大家樂 (德田廣場)

营业中

休息中

陪媽咪去買送..佢請我食野..我TEA當LUNCH食揀左個炒麵餐...有杯汽水..炒麵..揀左個燒鴨米同奶茶俾牙媽個炒麵成18-19蚊..不過份量小到極...得幾條肉絲係面...仲要係凍既...又油wo燒鴨米上既鴨..比燒臘店既好食好多..香好多..不過得幾舊整體就黎...佢既份量一直減少緊...

同2個細妹夜晚黎KO 晚飯的1環...見好耐無係過大家樂,加上又要新野試!叫左個功夫海南雞同埋上海排骨菜飯,仲升級左飲珍珠奶茶!功夫海南雞比我想像中好..!賣相不錯!都ok大隻...絕唔係d bb雞size-v-食落都唔可以話太滑...但都可以送到飯...唯1不足就係成個餐都唔夠熱...扣分''$1的西米又ok好味wor!好重椰汁味.宜多啤梨就酸球地咁.幾match!上海排骨菜飯就相反,夠哂熱啦啦.好似岩岩炸出黎咁.d 炸排骨好香口好juicy,但d菜飯就無我想像中咁好啦..無味的..好似普通白飯咁...至於杯珍珠奶茶.我自己就本身不敢期望太高啦..因為佢地都唔係做開珍珠奶茶..我諗係因為近排興先趕上迎合潮流啦.所以杯野真係唔太得...勁重茶味無奶味....-_-珍珠就1般啦.但overall餐飯比我想像中好....加上亞姐服務態度唔錯,我叫錯左凍咖啡....想轉返熱...餐飲部ga 亞姐唔單止同我轉返.仲代我行返去收銀到退返凍飲個$3俾我.無黑面, 好好人.所以呢到又加返d分

周日想同老豆食好0的，佢又死都唔肯去官塘食，只係肯去大家樂，呢排好似上左大家樂癮咁﹗佢話呢度0的燒腩仔又脆又好味，我上次試過就覺得麻麻，所以就點左個章魚鮑魚菇粒肉餅蒸飯。一盅飯加多杯茶收成三十蚊已是相當不抵食，塊肉餅0的肥豬肉相當多，食左我不停吐出來，飯身油腍腍粒粒都反哂光，雖然我唔係減肥不過都明白健康的重要性，咁油的飯吃落真的令人難受﹗老豆樂此不疲，我只有二仔底死跟，最多下次試第二樣吧﹗

呢晚老豆吹雞食飯，問佢想食咩佢竟然同我講話要去鋸扒，鋸就鋸啦﹗原來佢所講既鋸扒係去大家樂食鐵板扒餐，佢老人家膽固醇又高又有糖尿，都唔知搞咩會想去食扒，不過算啦，鍾意食就食，一次半次無所謂吧﹗$42一份，西冷牛扒配湯及炒飯，份量十足，件牛扒睇落最少都有十安士，真係鋸扒都已經飽了﹗西冷尚算厚切，肉質實淨未算軟熟卻未至黐牙，邊位有少少筋會比較韌，牛味幾濃郁，配上蒜蓉汁同吃還不錯﹗食完個扒已經好飽，再頂埋佢食埋個炒飯，真係飽到上心口，兩父子就係咁鋸鋸鋸，食左成半個鐘﹗只係四十二蚊有成個扒餐質素亦ok，算係咁了﹗

係藍田要食e d快餐店...好食既又要行得遠...今次唯有近近地去e間喇係大快活...通常我唔洗諗已經知要咩..係e度..我諗左好耐先知今次要左個....豬扒包 + 雞翼 +汽水...$21我冇揀錯...個豬扒包都唔錯..個面好脆...入面既係洋蔥豬扒..有dd汁...最中意既係..佢新鮮整

呢晚又到大家樂食飯﹗見到有廣告仲賣緊既藍青口意粉﹗$33，加$5就可以再有蒜蓉包同埋羅宋湯，一於加埋佢﹗羅宋湯做得濃郁，蔬菜都幾多，味道酸得來不會太嗆喉﹔蒜蓉包有兩塊，包面香脆包身鬆軟，加上大量牛油同埋蒜蓉同焗，好味﹗意粉方面，都有幾多隻藍青口，食落明顯係煮得over左，青口失卻左藍青口creamy既口感，而亦可以講係無咩味，唔香仲有0的韌添﹗意粉佢講話係用橄欖油整，我估都係吧﹗食落油得緊要，雖有蕃茄、磨菇同埋洋蔥加添清新，卻不及油海的澎湃。這個餐雖未算難吃卻不會叫好﹗亦不會有下一次﹗

放假日子得我同老豆0係屋企，懶過鬼話落街食飯佢又話唔肯落之下，我就走左去大家樂買飯盒回家﹗佢就食菜膽雞飯，我就要左個五寶飯﹗菜膽雞飯有半隻雞，份量真的不少，雞肉嫩滑又軟熟，$30算是很不俗的了﹗我的五寶飯又係大大碗，有紅燒雞全翼一隻、墨魚幾片、咸蛋一隻、燒腩仔幾件及紅腸﹗要彈的就係佢個主打燒腩仔皮不算脆，反而有燒得入口有一陣燶味，呢個扣番少少分﹗不過整體個味道都是錯的，簡單外賣之選﹗

這夜周末與老豆相聚，問佢想去邊到食飯，諗住帶佢食0的佢又唔去，死都話要去大家樂﹗咁就大家樂啦﹗點左個新出既咖哩坑腩牛肉咖哩餐，加多一蚊仲有一塊油酥餅﹗老豆就要左菜膽雞加老火靚湯﹗味道不錯喎，咖哩好香，食落有少少辣，0的坑腩煮得夠哂腍，牛根更是又滑又軟糯，用來撈飯食十分之好味﹗油酥餅亦好香牛油味，放落0的咖哩度吸哂0的精華，老豆都讚好﹗老豆終於都發現大家樂好食過美心，仲話以後都唔再落去啟田食美心而一定要食大家樂，也許馬會搬左佢已開始知道藍田其實要食都不一定只有美心可選擇了﹗

周日晨早就去左踢波，回家沖個涼就訓覺，訓醒都已經三點幾了，肚仔空洞下來左呢度食下午茶當兩餐﹗點左個豬扒包拼蕃茄通粉加凍奶茶，加埋廿四蚊﹗先講豬扒包，佢話係炭燒，不過當然唔係啦﹗不是正宗的長身硬豬仔包，反是圓形的漢堡包皮，焗過的食落香脆仲有微暖，豬扒是薄薄軟軟的配以沾滿醬汁的洋蔥，幾惹味的組合，不錯呢﹗蕃茄通個蕃茄醬入面有肉碎，食落更添味道，好食﹗一餐當兩餐，假期就係咁架喇﹗

星期六難得有假期，當然想陪下老豆叫佢去飲茶佢又唔去話有排食，死都係要去大家樂﹗其實我都知佢係大家樂fans，日日早餐都一定要食過佢先安樂﹗點左個魚柳餐，魚柳香脆，蘸0的沙律醬食味道很不錯呢﹗蕃茄通粉亦入味，我鍾意佢既蕃茄唔會好似家鄉雞咁切到一舊舊，呢度只係茄醬，撈勻就食得﹗加埋兩條腸仔又有牛油麵包，飽哂﹗早餐有杯熱奶茶對我來說好重要，唔飲真係成日都唔舒服﹗食完早餐去踢波﹗

完全係我選擇錯誤﹐經濟低迷﹐想省省﹐就係呢間解決晚飯。買了個大家樂近來最出面的北海道牛奶南瓜湯底配6樣配料。先講呢個湯底﹐完全唔係北海道牛奶﹐應該話唔係牛奶﹐係忌廉湯底就真﹐等個湯底水開已經等得耐了(足足15分鐘)﹐放入食物後就完全無反應﹐真係熟和唔熟好難分羅﹐好擔心感吃左呢個晚餐。配料方面﹐食材唔算新鮮﹐雞件係醉雞﹐放入湯底完全唔夾﹐而且一口咬落去﹐唔滑﹐無雞味。蝦比較新鮮﹐不過都覺得完全唔適合呢個湯底﹐不過咬落算有咬口﹐不過被湯破壞了蝦味。牛肉好紅﹐好多血水係d生菜上﹐令人覺得好惡心﹐而且無肉味。

以前在藍田出沒，真係食親野都諗起呢間大家樂，無論早餐到夜晚，真係座無虛設，唔係講笑。奈何無去半年啫，呢排返開藍田，諗住去返呢度食個tea啦, 但就退步晒囉。我果日4點度啦，去到竟然無乜人，我都覺得怪怪地，之後叫咗個豬扒包+雪菜肉絲米+綠茶紅豆冰。明明話豬扒包即製，但就原來整定，硬掘掘、凍冰冰，一d都唔鬆脆。咁個米粉等咗超過5分鐘都無 (但記住係無乜人喎)，仲有前面幾個人都係欠個粉麵，我聽到櫃面d人都有叫廚房快d，但就無乜效囉。終於等到，碗野又小又碎，一條肉絲都無，稀喎喎，似飲湯多d囉，仲要等咁耐。反而杯冰就ok，但因等麵等得耐的關係，拎到的時候已經溶咁d冰，即係變稀咗，有層水响上面囉。唉~~

放假的日子不是訓到日上三竿就係晨早出左街，難得尋晚早訓今朝八點就彈起床﹗老豆叫去飲茶，但飲茶不健康又怕佢0的膽固醇再次步步高升所以都係決定來左呢度﹗星期日真係多人得不得了，水吧做唔切，賣飛又賣唔切，幾十人等位，好誇張﹗點左個深海魚柳早餐，魚柳不是太新鮮，吃落腍腍的，看來已炸起放了很久。茄汁通粉清清地不會太濃味，好清甜，呢個好味道﹗今日教識老豆飲奶茶唔好落糖，糖尿病人都係戒下口好一點﹗

大家樂係藍田最好食0既快餐店，原因係個廚好得，由早餐麥皮到晚上一人一煱，食物質素可以話係藍田快餐之冠。就講早餐，星期日10.0至11.00呢個熱門早餐時間，由買野食到囉食物，都要排一餐。好可惜，因為D野食正，唔憂做，所以服務態度可以話係超差。雖然樓面係超快手。而地點唔太就腳，所以只係德田同興田村0既居民幫襯居多。

中式早餐o既糯米雞就係我至愛,係云云快餐店中米雞大較量:第一名: 大家樂近期食仍佢地o既完隻冬菇糯米雞,哦!唔同左好味左喎!以前d糯米唔多夠淋同唔夠味,家下全隻米雞淨食糯米都夠味汁香味濃又夠熱第二名: 大快活以前佢係冠軍,米夠淋夠味,料唔係特別多,但汁至正-濃濃o既香菇同肉粒,不過幾次食都唔夠熱,無法唔拘分!第三名: 美心純粹以米No.1,一打開荷葉,嘩!d糯米o既香氣即刻湧出o黎,但汁?就只係oko者,同汁內肉粒偏"鞋".包尾: 大滿冠料係至多,但佢用左咸蛋黃就令到成隻米雞得個咸字,汁內肉粒又"鞋"飯又唔香,最唔掂!不過各人口味各異,我只係同區評分,唔知其他區會係點呢?