大師傅粥品 (牛頭角道)

营业中

休息中

粥底夠棉，窩蛋鮮牛粥 - 牛肉夠滑；皮蛋粥加生菜粟米 - 清甜；蝦米炸兩 - 油炸鬼應該有番炸，蝦米真係米咁細粒，但腸粉超煙韌；叉燒腸 - 唔記得影，腸粉同樣煙韌；炒麵 - 夠乾身~ 後記：少食粥，哩間比起啲連鎖粥店好味好多，腸粉一流

   呢間粥店真心好好味，腸粉係即叫即做，而且粥好大碗；一個人都未必食得晒(可能我食量唔算大)   叫咗豬紅粥再另外加豬潤腸粉。腸粉外皮好幼滑同豬潤配搭好好味道  之後又多一個選擇

呢間粥鋪既豬潤腸粉真係真心推介，今朝有同事話早左番工可以行遠小小去粥鋪買早餐，我即刻order番個豬潤腸粉做早餐先 外賣豬潤腸粉既豉河係分開上既，咁就唔會拎到番公司d豉河已經干哂同令到底下既腸粉太咸，呢間豬潤食落既口感係爽既，好新鮮，又冇腥味，而又唔係人工既爽，再加上滑嫩既粉皮 完美既配搭

觀塘想食粥選擇其實唔多，見呢間人都算多，自己又病病地所以試試。牛肉肉丸粥 - 牛肉都幾彈牙，肉丸除左豬肉之外仲加左少少大地魚，味道層次分明。粥底我自己中意食杰D，而佢就普普通通唔太稀，都OK。叉燒腸 - 皮唔算薄，叫合格啦，叉燒則比較乾，味道不過不失。

近排又buffet又燒肉，食到個人好熱氣，諗住食番少少清淡野清清腸胃，search到有間叫「大師傅粥品」，就試下啦。店面光猛，舖位較細，坐得「密側側」，嗌左個窩蛋鮮牛肉粥及叉燒腸，大概5分鐘後上粥，蛋及牛肉係底，食前首先撈左啲蛋，睇住佢熟變蛋花，都幾得意。平時係屋企煮蛋花粥都會煮既時候打入雞蛋打匀，經過今次，我諗我係屋企都會試下咁食。粥好綿，鮮牛肉好滑，個粥唔會好咸，轉眼間已食完。叉燒腸既腸粉又薄又滑，幾好，又唔貴。

一早去聯合復完診後坐巴士出番牛頭角拎野未食早餐見到對面馬路有間粥鋪就行入去試下! 一坐底啊姐就問靚仔食D咩？我話望下個餐牌先:叫左碗及第粥 粥底好棉滑有2片豬潤，1粒肉丸，1片肉片，粉腸，豬肚，豬心 各2小件。個粥味道岩岩好 D料食得出有醃過幾入味，一碟豬潤腸個腸粉吾錯好滑，一支豆漿飲入口發現吾算甜正。之後開餐！有機會路過既話一定有下次！

經常路過，今日有時間，見雜誌介紹過,試試吧，大約12點，都己坐滿人，等了幾分鐘，2個人坐一張小圓枱，另外還有2人，坦白說，頗擠迫。想影相都不能，叫了菜乾豬骨粥，炒麵和每枱都有的炸兩，豬骨粥好吃, 夠火路，很綿，材料亦足。但其它兩樣就普通，炸兩只有腸粉算是香滑,油條不熱, 又唔脆，完全不合格。炒麵只是微暖，太乾身，海皇甚至大家樂都比它好吃，店子叫大師傅粥品， 看來還是粥品靠得住。

近排食得太多熱氣野，想食D清淡既食物。同男友叫左及第粥、菜乾豬骨粥、油炸鬼同豬肝腸。菜乾豬骨粥鹹左D，及第粥好野味，整體D粥都煮得好綿。豬肝腸既豬肝好爽，剛熟，好味。係香港想食到咁有水準既粥品已買少見少。

這間粥誧在我屋企附近，開鋪至今幫趁過三次，星期二路過這間當日食魚腩粥，材料充足，光是魚腩有五大件嫩滑鮮味十足加少少薑絲再配綿綿粥底好味道呢到D粥值得一讚，食完唔會有口渴，而有些粥店過多味精，吃完感覺不健康總括泥講，真係好食，環境好好企埋有街坊 feel $32 圓滿的晚餐！

稱得上大師傅, 一定要有過人之處才可令人欽服.  時已差不多晚上十時, 店內依然半滿, 應該沒有來錯.   一坐下, 迎面的是餐單一大張, 真有氣勢! 可幸是價錢親民, 絶不趕客.   點了我最愛的 蔥花炸兩, 即點即做, 用了超粗大的油炸鬼, 不會因為夜了而無火氣, 軟塌塌的,  很是欣喜!裹著厚薄剛好和熱騰騰的腸粉, 外滑內脆, 絶不欺場, 果然是大師傅級數, 功力深厚, 佩服! 佩服!     用心製作, 方為大師傅!