大家樂

营业中

休息中

見到大家樂有辣嘢，下午茶有幾款主食選擇，張相又幾吸引就買嚟試一試, 拿上手已見輕飄飄已覺奇怪，價錢都四十多元配飲品, 沒想到原來份量咁少而且豬扒份量都係偏少, 勁失望。一打開湯同粉分開, 但份量只係細碗麵份量得幾口，粉勁淋身，湯底其實不錯，辣同麻都有，而且個辣度應有中小辣，仲有花生等配菜，豬扒2舊淋身，豬扒口感仲可接受，食完真心同冇食差不多，以為差不多50元份量多一倍會比較合適，飲品熱檸檬茶就普通，真心試試就夠。

最近新冠疫情轉趨嚴重,市面上堂食的人驟減。 餐廳裏既定單大多轉為外賣自取, 連我都唔例外。我叫咗個可以話堪稱王牌嘅焗豬扒飯, 個飯用錫紙承載, 目的係保持原有嘅溫度防止過早變涷。個飯色彩相當豐富而且配料相當多,有蕃茄、洋蔥,仲有主角豬扒, 精華所在嘅係啲藩莰醬汁送飯一絕一流, 而且味道方,啲豬扒連埋啲骨好腍, 分量都相當多年我呢個大食嘅人都差啲食唔曬, 到價錢方面,我就認為算是中規中矩, 單點一個焗豬扒飯45元正, ok啦

差到想講粗口! 同事食粟米肉粒飯, 肉粒加埋得7粒, pat 粟米醬汁又杰又無味! 雖然係特價飯, 但仲差過一般難食茶餐廳!  $33唔包飲品! 同事買咖喱牛三寶飯比我, $51唔包飲品! 未試過食咖喱牛腩係肉酸到咁, 所謂三寶係牛腩、牛筋、牛脷! 牛筋得一小條, 係一小條! 牛腩2小件又硬又實, 仲有啲雜碎嘅! 牛脷條有6條, 數量加埋應該係等於一片牛脷! 薯仔2大件, 係超厚超大件!, 條牛筋先離譜, 爽口架, 硬到食完胃痛囉! 同事打開飯盒已經諗定下午茶食乜, 呢間垃圾餐廳永久 Blacklist 呀, 喺商場是但一間茶餐廳都好過佢, 7-11 叮嘅嘢食都好過佢呀!

食早餐，環境舒適「乾淨」，枱面和隔板明顯有抹，唔似得阿美，一點點污漬，哥邊冇人抹枱抹板，污糟 x2！係大家樂啲湯夠熱，食物標準美觀，仲有一班有禮貌，好熱誠的員工。👍👍

今日lunch食大家樂既外賣飯盒，叫左個南瓜肉餅飯。一打開個飯盒，目測係正正常常肉餅飯一個，冇乜特別。有肉餅，鹹蛋，仲有幾條菜芯。點知一咬開件肉餅就出事啦!!天呀!!!南瓜，全部都係南瓜!!南瓜肉餅飯有乜理由南瓜仲多過肉餅!!!你不如叫南瓜肉碎飯吧啦!!d南瓜仲要切到超級大粒，一反轉塊肉餅，完全清楚見到個底全部都係南瓜!!! 絕對係健康有營keep fit之選!!不過肉餅實在少得可憐，仲簿過紙，完全貨不對版，實在令人相當失望....希望餐廳可以改善一下....

今日中午lunch忽然好想食叉燒飯，於是走落樓下大家樂試一試。賣相非常吸引，份量亦非常足夠。肉質偏瘦比較適合我口味，只是中間會有一粒細細的肥肉。由於瘦叉的關係，口感比較硬是預料中事，但蜜汁味甜甜地非常好味。

今天工作非常忙碌，lunch也沒有時間吃，忙完後立即去醫肚！時間啱啱好，又可以吃下午茶！。 公司附近選擇不多，最後選了價格相宜的大家樂。Menu 選擇種類很多，趁排隊還有時間慢慢選擇，今天超肚餓要點飯才夠飽，點了個帶子福建炒飯。雖然是下午茶，但份量不少，福建炒飯醬汁較多，最好送飯～帶子粒不少，其他配料有冬菇、青豆、紅蘿蔔、肉碎配炒飯底。炒飯底夠乾身，配料數量也不少，醬汁濃稠度適中。低糖綠茶略嫌味道淡了點。

做左人呀媽之後，好耐冇試過咁悠遊地食一個早餐！今日機會難得，決定係度輕鬆一下！原來現在早餐已經要$30幾蚊飛⋯叫左個雞扒滑蛋$32.5+$8銀針粉～送熱飲個滑蛋好正！我最愛半生熟口感，好滑有蛋香！夠咸味～多士好香脆！個雞扒就麻麻地，冇雞味，得D醃料咸味，感覺唔新鮮！銀針粉唔係好多地方有得食！所以我一見到有就一定要點～好鐘意個粉個口感，配埋啲咸菜頭好香囗！最後飲埋杯熱好立克，夠哂甜我鐘意呀！超滿足的早餐！

有人喜歡吃咖喱嗎？今年五月發現超好吃咖喱飯👍👍👍好吃到，每天跟我一起吃飯的那個人，想多吃幾口，都不想給😆😆（想吃，下次請自己點一份🙄）又”香”又辣、牛腩軟嫩吃得出除了咖喱香料，還加了檸檬、香茅、新鮮菠蘿粒、洋蔥碎⋯⋯改良新口味～慢煮南洋咖喱牛腩吃得出用心👍👍👍大家樂推出「全新慢煮咖喱」系列，午餐不知道吃什麼，那就試試吧～～#香港美食

相信每一個香港人都會吃過燒味，而我就特別喜歡吃四寶飯，因為有4種我都好喜歡吃的配菜，有叉燒、紅腸、雞翼和半隻咸蛋。這次剛下班當然要去找一下東西吃，經過KCC 九龍貿易中心看到有大家樂就進去看餐牌了，最主要的原因是不想走太遠，因為由九龍貿易中心去其他地方覓食會比較遠。看了一會我就點了四寶飯。白飯煮得剛剛好，燒味飯的飯都是用泰國米煮的，也有飯香叉燒沒有過硬，還是燒得嫩嫩的而紅腸加上醬油就很好吃之後是主角咸蛋，把咸蛋弄碎加在白飯上，令淡淡的白飯都有咸蛋香。

前日(29-7-2017  Sat)晏晝,同老公落葵興,由於我o地唔太肚餓,而且要留肚,免得令呢晚6:30就食晚飯而食唔到o野,所以順便經過舊公司呢座大廈食晏,食得少唔會被人話嘛,我o地o黎到係2:00pm,睇睇menu,有輕食$26.00 o既脆香豬扒包配紅豆冰,我就要呢個,買完要等廚房出.而老公就買$39.00 o既脆炸雞髀茶餐配石板街雪糕紅豆冰.食物好快有齊,睇見我o既脆香豬扒包係放o係紙袋入面,拎出o黎先,再睇睇啲餡,就只有豬扒同兩條洋蔥,食落,個包好乾好脆,豬扒o既汁係甜甜地,豬扒鬆,OK o既.而紅豆冰呢,紅豆都腍,成杯攪勻飲唔太甜,都正常o既.而老公o既脆炸雞髀呢,外脆肉嫩同仍有肉汁,又唔會好鹹,老公大讚.而石板街雪糕紅豆冰o既雪糕溶晒後飲,感覺好膩.環境同服務:同之前美心一樣,行休閒風格,同服務特別唔同,如果客人唔方便,有經理幫客人拎埋個餐;而有個女職員,重遞埋牙籤問客人要唔要.而啲亞姐會密密收o野.美心食評: https://www.openrice.com/zh/hongkong/review/%E9%AB%98%E7%B4%9A%E5%BF%AB%E9%A4%90