大家樂 (鳳德商場)

营业中

休息中

鮑絲竹笙素翅--竹笙切細, 份量算多, 好足料!!! --鮑絲? 唔知有無記錯, 但質感有點像肉絲 粟米班腩--即叫即炒, 新鮮滾熱辣--師傅炒得唔錯, 鑊氣夠, 班腩外層還帶點脆口--粟米芡汁好味, 鹹甜厚薄適中, 亦少油--班腩有魚味, 肉嫰

睇免費報紙先知道大家樂又有新產品 --- 牛腩麵, 於茶市供應 五香牛腩湯麵 + 凍低糖蘋果綠茶 ($21) 廣告寫 "選用上等高筋麵粉鮮製生麵, 爽滑有韌勁" ===> 講得對 , 麵質唔錯, 而且甚少梘水味 廣告寫 "伴以十種香料炆煮五香牛坑腩, 肉質細嫰" ===> 係好軟稔, 不過都係普通, 香料唔算濃郁, , 牛坑腩同普通牛腩好似差不多, 唔覺得特別, 其實 好多舊式牛什麵舖都比佢出色 $21來講實在太細碗, 個碗仲細個下午茶單併燒味湯瀨粉個碗 綠茶標榜低糖, 但加左冰都覺得佢甜, 講"低糖"始終唔夠美心mx低 生菜魚肉湯 ("歎五送二"coupon送的)--生菜絲夠多, d菜算靚, 魚肉帶少少魚味, 可惜魚肉過份軟稔, 可能淥的時間過長

激似 Pepper Lunch, 真係要比較一下兩者的功力鰻魚霜花牛板燒飯$46.5 包至cool冰冰 + 香蕉船 大家樂的鰻魚較優勝, 大件之餘仲好肥美 餘下的 ----- 牛肉, 珍珠米等 --- 都唔夠Pepper好食--大家樂牛肉: 所謂的霜花牛肉, 話就話取自牛肋骨最柔嫰部位, 但一d都唔覺得特別, 像普通薄切好瘦的肥牛, 乾及鞋--大家樂珍珠米過稔及濕, 唔煙韌 (若唔睇menu圖, 都唔覺係珍珠米)--大家樂鐵板熱火高溫300度: 相信無300度, 完全無Pepper熱氣奔騰的效果; 而且黑椒亦唔夠多, 唔夠香 另附超細碟的日式泡菜, menu圖明明話有三樣, 但實際得兩樣 撈飯醬汁有蒜蓉汁及蜜糖汁, 今次選了蒜蓉汁, 味道及濃度都好過Pepper若想食抵食靚鰻魚, 就要黎試下; 若想食美味牛肉, 就要去返Pepper

西多士茶餐最抵食就係大家樂 $14西多士仲要有花生醬餡 除了糖漿外, 可以揀煉奶, 落單時要註明 包熱飲, 可選熱即磨咖啡, 的確比普通咖啡香滑細膩 最重要是麵包炸完後都唔會索太多油

tea $15熱狗 + 熱飲, 算抵食, 且比好多茶餐廳好食 美味大熱狗--今天比較多人, 故芝麻包烘得唔夠熱, 比較求其; 若是非繁忙時段, 店員會花多些時間去做, 起碼要等六七分鐘, 個包又熱, 烘得邊位又脆--熱狗腸, 鮮茄片, 生菜絲 -- 此間大家樂用料一向新鮮--最正係個酸酸味味的熱狗醬, 多到滿瀉, 若有些店員俾唔足醬, 一定會要求加添, 因係整個包的靈魂

油條--套餐加$1的迷你油條, 通常都係凍的, 不過仍然脆, 比傳統粥舖優勝的地方係無咁油膩 柴魚花生粥--這兒的粥一向都係無咩料到, 這款也不例外, 少少柴魚碎及幾粒花生, 粥底亦淡淡的, 出唔到柴魚花生的香味 蜜糖烤雞扒 --今次幾好食, 個皮鹹左d, 不過落左幾多醃料來烤, 幾惹味, 但食唔出蜜糖味--雞扒肉質幾嫩滑, 雪藏肉來講可以做到這效果算唔錯

以前都有食過大家樂的咖喱系列, 好多人都讚好食, 個咖喱汁夠濃好惹味期待已久的新產品出爐 -- 今次係咖喱乳飼牛坑腩 咖喱汁--廣告話用十多種香料炆煮, 並加入新鮮蘋果粒, 以果酸中和辛辣: 可惜仍覺得係普通咖喱汁, 只是與之前的咖喱汁不同, 之前的比較濃杰, 今次味道香濃得來無咁膩, 質感稀些, 可能加左蘋果的關係帶少少清新 (不過食不出蘋果味)--廣告話九份香一份辣: 只是好少好少辣, 未到一份 牛坑腩--用上靚坑腩, 少肥, 炆得鬆軟夠稔, 份量又多 牛筋--牛筋都有驚喜, 大舊, 炆得夠稔之餘亦彈牙及有膠質 油酥餅--$1 好抵, 幾好食, 當然唔夠"咖喱鄉里"做得咁香咁鬆

午市: 雙菇獅子頭菜飯 $29熱騰騰瓦煲上, 有菜有肉份量多 獅子頭 -- 豬肉碎+冬菇粒+蝦米粒, 實實淨淨的肉丸, 炆得入味 雙菇 -- 冬菇+雞脾菇, 雞脾姑有陣草青味 反而配角紹菜索左d肉汁及菇汁仲好食見餐牌圖有一小盤前菜之類的食物, 但無俾到我

茶餐中除了雞脾紅豆冰外,偶然還喜歡點蜜味燒雞翼餐.今次除了主角雞翼還有咖喱魚蛋.蜜味燒雞翼的外皮外皮好脆又夠蜜味,只是不夠熱.可是,那3粒魚蛋十分失色.除了無魚味又煮得太淋,最大弊處完全沒有咖喱味道.加了3元飲凍奶茶,奶味唔覺有,茶味唔夠,又唔夠濃滑,不好味道.

鳳德大家樂的燒味部唔錯, 好多時都會俾份量足及厚肉的燒鴨 (係好難得架)即使係下午茶餐都唔會吝嗇排隊時見前後客人堂食的燒味都好靚, 大舊厚肉少骨, 足見燒味師傅訓練有素, 水準保持一致

近期早餐有炒米, 即刻買俾朋友仔試下, 佢都話正!--配菜有: 蛋絲, 紅蘿蔔絲,椰菜絲, 木耳絲--炒米唔會油, 又唔乾, 好健康--記得攞辣椒醬, 好味好多架近期d蘿蔔糕好食左, 無咁多粉, 多左蘿蔔, 香好多!

下午茶餐: 新產品 -- 火腿肉絲炒麵+三粒咖喱魚蛋這兒的炒麵及不上普通粥舖的豉油皇炒麵,肉絲火腿份量少 -- 已不是問題, 最大問題是麵本身根本未炒好,食食下會咬到些又乾又硬的麵,(當然不是指脆卜卜的麵底),是未熟透的麵! 麵邊緣根本咬不爛,生生的感覺,勉強食下去亦會消化不良

至cool冰冰--選了珍珠奶茶;賣相不錯,面頭打起少少泡沬,味道唔錯,好香茶味,奶味濃;珍珠:夠軟身,有黏性,夠Q,可是,珍珠本身一點兒味道都沒有,亦不夠多;令人回味的珍珠,本身Q軟得來會帶有少少甜味,但這兒品嘗不出任何味道

以前一哥火煱的魚麵一流,魚味濃,又彈牙,但現在已改了較平的米線星期天晚上八時多,會見到整個大家樂都有檸檬冰檸檬? 對!收青檸冰的價錢,給的只是檸檬,店員告知無青檸

食物咩質數都冇乜點評,大家樂間間都咁上下,想講係佢地service幾好,有一次去食火鍋,我丈夫碟肥牛俾一個人唔小心撞跌,個人就咁走左去,收銀有個職員見到,即刻叫人俾過一碟我丈夫, 加水既阿嬸都態度好好!