大快活 (粉嶺名都商場)

营业中

休息中

因為返晏，返工前先去食個早餐，在公司附近嘅商場，呢間連鎖快餐店一直未試，走到去在商場偏僻一角，鮮橙色門面光鮮，早餐選擇多，落單攞飛到櫃臺攞食物，全程都唔使5分鐘，極快手肉燥銀芽撈麵配蘿蔔榚（$25.5）本來係撈米粉，我落單時要求轉做麵，賣相一般，蘿蔔榚一件，又粉又油膩又唔熱，一無是處，撈麵又係唔熱，麵又乾硬又油膩，肉燥唔多兼無乜味，差！跟餐熱檸檬茶：夠熱，茶底微澀，ok!店員有禮爽手，摩打手出餐！快但唔好味！

大快活既下午茶一向又平又好味。今次我就叫蜜糖雞脾配紅豆冰。佢既蜜糖雞脾，外皮好脆，又有甜甜蜜糖味，每次食都咁正。入面d肉好嫩，而且雞脾好大隻，啖啖肉既口感，真係十分滿足。雞年食第一隻雞就已經咁正，真係好意頭。然後係佢既紅豆冰，紅豆好多，可以有排食。淡奶唔會太甜，飲極都唔會厭，我特登叫左少冰。佢既紅豆冰，一定要少冰。否則冰溶了變水時，會整到成杯飲品變到好淡，奶味會冇哂。但唔夠冰又會唔夠凍，所以叫少冰都係撞手神。幸好今次撞得到好飲。

愛睡的兔小妹難得早起床😪，當然要吃個豐富早餐，獎勵一下自己吧😎~ 對於早餐，兔小妹也有一定的要求喔~ 太陽蛋🍳是必須的! 再配一碗熱哄哄的通粉，那就最合心意啦💕~兔小妹家住的附近有很多快餐店可以選擇光顧，但說到吃早餐的，就首選大快活👈。無他，眾多快餐店中，只有大快活可以隨意配搭合自己心意的口味。正所謂 : 有得揀，先至係老闆嘛😎~早上的大快活，人不算太多，很容易就能找到座位了😌。兔小妹胃口好，就點了個脆皮腸配炒蛋早餐 ($24.5)，追加一碗通粉 (+$6)。早說兔小妹愛太陽蛋，點餐時要求炒蛋太陽蛋，而通粉，就選了雪菜肉絲口味。早餐非常豐富，二十多元就享有烘多士🍞﹑雞蛋﹑腸仔﹑通粉，還有飲品，十分抵食。多士烘焙得剛剛好，包邊香脆，麵包鬆軟，塗上牛油，味道更甘香。太陽蛋煎得脆邊，帶回微燶，又不失蛋白的嫩滑。蛋黃在口中爆開，蛋汁香濃又富蛋香味，極級享受。脆皮腸塗上蜜糖再煎，口感脆卜卜，還有清淡的蜜味🍯。至於通粉，份量相當多，通粉口感煙韌爽滑，沒有加入味精的濃湯底，放入雪菜肉絲，味道清淡健康。跟餐飲品的熱檸茶，紅茶濃而不澀，檸檬皮薄肉厚🍋，味道清香，非常醒神。一天最美好的開始🌞，就是早上來一

一直很欣賞作為快餐類別一員的大快活能持續提供素食餐單。個人有感各快餐店各自有其風格和特色。不同的食肆所能提供的素食款式亦有不同。以個人一直惠顧大快活所認識到的素食餐單，大多有不同蔬果，汁料美味，與飯配搭後，吃起來讓人感覺豐富滿足，加上我十分喜愛的低糖凍綠茶，是一個很好的享受呢!

夠鐘食午餐，但周圍都好多人，懶得等位，於是就食大快活首先一入去感覺環境夠大，座位舒適交左飛好快就有食物拎，讚!但食物方面就唔太滿意個人認為價格貴左少少，同食物質素唔成正比三寶米線湯底只有辣味，冇其他調味而且辣得好虛，只有表層嘅辣味，食多幾啖感覺淡而無味不過都有優點，米線份量都幾多，對女仔黎講非常飽肚另外雞翼炸得都夠脆入味但總括而言個人都係覺得貴左少少，而且選擇較少，較難吸引年輕一輩

天寒地凍，特別想偷懶，沒有煮吃的，直接到附近去吃個平價火鍋，取取暖 原本想去大X樂，但已座無虛席，唯有退而求其次，來了大快活~看餐牌相片中的所謂美國穀飼肥牛，鮮紅肉嫰，雪花油脂分佈均勻，賣相不俗，我們就來了一客8安士套餐，另多加4安士~ 不消一會，所有火鍋配料都齊全了，但肥牛實物與相片中的大相逕庭，真是名符其實的"肥"牛  每一片肥牛有超過50%都是脂肪呢!! 我們看見都呆了，但唯有硬著頭皮吃下去，每灼一片，都可見到厚厚的油脂溶在湯中，很快便將整個湯面舖滿一層牛油了 真是愈吃愈膩...其他配料則只有3片魚蛋塊、1小束金菇、2粒已開半的車厘茄、半個烏冬和"大量"墊底生菜~ 以$68一個餐這個價錢，這樣的配料和肥膏牛，絕對有"扼秤"之嫌  另加的4安士肥膏牛也要$24! 完全不值!! 以前曾試吃過大X樂的火鍋套餐，雖不可說是優質，但以同等的價錢來說，至少物有所值~

今日約左粉絲食早點~順便要做點工事~自己本身好少喺外面食早餐~所以冇咩特別要求~喺粉岭區都冇咩選擇,最後佢提議來呢間..!去到差唔多11點,早點時間差唔多要過了,收銀的服務員話做埋我地先~所以我拿拿林就點了鷄扒滑蛋餐~唔知係咪真係水尾的關係~鷄扒唔熱兼且好鞋口,用餐廳的刀要切好耐先可以切得開~噢~滑蛋又厚身又唔滑,相信係放置左一段時間,邊邊都有點硬,厚多士應該唔會有咩要求,但係佢就唔暖又唔脆,連牛油都溶唔到,會差得太過份嘛??最後餐飲我照舊點左杯熱檸水成今餐的句號,做完我地的事便走了..總括黎講..對快食的餐廳黎講,我應先放下自己的要求及幻想..真心希望佢地他日可以有所進步店舖本身冇洗手間設備~要解手的話就要去商場的洗手間...要行好遠而且都唔係太整洁~~陰公~

位處元氣旁邊的大快活，的確吸引了不少老人家來乘涼，但總算夠大，找位沒難度。下午茶來了份細熱狗配碗仔翅及汽水，熱狗最誘人的還是那酸酸甜甜的沙律醬，有時真的懷疑只想食醬汁，麵包尚算軟熟，不過不失；碗仔翅水汪汪，加了醋及胡椒粉，感覺是在喝味精湯，怪怪的，下次還是選別的。

由於去了好多年的公公生前最愛吃鹹牛脷，所以我和媽媽都十分愛吃此食物。但現成的大貴！由於剛剛係粉嶺健康中心看完中醫，經過粉嶺港鐵站，見到大快活有牛脷吃，於是母女二人便決定來這兒吃。我們叫了一個西班牙焗鹹牛脷意粉，跟羅宋湯，再加一碟青菜。（每日至少一定要有兩餐菜）焗得不錯，意粉和主菜分開上，牛脷好好味，多一些芝士更好但意粉不夠爽，爽一些便更加好。但青菜淡了少許！下一次希望能夠試咖哩牛脷套餐！服務不錯！

粉嶺有工程，忙裡也要偷閒三點三鼠去食tea﹗見大快活0的茶餐好似幾多選擇，就叫個豬扒包拼雞翼食下﹗雞翼相當瘦削，感覺似發育不健全，一點也不肥美，好在燒得味道還算不錯，否則慘矣﹗豬扒包我叫時以為係澳門豬扒包，點知一啖咬入去是一堆沙律汁，豬柳吃落無鹹無味，就係得0的沙律味﹔個包似有焗過微脆，夾埋一齊食似去左麥記吃沙律醬包。不應有澳門的期望，也許便沒有如此失望了﹗

現時大快活的食物水準比從前提高不少，早餐來說比大家樂好味抵食，最近推出的妙蛋通粉早餐賣$18.5一客，有香滑的炒蛋、一塊多士及一碟中Size的火腿道粉，通粉的湯夠熱及有香味，同等價錢食品在大家樂現在連一碗细通粉也没有了，所以較它抵食一些。

下午茶脆脆雞扒包 + 熱檸水 ($19)價錢中肯，個包夠香脆，熱辣辣！好味！我覺得好味過大家樂嘅豬仈包......

自從大快活推出了無味精系列，就很想試試，是否真的無味精呢～唔係好信～食過之後，覺得又好似真係喎，同以往食開既味道好唔同雙蔬炒魚塊(配油菜、飯、飲品)：有西蘭花和椰菜花，配上炸魚柳，淋上獻汁，味道清清淡淡，不會太咸，吃不到味精味，都幾好食。份量方量，剛好是一人份量，可以吃得哂。但那碟油菜就不太滿意了，很老，有幾條吃到有沙，未洗乾淨吃了一半沒吃了。至於飯既份量都幾多，下次可以叫少飯，以免浪費～日式牛肉炸蝦套餐(配飯和飲品)：我覺得個汁料加左分，牛肉和炸蝦沒什麼特別，很普通。個汁是燒肉用的汁料，幾好味！但配菜的份量很多，妹仔大過主人婆～雖則說是無味精系列，但始終炸過炒過，健康與否見仁見智，不過第一次推出無味精，總好過每次出街都是重味精的東西，其實可以一試既～價錢都合理，兩個人七十幾蚊，可以接受呢～