大快活

营业中

休息中

難得放假約咗朋友出去，順便去接契仔放學食個lunch。問佢想食咩？佢話突然想食大快活四寶飯。心諗好食咩？（偷笑中）🤭 lunch時間都幾多人，遲少少都難搵到位。到排隊買野食時職員問有冇學生證，原來出示學生證係有汽水送🥤，之後找錢時仲有排kitkat士多啤梨味朱古力送🍫。心諗學生餐都幾抵食有咁多野送眼見契仔個四寶飯賣相唔算好吸引都係一般燒味飯個人覺得d飯認真唔算多，對小朋友嚟講應該啱啱夠飽，大人就可能未必夠。

店內味道大，環境清潔欠佳，有蚊蟲，杯外未徹底清潔，有茶漬，餐桌附近有尿味未能完全享受進食，食物質素良好，員工服務態度亦佳，唯環境衛生尚有很大改善空間，可能清潔人手不足，望分店盡快跟進，給予顧客滿意的用餐環境！

最近人妻因為有優惠卷所以成日都會去咗大快活，對呢間鋪頭嘅餐牌認識越來越多！發現其實都有唔少良心之作⋯⋯首先呢個紅米茄汁豬扒飯！除咗用Apps俾錢會平啲之外⋯⋯仲非常健康有紅米食豬扒大大塊⋯⋯真係啱晒平時出街食飯嘅朋友

打邊爐季節又黎啦，要講夠方便既話無疑係快餐店以一人一鍋方式打邊爐，咁岩樓下呢間大快活終於有得食。今次標榜4安士 肥牛 套餐68$，而4安士豚肉就64$ 顧客仲可以以80$ 選購半磅牛或豬，個人覺得4安士就夠一人食了，今次湯底有花膠雞湯同香辣雞湯，某似花膠雞比較多人叫，因為唔夠7點就賣晒，而我喜歡辣所以選擇左辣雞湯，大快活晚餐時段都提供送餐服務，唔洗自己拎，可以坐定定等飯食～ 今次套餐入面有好多菜，兩條芝士腸/兩粒貢丸/一條魚腐/金菇/生菜/油麥菜/娃娃菜/烏冬，食完真係好飽。係小弟食完之時大約8點左右，竟然見到店員將火鍋餐牌除下，第一次屋村大快活爆場，看來今天都很多人打邊爐。

星期日嘅中午，同愛人去海麗村食晏，叫左碟粟米肉粒飯，用罐頭忌廉湯一齊煮，味道唔會差得去邊，要一讚嘅係配菜，係用蒜蓉炒過，好香蒜味。但成餐食得好唔舒服，見有張枱空，可惜滿枱係食完又未收拾嘅餐具，方圓十里都唔見有人收嘢，唯有自己慢慢將D餐具搬埋一邊，用紙巾抹乾淨半張枱及櫈，D餐至可以有位放，食到一半終於有人嚟收我哋張枱前手餐具，收完連枱都無抹就快速走左，留下食物碎、地下垃圾、隔離坐位油漬一齊陪我同愛人食飯，吹脹！

最近睇到篇野講阿華田搞到我今日開始周圍去試睇下邊到妹飲雖然阿華田成分包括麥芽精華、糖及乳清，後期加入可可粉。它是一種粉狀的產品，以冷或熱牛奶沖泡即成提振精神的飲品，近年來也銷售巧克力棒以及早餐穀片的形式，同時也是一種在茶餐廳常見的飲料。今日去到大快活，飲左杯阿華田，太淡了,還要加糖🙂-但加了再飲發現杯野其實不太熱我要去周圍試下邊間最好飲😛不過大快活沒有將阿華田和好立克混合的話就會變成兒童鴛鴦😌

新年期間無咩餐廳或茶記開門，只好去屋企附近間快餐店幫襯，其實食前都無咩期望會好好味，只係順填飽個肚就算，但無諗過會差成咁，炸雞批湯米算係此店最穩陣，但當日真係差到接受唔到，米粉唔熟仲好硬身，食完幾啖開始頂住個胃，而雞批一開始比我果隻係燶到成隻黑媽媽，叫佢換個隻態度勁差話隻隻都係咁，轉油批仲要等20分鐘喎，唉只好再等一陣換過隻炸批，點知都係炸得過火肉又鞋身又乾，只好硬食當填肚，但以前佢嘅炸批米係好好食的～

 拉隊去拜年，都說過沒餐廳開，就連連鎖快餐店的食物種類都少了選擇，但畢竟肚餓，求其點個套餐就算。蜜味燒雞翼燒得香口，雞肉亦不覺得老，用竹籤叉起，食用時幾方便迷你餐肉蛋泡麵其實不是太肚餓，根本不會考慮吃泡麵，用熱水泡起半生不死的狀態，很怕這種口感，餐肉炸至乾巴巴的，再炸耐少少可以變焦了，跟水吧反映後，索性比多一片，但都是難以下嚥，水準極差。飲品是汽水走冰，沒什麼好講。

I was hungry so stopped here for a quick tea break.Fairwood ... popular chain of fast food restaurants, have a variety of value sets at all hours of the day.As it was tea time, they only had the tea set menu available.I ordered the honey roasted chicken thigh with a ice red bean drink (which they call a red bean fleecy...I don't know why?). Cost $30.The chicken thigh was moist and tender. The coating was really sweet from several coats of honey.The red bean drink was big in size. But more than h

港式快餐是香港獨有的一種快餐文化，香港三大快餐集團大家樂、大快活和美心MX均是港式快餐的代表。首間大快活於1972年12月於荃灣眾安街開幕，目前集團在香港及中國共經營超過140間快餐店及特色餐廳。大快活令人印象最深刻的，除了是首創快餐即磨咖啡，還有小丑舊商標，這個商標沿用30年，目的是希望帶出活力的感覺，正正是迎合70年代至千禧年的年輕客群。不過，大快活多年來改革不多，直至2003年推出品牌的全新形象，除了裝潢換上鮮橙色，更設計「跳躍人形」的新商標，除了表示快活的意義之外，同時帶出世界大同的意思。西冷牛扒拼意式火雞腸鐵板餐(附迷你白汁雞皇飯及12安士汽水)$52可選燒汁/黑椒汁迷你白汁雞皇飯牛扒使用過重鬆肉粉腌製，令牛肉完全失去本身應有的口感

一直都覺得大快活的蜜味雞翼是眾多快餐店燒雞翼之冠，蜜糖夠多，雞翼亦醃得好好，可惜這一年的雞翼 Size 缩水了好多，之前只不過是間中有一隻細雞翼，現在是隻隻也是細雞翼。熱狗其實都幾好食，醬汁OK，腸仔係脆皮腸，麵包夠脆，所以這份茶餐亦有好多人叫，但物價頻貴，今年這份茶餐的價錢也比以前加了20%。但無論如何，當想吃蜜糖燒雞翼的時候，都會到週圍都有的大快活食一個茶餐。

本人今天下午２２—０６—０８在海麗村分店有以下經歷，我買了一個咖哩牛（月南）飯，向水吧服務員說請給多些小飯，但係服務員說不可以，因為六月開始不可以加飯，一係就買多一碟白飯，我說一碟又太多了，浪費了就不好，我說只要加半碗份量便可，（好以正在乞求服務員施捨以的）他仍然說不可以，我要加飯的原因係因為在這分店食飯時，白飯真的很小，我並非十分大食的人，但這份量對於一個成年人來說根本冇可能飽肚，食飯的目的係要飽肚，付出了金錢但吃不飽，這分店價已經加了，但份量比未加價前還要小，這一點是否有點兒那個呢？當我說加飯時，燒味部有一名員工用帶有奇異的眼光望我，我覺得佢係認為我不對，不應該加飯的。這情況已經不是第一次發生在我和我的同事身上了，唔係好肚餓時去依度食飯就應該會飽，但好餓時都係去別處好過。

星期日 (3/4), 去「迪欣湖」之前, 其實先同老公去咗「大快活」食個下午茶做早餐+午餐,我叫咗個豬扒包配燒蜜汁雞翼套餐, 跟一杯凍低糖綠茶 (好似 $24),個豬扒包雖然同澳門正宗既好大差別, 但都出奇哋幾好味呀!個包外皮少少脆, 啲沙律醬老公都話好味, 只係差在塊豬扒細件咗少少, 不過都好味架!而老公就食咗個燒味四寶飯, 跟可樂 (冇問幾錢, 應該係 $26 左右),賣相都幾得, 老公比咗一片紅腸我食, 但原來係凍冰冰既... 老實講, 都係覺得「大家樂」啲嘢好食啲, 感覺上服務亦好啲.不過近年「大快活」好多分店都從新裝修, 如果講座位, 又真係大快活好坐啲喎~