 唯有揀米粉.燒味雙拼米粉加汽水唔洗30蚊, 算係幾抵, 而且份量亦唔會太少.米粉略為硬左D, 要浸下湯腍少少先易食, 好算爽口, 不過個湯無咩味, 所以個米粉都無咩味, 偏淡口.白切雞雞油較多, 整到個湯都較油, 不過雞肉幾滑, 而且肉厚.义燒肥瘦平均, 而且個皮少少脆香, 食落外脆內嫩.大家樂既燒味質素都算好穩定, 平平地既好選擇.

尋日(18-6-2017 Sun)朝同老公落荃灣買o野前食早餐,o黎大家樂啦,一來有優惠劵,二來尋日係父親節,應該冇咁多人o黎,我o地去到都有位,老公叫我幫佢發版,於是買o左$28.00o既是日靚粥(皮蛋瘦肉粥或粟米肉鬆粥)加炒麵同生煎包,我幫佢揀o左皮蛋瘦肉粥,加$6.00要凍奶茶.而我自己就要$29.50o既蜜糖雞扒番茄肉碎扭紋粉,加$3.00要凍奶茶,用優惠劵每個餐平$2.00.去攞o野食喇,等成8分鐘至有齊,影完相開餐,我o既番茄肉碎唔覺有肉碎,根本唔似添,蜜糖雞扒冇乜甜味,扭紋粉口感o岩o岩好,唔會太腍,凍奶茶偏甜,麻麻.食完一半同老公交換食,先食生煎包,生煎包又濕又腍,餡料又唔惹味;炒麵唔鹹但又係腍晒;而皮蛋瘦肉粥同皮唔會太鹹,粥就唔算好稀,可以.2.45分

尋日(22-4-2017 Sat)晏晝,我同老公等八姨放工後一齊食下午茶,由於我同老公仍好飽,所以我只買一個餐兩人share,而八姨就自己食一個.我買o左$28.00o既鐵板香酥排骨炒麵,飲熱好立克,八姨就要雞翼沙律,要可樂.我買o左後,等10分鐘至有得攞,睇見份量唔多,而且竟然係俾黑椒汁.排骨同炒麵冇乜味, 一定要加黑椒汁食.幸好唔太辣.但麵唔熱同腍, 排骨夠鬆軟,但成個感覺係麻麻地好食.呢個食評只計鐵板香酥排骨炒麵.味道係2.6分, 抵食係2.7分

至抵下午茶系列之：鐵板牛肉炒麵下午茶份量比較少，食完唔會太飽，但呢個炒麵勝在熱騰騰上，脆卜卜既麵好惹味，而且黑椒汁入面夾雜住黃椒，都幾值得推介既，但如果份量多少少就perfect 啦！地鐵

因為成為了大家樂會員的緣故，我便經常光顧大家樂。早前大家樂會員資料外洩，大家樂為了向會員表示歉意，所以送會員100元的積分。　　這間大家樂午膳時間人倒是挺多的。幸好我只是一個人比較容易找到座位。　　其實我沒有吃過正宗的刀削麵，倒是從超級巿場買過機削的回來放湯，只覺刀削麵的口感較厚較有嚼勁，很耐嚼。　　我選擇刀削麵，其實是因為沒有太多的選擇，我不想吃焗飯焗意粉，也不愛吃中式小菜加白飯，但大家樂的午餐時間沒有供應粉麵，所以我只能選刀削麵了。　　刀削麵的份量不少，比較薄身，而且也很整齊，邊沿好像是彎彎曲曲的花紋，十分漂亮。配料有少量的木耳碎、兩條蟹柳、半隻烚雞蛋，香酥骨。香酥骨炸了之後放在湯裏有點稔了。　　湯似乎鹹了一點，如果不那麼鹹可以更佳。

今日(28-11-2014 Fri)同男友放假,我o地起身後去食早餐,去邊o度食?美心,行過o左,咁大家樂啦.估唔到9點幾都重咁多人.去到,男友決定要$23.50o既K6既粥餐,係是日靚粥,同香菇燒賣,叉燒包,佢要埋熱奶茶.我要$22.50o既E6北海道炒滑蛋,腸仔多士,要熱奶茶.我就去搵位,搵完等好耐,男友至攞到餐o黎.睇睇佢o既香菇燒賣同叉燒包,szie都叫做正常o既,我先食我o既多士,厚多士已經唔熱,重要唔脆而係軔,好差.腸仔係來貨冇問題,北海道炒滑蛋退步到同麥當勞一樣,o係熟晒o既蛋上面淋上生蛋汁,討厭.而奶茶呢,我只加一包糖,佢o既茶味唔似得以前咁濃咁o岩我口味,o衣o家係奶味多啲茶味少.而男友o既是日靚粥係粟米雞粥,粟米同雞都唔多,但啖粥好味,夠棉,原來男友加o左黑椒.而香菇燒賣呢,切開睇,九成係豬肉,食落,同普通燒賣差唔多,香菇唔多.叉燒包餡比較深色,味道係唔太多蜜汁,叉燒粒鬆軟,OK吧.味道: 2.19分,抵食: 2.8分衛生:收o野冇咁勤快.

唔知食咩好, 就走左去大家樂食個有湯的中式飯, 叫左個南乳雞槌海鮮籠仔飯配冬瓜盅, 一開始食個冬瓜盅先, 雖然同張相個樣唔同, 不過都好足料嘅, 湯底唔會太鹹.一打開個籠仔飯就覺太多, 差不多成個籠都裝滿飯, 只有上面個層汁加少少餸及兩隻雞槌, 仲有三個好生嘅西蘭花, 比較淡...食落都冇咩味, 唔係好分到有咩餸係入面, 大約有粟米, 紅蘿蔔, 蟹柳, 魚...而雞槌就鹹左啲, 食唔到南乳味.

18-5-2014 (Sun)朝,同男友起身後諗食o野,之前keep起大家樂買芝味厚切一哥焗豬扒飯,三重芝士焗海鮮飯或淡咖哩焗雞扒飯送12oz可樂一杯o既優惠劵兩張,o係11:00am至2:00pm午市時段可以用,我見我o地時間差唔多,就提議梳洗完後去大家樂,等,我o地去到係10:45am,差唔多時間我就出去等轉午市牌,11:00am喇,未轉.時間一分一秒咁過,但都冇換,11:15am,我忍住去問收銀,幾時至做午市?佢答11:30am.我指住張o野問,11:30am?呢o度寫明11:00am開始.佢答可能今日係假期,廚房重未焗起.咁我返入去,男友就接力,等呀等,等呀等,男友終於買到返o黎,時間係11:39am. 而且有一個唔係焗飯系列o添.男友話,焗飯只有芝味厚切一哥焗豬扒飯上,另外兩款都未有,而佢o既購買時間係11:36am.芝味厚切一哥焗豬扒飯售價係$35.00,而另一款流心玉子燒汁豚肉飯就$30.00,佢要杯熱奶茶.我o地實在等得太肚餓,影完相要食喇.老實,我都好多年冇食一哥焗豬扒飯喇,今次佢就話係芝味厚切一哥焗豬扒飯,睇睇賣相,比前豐富得多,多o左好多番茄,菠蘿同青豆,好,開

尋日(9-2-2013 Sat)年廿九,男友都開始放假,朝早起身同佢食早餐,佢話o黎呢o度食,因為好耐冇o黎.我o地o黎到,見到等野食o既人龍都幾長,我決定要$24.00o既糯米雞加熱奶茶,男友要$19.50o既水餃麵,加$3.00飲凍檸茶.我就去搵位先,等o左好耐,男友終於攞到食物o黎,我o地開餐喇.我o既糯米雞係正正方方o既,撩開睇,見到有雞中翼,冬菇同一片有臘腸,冬菇好夠腍,雪藏雞中翼冇味係正常,棗紅色o既汁料味道都幾濃,糯米粘但唔太香.而奶茶呢?我只落一包糖,茶味唔係太夠,一般.而男友o既早餐呢?我冇試到,但今次佢就主動同我講用滾水煮麵,淡到冇味,麵係中式冇口感o既平價麵,佢係唔鍾意食呢隻麵o既.