大富翁名人火鍋食府 (已結業)

與閨蜜過了一個滿足relax的慶生Lunch~!High Tea除了食3層架鳥籠甜點外，嘆住茶遠望維港景色，品嘗到美味精緻的點心都係一個不錯的選擇，重點係每檯相隔一段距離，食得安心，傾密計放心。特別要讚係每位服務員都很有禮，部長都好細心，因坐風口位冷氣凍，嘢食好快凍，听到我地想調細d冷氣，都好快安排，服務態度一流！有機會再encore!

環境十分好。天氣好時，十分怡人的維港景色。三次都可以預先訂座留海景枱。位處23樓，景觀開揚，十分心曠神怡。食物精美，最欣賞蘿蔔糕蝦多士和蠔仔肉碎粥，茶葉也不錯。點了春卷，像菊花一樣的，炸得鬆脆。這裏之前應是不倒翁火鍋專門店，這間新店名大富翁，不知有關連否。同場可以點壽司，各取所需。配搭有新意，送糖水，蛋白杏仁茶或紅／綠豆沙。店員有禮，招呼周到。讚！疫情期間，顧客可能較少，訂座方便。卡位冷氣較大風。

推介清湯蘿蔔崩沙腩必食，點心做得好精緻，刺身亦好新鮮。套餐内雖然我叫4人餐，但細食既5, 6個人食都得，個餐既份量好足。最後我打包咗2盒返屋企添。雖然價錢偏貴少少，但一分錢一分貨，相信大家唔介意俾貴少但食得好味啲。而且服務一流，個個都好friendly, 態度良好。 樓面好多人手，斟茶遞水都唔洗我哋叫，自動自覺會幫你手。如果大家想手機食先同埋想食好好味既食物，呢間唔會令你失望，絕對可以一試。我介紹過好几個朋友仔大家都讚好。

環境開揚，全海景，飽覽維港景色。服務細心。食物精緻美味。食物有傳統點心午市飯麵，最特別的是餐牌也提供魚生和刺身，今次無試，不過看來很吸引。自家製XO醬很惹味。整體而言，很適合聚會和品味美景佳餚。

與以前不倒翁同一樓層，同樣高位置，可眺望維港及港島景緻，新開火煱店，無乜人知而且不知有點心選擇，所以假期午市，只有3,4枱客，這點心雖然種類少，但質數環境與價錢比較，係超值。 翡翠帶子腸粉$46，皮軟滑，不是現在興嗰的水晶略透明，而係全白色的，揭開有竹苼，帶子又厚又大到像食指舆手指公掂到圈起咁大，又鮮味，但說翡翠，用炸脆蕃薯葉作伴，非菜芯，露荀，但我較喜歡新鮮菜。 金魚餃拼鮑魚燒賣$55，兩樣都爆饀，漲卜卜，燒賣蝦粗並多過肉，鮑魚無味，以此價無要求，金魚餃做型生動，全蝦肉，鮮，手指咁粗，蝦餃皮有彈性。 义燒飽$28，大隻，逼滿成個籠，高级餐廳少見，包型開花，正宗， 多餡，醬汁甜，义燒腍而有質，粉皮軟香雪白，優質。 野菌上素餃$38，水晶皮通透，挺身漲卜卜，就知菌新鮮，係芫茜少咗的。 名字大富翁名人，材料梗係要高質，唔係怎樣吸引大富翁及名人惠顧！

放假同媽咪去飲茶，試左間新酒樓，可能大雨關係，無乜人，但環境好舒服，野食都唔錯，最鍾意個小籠包，超juicy, 個金魚餃同菊花春卷就好可愛，價錢係貴少少，不過同媽咪補祝母親節，最緊要媽咪食得開心就ok la呢間餐廳夜晚係食火鍋既，媽咪好有興趣黎試試，一於下個月父親節再黎試下火鍋