大快活 (遠東金融中心)

营业中

休息中

唔得呀唔得呀..去買完飛係金鐘見冇咩好野,事事旦旦食左算..唔知就...我個雞套餐 $ 35 都還可以 ,比較抵食但個個什麼肥牛雜菜餐..肥牛小得可憐,雜菜就好多,咁都要$33,食個焗豬扒飯好過!

今天晚上要去維園，在下班前要先去數馬港辦理差事，所以約女友在公司附近的快餐店先吃點東西才過去銅鑼灣。地點選了金鐘的大快活，為的就是全港唯一可看到海景的大快活，有時候會特意早起來到這裡享用早餐，吃完後那天特別"醒神"的~簡簡單單要了西多士跟凍奶茶，西多士好像擺了一段時間變得有點硬了。還好奶茶味道中規中矩，到快餐店能否吃到好味道的食物，真是要看食神有沒有眷顧~

是晚要頂替夜更同事，所以要跑到附近的食店買飯盒去~想了一會，大快活的乾咖哩雞還沒有機會嘗過，那就去買個回來試試吧。晚上的時候人流不太多，或者大部份白領人仕都不會留在公司附近的關係吧。由於工作上的需要，不能讓我先用完膳才回去繼續上班，所以也只能把包外賣了。回到公司後便立即"開動"，在打開咖哩雞的一剎那，一陣濃而香的咖哩氣味向我撲過來，如此香味只有使用十足的香料才會有。雞肉味道因為重香料而變得淡口，這也是無可避免的。乾咖哩的味道濃烈而一點點辛辣外，它不斷的刺激著舌頭上的味蕾而令到味道久久不散，平價快餐店能夠有這樣的水準，所花的心絲實在值得一讚。可惜的是外賣回來，味道都因為在路程中不斷"焗"著，味道自然下降不少。新鮮弄出來的食物，就是味道留在最巔峰的時候，就好像燒味的燒鴨、鵝、肉跟叉燒那樣。

2008年1月17日，大快活香草雞扒義大利粉：雞扒油有點雪味，但最差的那個意粉，不煙韌不特止，重要個番茄醬好咸，其實番茄醬與香草雞扒跟本唔夾。好差。

面對no food land again, 金鐘, 講經濟午餐, 不離海富, 遠東裡的快餐店. 金鍾食肆不多, 每一間都係咁多人, 港式快餐店可能真是比較合港人口味, Ms. Ben 不多. 反而是對面大商場打工同一家大細等車過樂園的多.而家對面仲未起野, 果海景同橋景無敵.今天試了個輕盈午餐, 食的是馳名的肉醬意粉, 肉醬加了大紅豆, 好食兼有大活特色. 湯是南瓜周打魚湯, 夠哂Cream. 健康輕盈, 配了一個綠茶. 份量亦剛剛到位. 大治果真唔錯, 唔知點解, 佢始終跑不贏大美

原來此店"近照"一直無更新，等我下次行過影低啦~今日當值放1:45 lunch，尷尬時間，揀lunch 要食餸尾，tea 又未到時間(大部份都係2:30 先有) 幸好，此大快活於金鐘獨家兩點下午茶時段大放送!選了豬扒飽配上蜜汁雞翼，細可樂$21味道一般，不要有期望，豬扒飽完全是低水準之作，不予置評，蜜汁雞翼反而香脆可口^^v介紹這間快餐店的主因是其景靚，正正對著添馬艦空地，例如上年正正對住嘉年華盛況，五光十色，絕對係數一數二有景觀的大快活分店呢!

為了去海洋公園，就同公司請了一日假XD到了金鐘，出發前就去附近的大快活吃早餐。英式多士火腿牛扒﹑雪菜肉絲米及凍綠茶。多士烘得半脆半軟，幾好吃，如果再熱點會更好；我很少可在早上吃牛扒的，但為了儲體力嘛(哈)﹗黑椒汁ok喇，肉幾林；雪菜米，兩樣都較硬。周圍的食客也是樓上的員工，他們在九點半打後仍可以咁悠閒食早餐，我也很想啊....

總覺得早上有充足的時間能夠坐下來慢慢吃一頓早餐是一件幸福的事..很久沒有跟老公在上班的日子坐在快餐店內吃早餐是日早起..問一句老公想吃甚麼..毫不困惑就呼出三個字【大快活】我倆曾經都認為做足一百分那間是快餐店中的名牌但嚐過多次都只感失望就連早餐都做得難吃大快活卻是不論地點還時間早餐都是美味非常老公最愛這裡的滑蛋跟魚柳..滑蛋真的炒得濕滑..蛋漿尤在...不是死實的硬貨..炸魚柳不會炸得過硬亦不油…美滿的一頓讓人整天都感到美滿快樂

轉了份新工第二日，諗住食lunch 平d ，班同事就話去大快活，點知一睇個價錢原來同我之前係官塘食差了一節，這度貴d，心以為這度會好食d ，點知原來係同一樣o野，飲杯奶茶都要貴d ，有冇搞錯？係唔係金鐘返工的人有錢d ？

食左個黑豚肉+肥牛$49平過大家樂湯底要左蕃茄因為個湯底有酸菜愈食愈酸!肥牛都算多黑豚肉得3小件都幾多野兩個人食都夠飽個底有粉絲+ 幼麵

2007年5月21日星期一。與舊公司同事在大快活聚舊。雖然我是大快活的捧場客，但今天叫的這個魚香茄子飯就很失色了。茄子是一舊舊比較硬身的，本來沒所謂，但成個偏鹹，個汁也不是我喜歡的味道，sorry ，唔係好得。

因為工作關係，連續兩晚都在這兒吃晚餐，試了份量細少的「滑蛋粟米魚塊飯」（$24.5）、麵餅香脆的「肉絲炒麵」（$24.5）。湯試了頗鹹的「法式魚茸湯」（特價$5）和少湯渣的「冬瓜薏米雞腳豬肉湯」（特價$5）。應該會再吃「肉絲炒麵」，因為好香脆！

到東京當了十天外勞後，又做番呢十日HK Branch 的工作，又要開始我的朝八晚八職場生涯！太肚餓，所以食埋至返屋企。昨晚吃了「鹹魚雞粒炒飯」（$24.5），特價中湯「蘋果雪耳雞腳排骨湯」（$5）；今晚吃了「肉醬意粉」（$25.5），特價中湯「冬瓜薏米雞腳豬骨湯」（$5）。「鹹魚雞粒炒飯」係即炒，等了約十二分鐘，熱呼呼，份量剛好，料算多，味道OK。「肉醬意粉」係製法簡單，關鍵在於調味，味道係好個人和主觀。我覺得調味OK 。當然，同一盤紅汁，阿甲話：「甜酸醒胃好下飯」，阿乙怕酸便話：「酸到瞎子都開眼。」甜又話甜，酸又話酸，港式又港式，西洋口味又話‘唔正常’…，稀又話稀，稠又話係糊仔…！（唉！正一百彈齋主）中湯超少湯料，跟TST 分店，係差天共地！炒飯和意粉算中規中舉，但吃完居有點空虛感，怪！？是因為唔夠多料…！？

跟同事在公司加班趕tender，老闆買了十個飯盒回來給我們填肚。我選了個「豆x魚菜飯」，有一盒菜飯，味道OK，菜量比「大家樂」的菜飯多些。所謂的「豆x魚」，係炸魚四塊、燴炸豆腐和冬菇絲，味道一般。據說係廿六蚊一份，比「大家樂」好似經濟好味些少。題外話：電影人說吃飯盒代表有工開。我覺得吃飯盒係跟同事交流的好機會。

差差差差差!!!!!!!!!我發誓以後都唔會再黎!!!!!!!!乜胃口都冇晒呀