大家樂

营业中

休息中

今日趕時間得半個鐘頭時間lunch，所以決定去大家樂食個快餐就算，本來諗住坐係度食嘅，之後就可以出去，不過實在太多人啦~所以最後都係買個外賣返去食。天氣熱冇咩胃口，所以唔想佷飯，不過想食d酸酸地開胃嘅野。焗肉醬意粉就最啱啦！酸酸甜甜咁，夠開胃！蕃茄味很濃，酸酸甜甜很開胃，而且仲有芝士！個肉醬一d都唔求奇，真係用牛肉，有d餐廳會用豬肉代替牛肉，所以唔好食！肉醬裡面仲真係有紅蘿蔔同洋蔥，而且肉醬嘅份量都唔少，每一啖都食到蕃茄醬同牛肉嘅味道，不過意粉就覺得碎咗少少，而且有點腍！整體嚟講係趕時間嘅情況下都算ok架喇！

返到公司附近先至落雨，唔通連個天都唔鍾意我？唯有去大家樂食返個早餐。魚柳炒蛋不嬲係穩陣組合，大家樂既牛乳炒蛋真係幾好味！又滑又有奶味，仲唔會太老添。不過魚柳就炸得太乾身喇，感覺好熱氣，近期大推既奶茶就唔得，冇茶味。

心血來潮，去大家樂買早餐食，人不少，決定外賣。叫了牛扒雙蛋酸蘿蔔糕，熱檸茶。蛋嫩而且不油，好味。牛扒乾左啲，加上太少汁，扣分。蘿蔔糕則太甜，麻麻。廿幾蚊個早餐，ok啦。

今日黎左食DINNER咖喱雞飯，飯真係多到嚇死人，係我平時的3倍，不過佢又加價又比咁多飯，我連願少飯平反D，D菜少得可憐呢，咖喱不算太辣，幾好，份量都OK焗豬扒飯，呢個真係超正，不過成$38，貴到呢，上年好係似$35，蛋炒飯好好味，個豬扒又真係好大塊，個汁好好味，其實我好中意食大家樂D焗野！酥皮湯好正！真係好過其他西餐廳個D，湯好好味，個酥皮唔知點解特別好食唔記得呢個叫咩名，不過覺得好好岑個鐵板燒整得好有排檔的風味，燒汁好正！今餐真係好滿足

食午飯的地方有時真的不想花時間去想，如自己沒有心水的話，三大連鎖快餐店就是見標之一，通常也不會細心考量，一向也只是隨意而行，今次走進大家樂，也是「就腳」而矣。午餐有很多選擇，正心大心細之時，看到有免治牛肉飯，湧起一陣陣緬懷感，因為記得小時選擇沒有現在多得千奇百趣，窩蛋免牛飯就成為午飯常客。故此，就要了一碟煎蛋蕃茄免治牛肉飯（$27），免治牛肉做得頗為惹味，又帶有蕃茄的酸香，沒有了窩蛋，改以煎蛋形式，確是較窩蛋衛生安全一點的。另外，加$6可配至COOL冰冰特飲，就是因為看中了雪糕涼粉紅豆冰，又是兒時去冰室至愛，大大杯的，紅豆多多，涼粉卻只有少少，可是雪糕溶得很快，不過，還是覺得非常抵飲，好味！

自從裝修後,地方比前乾淨, 礙於地方面積仍舊, 如今售票處與等候外賣處為同一地方, 人多時實在混亂. 平時一定外賣吞拿魚三文治走油作早餐, 但今早竟然發現三文治內有牛油, 最特別的是牛油'走'咗去面包面, 不在面包內, 一拿上手立即中招, 滿手牛油, 而且裝修後外賣沒有跟餐巾, 非常唔方便, 因對牛油敏感, 故全份三文治只有報廢. 希望店方可以改善, 客人花時間及金錢排隊及等候, 最終不能滿足客人之需求, 教人失望~