影片
港铁太子站 C2 出口, 步行约5分钟
继续阅读
电话号码
61729291
营业时间
今日营业
07:00 - 19:00
星期一至六
07:00 - 19:00
星期日
全日休息
以上资料只供参考，请与餐厅确认详情
行过见老板一个人坐左系铺头然后有个街坊讲：老细系咪好攰啊？老板答：啱先忙完个早市，又未都到午市依家恰下咁啰~休息下系佢讲呢句时望到我然后我就同老板眼神接触左喇老板问：你要咩啊？（礼物地问）我答：两份碗仔翅、一份烧卖同一份肠粉老板答：好然后佢开始行番入厨房煮野喇期间有另一个人客黎买肠粉我见老板同佢有讲有笑人客仲同老板倾起仔女经睇黎老板同d熟客关系都几好等左一阵两份碗仔翅就煮好老板仲问我系咪第一次食我话系佢就建议我今次第一次食 可以咩都唔加食原味再有下次时可以话佢知想点加调味（胡椒粉、醋、麻油）番到屋企打开黎食个碗仔翅仲系劲热 而且好多料原味都好好食肠粉就系幼身嘅 同烧卖一样正常水准不过真系估唔到碗仔翅系即叫即煮好新鲜下次可以预先经whatsapp落定order好方便
继续阅读
虽说深水埗系个好多野食嘅地方，但我发现早餐小食店好似愈来愈小。对于一啲来去匆匆嘅上班族，有一间嘅左近系好重要！呢间小食店有齐一般早餐会见到嘅小食，例如烧卖、粉果、粢饭都有！我通常食鱼蛋同烧卖，咖哩鱼蛋啲汁好浓厚，但又唔会好咸，不过佢个质感就唔系好弹牙。我会推荐烧卖，熟度刚好，我好怕𠮶啲蒸左好耐，个面都烂哂𠮶种烧卖，佢真心抵同有诚意，因为而家都几难揾到6蚊5粒烧卖，而且系高质的。
继续阅读
我好少会买外卖食🥡，但这一间，朋友推介的，不得不去外卖一份回家试吓。不过试咗又真系好味，好抵食👍🏻卤肉饭 (HK$28)．老板帮我拣咗一旧半肥瘦嘅卤水猪肉，切件，都有8大件㗎！．肥瘦均匀有层次㗎，肥肉部份卤到晶莹剔透，又有点烟韧，不是肥淋淋咁．卤水汁调味不错，捞饭一流👍🏻．没有想到叫少饭，但都系满满一盒饭😮*流心蛋 (HK$6/只 x2)．朋友推介必食流心蛋，所以我买咗2只．回家切开，蛋白半流心，蛋黄似溏心多啲．卤水汁不错，所以蛋嘅味道也不错👍🏻生磨蛋白杏仁茶 (HK$15)．老板推介，话是自己新鲜生磨的．绵滑细致的口感㖞！．少甜，有滋补养颜效果㗎👍🏻
继续阅读
每朝有不同是日靓粥，再配肠粉烧卖加牛肉，想试粢饭同手打汉堡出名豉油鸡及流心卤蛋。不单是食物味道好食，更有份难得的人情味，老板友善也十分健谈，这类小店绝对值得支持！
继续阅读
好开心可以为啲间新开嘅小食店写第一个食评！做完运动要揾啲嘢食补充下蛋白质，就试吓呢间小食店嘅豉油王鸡髀。之前已经见啲地区谷谷友话呢度嘅鸡髀好食，真系一食难忘！一拎到只鸡髀，系香到隔住口罩都闻到！系好想即刻大大啖咬落去𠮶种香味返到屋企即刻食，大大只，肉质唔会煮得过老「鞋」口，好重豉油王香味，调味适中唔会过咸！下次会继续帮衬，仲会试埋佢哋嘅流心蛋，好似都系佢哋嘅名物仲有，老板真系好好人，服务态度非常之好！离开之前仲见到好多街坊喺度排队，希望佢哋生意可以越做越好！
继续阅读