大快活 (圓方火區)

营业中

休息中

【臘腸豉汁排骨煲仔飯🍲】一打開蓋，香味即刻湧晒出嚟香到流口水🤤個臘腸7 瘦 3 肥嘅比例堪稱完美！咬落去，肥嘅部分油香四溢，但又唔會覺得油膩，瘦嘅部分就好有嚼勁，臘香味十足，口感豐富到痹！！😋排骨嘅肉質好嫩滑，豉汁嘅味道完全滲曬入去~煲底嘅飯焦真係靈魂所在！！咬落去卜卜脆，米香同焦香混合埋一齊，上面嘅飯🍚軟糯適中，吸收晒臘腸、排骨同醬汁嘅味，每一啖都好惹味👏再淋上佢哋嘅秘制醬汁，鹹香味掌握得啱啱好，撈勻之後，整個煲仔飯嘅味道就即刻升華囉！👍

大快活最新上市煲仔飯，叫外賣會連煲上，食完還煲有現金卷回贈，煲仔飯熱辣辣，跟餐會配埋個豉油比你，依照自己個人喜好落幾多豉油，唔好落太多呀，因為好鹹，落完豉油等一陣就會有飯焦，香脆可口，我今次個煲仔飯是豬頸肉臘腸，豬頸肉大大件，臘腸好惹味大家晏晝諗唔到食咩可以試下

睇戲之前諗唔到食咩所以去咗呢一間係elements既大快活，有好多唔同嘅選擇，晚市亦都又可以打邊爐，我就簡簡單單揀咗個雙拼嘅燒味飯，$54，另外再加多一個湯！！叉燒燒鵝飯，整體嚟講份量見圖到幾多，有少少驚喜嘅係佢味道都唔錯，叉燒OK肥瘦平均，送飯好好食，絕對唔會話有成舊肥膏嘅出現，燒鵝亦都唔係頭頭尾尾，肉質嚟講亦都唔太差，加埋佢嘅燒味汁，好好送飯！個湯都幾好飲，飲落冇乜味精，而且份量都幾多，啱晒鍾意飲湯既我 ！

大年初三到廟街「夜繽紛」之後，信步再到西九海濱公園，要經過圓方商場，因為在廟街「夜繽紛」人潮如鯽，未能盡情「掃街」，祇嘗小食，因此順路在圓方商場的大快活享用晚飯。我的菠蘿咕嚕肉套餐有灼唐生菜、中茶和花膠鴨絲羹，菠蘿咕嚕肉尚美味可口。哈哈！沒有睇單以為是碗仔翅，原來是名貴花膠鴨絲羹，湯羹稠度適中、味道不錯，但沒有吃到花膠和鴨絲，很多爽口金菇，金菇詐看像瑤柱絲，此外還有冬菇薄片。家人的焗豬扒飯似乎得大半盒！

大快活咖喱牛腩飯非常，咖喱汁整得非常好食，辣到正常，如果食得辣嘅話仲可以叫餐廳整個加辣版，薯仔整得非常之林，牛腩亦都蚊得好林，咬口非常容易，配上一啖白飯，非常好食

出餐夠快 食物份量都正常個湯夠熱幾好飲食左焗飯 個飯夠熱好食😋而且坐位都好坐既👍🏻👍🏻👍🏻👍🏻環境方面不過不失 👍🏻👍🏻快速食lunch既地方

行完西九文化區有些肚餓，經過大快活唸住吃飽，叫了招牌咖哩牛腩反，一兩分鐘見已經有，但可樂反而未得，見兩店員係咁對住碟反傾計，需然有口罩，但心理不安。可樂到埋拿去位，見牛腩好少，可樂超多凍，唔多抵，好彩有叫加反，至少夠飽。

無啦啦喺條街度落大雨，冇帶遮有冇瓦遮頭可以棋嘅情況之下，就是但沖咗入去商場度搵間野坐低等停雨，就係大快活啦。印象中細個大快活啲嘢都係唔好食㗎，但係入邊好多人食緊，而且個咖喱飯真係好香好香，搞到我都忍唔住叫咗過嚟食。本來好多人排隊有啲卻步，但係見到佢話可以QR code叫野食真係好方便，點知去到拎嘅時候變咗外賣，原來網上點餐唔可以堂食。我要改返做堂食仲要比工作人員嫌棄😭我叫咗咖喱雞小飯，呢個價錢呢個味道唔錯。啲雞係大大嚿薯仔都大大件，好滿足呀💯

午餐去到大快活，早排食得多健康雞胸餐，今日就轉左口味食牛扒餐。雖然午餐既牛扒唔好預佢厚切啦，但都唔薄架，但係質素就凍肉舖既級數啦。個餐仲有條司華力腸，味道還可以啦，但係配埋個黑椒汁，個味道好夾，一流呀。

在下雨的日子 多了些自己的時間喜歡去多老人家的餐店看看沒有手機的 很慢的世界裡人是怎樣生活試左大快活的斑蘭咖央流心芝多士當然班蘭的部分就不要抱太大希望因為多士夾心部分是綠色的班蘭果醬夾心沒有斑蘭本身的清香 （也不要期望過高啦好的部分是即叫即整 麵包有烘到很熱 有牛油的香味芝士心也是足價的芝士烤到流心的形狀不中意芝士可以將芝士切走有擺盤 沒有想像中的過於甜膩入秋之後 搭配建議淡味道的熱飲比如檸檬蜜 檸茶可以平衡甜味

最近每天也在西九文化公園散步， 年廿九決定在Elements的大快活訂盆菜於初一在家中作晚膳。雖然得兩口子享用，也訂了六人份量的盆菜，包括墨魚丸和豬皮嫩滑有咬感丶原隻鮑魚亦爽口丶 鬆化東坡肉鹹鹹香香美味可口 丶手工荔芋雞啖啖肉挺不錯 丶南乳豬手香口但不淋，有嚼感 丶叉燒味道濃郁，魷魚有嚼勁，西蘭花脆口；本想懶煮，輕輕鬆鬆地食一餐，只因西蘭花份量不多，只好親自下廚煑煲菜，整體表現也不惜。

過年前路經圓方商場見到新盤菜推廣, 六人份量起, 我倆口子決定來一個六人盤菜賀虎年, 訂了年初一自取😋😋取菜當日員工服務十分週到, 餸菜妥當地放在特製纸箱內, 十分方便, 回到家中仍有暖温, 有鮑魚, 豬手, 芋頭雞扒我最讚, 魚旦豬皮等伴碟菜充足👍👍😋😋一個盤菜食足兩天, 好抉擇👏👏👍👍

24號平安夜出面食嘢周圍都多人同貴，於是求其去食快餐，我嘅要求唔高，但都要出嚟寫食評，佢個海陸空鐵板餐$57，支x寶減$10 即係$47，算係幾平幾抵食，食物味道唔評論，普通一般快餐店水準，佢嘅服務當日亦比較求其，但係人多可以理解嘅，但係鐵板嘅整潔程度真係完全接受唔到，喺食之前見到成塊鐵板凹凸不平以為係使用痕跡，於是冇多理會，但係食完之後，攞隻叉去撩塊鐵板撩咗好多黑色野出嚟，相信係之前燶咗嘅殘渣而冇清潔乾淨，而且係冇可能由我果個餐整出嚟，因為果塊板根本唔熱，用隻手可以直接摸塊鐵板，所以冇可能由我嗰啲嘢食整出嚟，如果係食之前見到，真心真係會冇晒胃口

成個下午食得塊餅，餓到打鼓。到大快活發現有鐵板雜扒餐，就對自己好少少啦，$56 又可以用支付寶消費券。點知原來下午5-6時有早鳥優惠$50 咋! 包埋野飲，用埋支付寶劵-$3 即是$47!! 正!! 勞動人民恩物!講返個餐，正常水準，扒醃得夠味，係個豬扒我自己覺得鹹左D。條芝士腸真是很多芝士，牛扒唔硬，發揮正常，當然對食肉獸嚟講，塊牛扒厚D就更完美啦。個迷你粟米肉粒飯是細D，不過晚上唔好食咁多澱粉質，都👌。

今日來elements睇戲，趁有時間快快趣趣去食個下午茶先，點了西多士配燒雞脾配紅豆冰，也點了燒味雙拼飯配汽水，由於太開胃，再加一碗碗仔翅。最有驚喜的是碗仔翅，有水準.