大快活

营业中

休息中

食物OK，一如既往。夜間送餐到位更是貼心的安排。但是座位似乎全無管理。 - 平日沒客人時，吃完沒事有事的人，當然可以繼續坐，也顯得大度。 - 但是繁忙時間，新客人端著盤子滿場找位置，卻見眾多沒吃剩，沒飲剩的客人繼續坐著聊天霸位，工作人員也無任何處理。……還有看到去隔壁鴻福堂買了小吃，過來繼續在位置上享用的。建議：大快活對座位的使用，尤其是繁忙時段有更好的管理辦法，保證公平有效對待所有客人，為大眾提供更有效地服務，而非做個大好人而已。

大快活是香港人總會去過的快餐店，這天來到沙田看話劇，由於話劇是在晚上 舉行，早了來到未太肚餓，便在沙田站上蓋的大快活吃下午茶。以往，快餐店給我的印象是「平靚正」，不過近年每况愈下，好似流水食物的處理、毫冇表情的服務員夾食物在碟上時的粗魯，以及有時問他們拿杯水好似求人的心情，都減少了我光顧的熱情。今次我食肉碎湯麵配紅豆冰，肉碎名副其實又碎又少，湯麵「淋」了點，紅豆冰反而不錯。食後感覺是填飽個肚就算了。食到尾聲，抬頭一看頭頂的燈罩有蜘蛛絲還是塵埃的物體，未知是否配合最近上映蜘蛛俠電影的相關佈置呢? 那刻擔心會否有東西跌下來，不過已差不多食完了，惨。

前日黎沙田大快活食左個下午茶.....叫左西多士拼雞翼...一見到份西多士個賣相已經好唔吸引.... 切落去就知道四邊都炸得過火, 包邊好硬, 好乾咁, 塊西多士入口也只係丁點微暖, 似係炸好左放了一段時間又唔做好保溫...除左口感唔好, 味道亦唔好食...一點也不香...好失望串雞翼還好, 有香草味, 不過隻雞翼太瘦..冇乜肉可以食到...而杯奶茶就保持水準, 還OK啦, $29不算貴但以這個質素來說就唔太抵食...

今晚晚餐系快餐系芋頭扣肉飯加老火湯呢個小窩餸最正系個芋頭，厚薄適中，半圓的形狀，咬落去好粉，而且索曬D汁，好正，果汁有八角去調味，令到腩肉好入味好滑，好香，用D汁配白飯食真係成碗飯都食得曬加多5蚊有個老火湯，菜膽己子瘦肉湯，下火滋潤，明目養顏加左陳皮，好正

假期最好輕輕鬆鬆食個靚早餐，今日到大家樂食左個中國式的早餐，肉燥撈麵加蠔士豬骨粥，餐飲系奶茶，好惹味的肉燥加小小粗的麵撈埋一齊食，好好食，好滑，有銀絲增加口感，好喜歡的系豬骨粥，細心地加左迷你蠔士落去吊味，出面真係好少食到甘好味又有營養的粥，熬得好有味

今日去大快活吃牛扒煎雙蛋配蘿白糕早餐～飲熱奶茶～呢間的奶茶幾香，飲落口都幾滑；食物賣相都相當唔錯，煎雙蛋佢標榜係“燶邊”的，事實上都煎得唔錯，真係有“燶邊”的～唔算熱辣辣 但都仲係暖既，可接受的！牛扒係薄牛扒嚟，份量比我想像中要多，味道幾好，肉質幾稔的，淋落牛扒上面個汁都好好味～另外牛油多士與蘿白糕兩者 我揀左蘿白糕試下～有驚喜！估唔到大快活的蘿白糕原來咁好味呀！溫度雖然微暖，但係蘿白糕聞落去好香，我估係臘味既味道，質地都好好，味道調得剛剛好；下次去大快活食早餐都會叫番蘿白糕的！

今晚係沙田唔知食咩好，念住就近就係連城廣場間大快活食算了。叫左一個"茄子滑雞飯"，點知拎左準備食時發現D"滑雞"全部都變左"雞翼尖"。。。里個真係"茄子滑雞飯"??定係"茄子雞翼尖飯"啊?? 原來而家大快活的"雞翼尖"就係"滑雞"。。。真係唔食唔知道。。。矢失敬失敬。。。

現在的餐廳如果要加添任何野都要加錢，但大快活就吾需要加錢，佢地標誌任我地話事早餐至好食又抵，可加花生醬、奶、果占都吾需要加錢，只要同服務員說一聲就可以，我選這早餐包括嫩滑抄蛋，有奶香味，是鮮奶製的，火蛋通粉，湯底是香濃雞湯，濃湯吾口渴，應該無味精，咖啡的奶味濃，但無創咖啡原味，真是一個good day 的開始。

沙田連城廣場重新裝修之後，大快活都搬左嚟呢度，老實講，呢度鬼鬼鼠鼠咁，真係最啱啲嚟偷得浮生半日閒嘅人(即係我~) 其實呢度係我見過最整齊嘅大快活，單係入門口，你見到啲梳化櫈好似一個個櫃咁間左條直線。話高說我呢個經典早餐，售價係30大元，係沙田區嚟講都未算係最貴，但都唔平~ 如果淨叫都要21.5，加埋個通粉啊, 凍飲又要加錢啊..... 就搞成$30勒~ 先講講塊多士，唉.... 根本就係翻哄啦! 脆到一啲飽味都無....我特意為這個早餐，加左啲燒汁伴碟等佢好食啲~ 佢嘅蛋同午餐肉都幾好食~ 起碼唔係好似美心嗰啲咁，好似搵微波爐叮熱咁~以前嘅火腿通粉，塊火腿都叫切左絲丫~ 而家連塊火腿都要自己切，可能有啲人會話咁樣可以清晰啲俾你睇到係有一塊火腿，但對我嚟講，你呃得我幾多丫! 你唔切成絲，我好難食架嘛! 唉~ 總括而言，一分錢一分貨，不過我覺得一個女仔真係唔使食到呢個份量..... 

近來不知為什麼，我重拾了對連鎖快餐店的興趣，去沙田等太太出現之前的一段自由活動時間，一個人的晚餐，我選擇來《大快活》解決。上次，在《大家樂》吃了焗肉醬意粉，今次在大家樂，我決定食港式快餐店的另一名物，焗豬扒飯。向來，焗豬扒飯，大快活是我首選的，糾正地一說，是自從大快活改良成為厚豬扒之後，我才推他上第一位的。因為，肉厚而極淋，茄味香濃，芝士又夠多，酸香而肉感豐富，很是溫飽的一個飯，再者，飯底是炒飯，熱熱地食，十分之香，十分之濃，多年來，都是這麼的吸引。久違了的焗豬扒飯，我同你再 say hi，你完全沒有令我失望。

見新開左一間大快活, 就試下這兒的下午茶有一個叫脆爆珠珠的東西, 於是就試一試~原來只有一個烤乾了的豬仔包, 同煉奶, 花生醬仲有一杯凍飲包埋個豬仔包烤得好乾, 太乾了, 入口好唔得, 而且煉奶同花生醬好少, 要再出去問佢拿先夠~不是很特別, 普通非常的TEA!