大快活

营业中

休息中

由2015年9月至今差不多每天都食大快活早餐，味道可以，但送餐肥阿姐態度差，黑口黑臉，由於我每天帶住小朋友一齊食所以有送餐服務，講起呢個肥阿姐把幾火，送餐時態度差，放底個餐大大力，成杯飲品.(寫)曬落阿仔手上，嚇到阿仔大哭，仲要大大聲話，阿B好痛咩，哭咁大聲，嘩嘩阿姐小朋友唔痛點會哭，從今2016年10月12日開始吾再去食呢間大快活

自從青衣開了第一間某品牌的米線後，附近的食店不多不少都有影響。而剛在對面的大快活更可能首當其衝。//不過自從佢晚市試行送餐服務，其實都幫助了不少。如我今天行了一天，我可以不用等位，點菜後就找位置舒服等食，好不方便，尤其是我一邊食，一邊看到對面還要等位入座時//今日有點熱，點了一個十分家常的雞腿湯飯，剛好可以送飯，等了5-10分鐘左右終於有得食。//一大碗菜湯，白菜烹調到有點軟身，配上半隻小型的雞，而雞肉繼續有嫩滑度在，其實真的不錯。縱使味道有點鹹，但仍可接受。//其實大快活勇於出一些港式地道家常小菜，保持競爭力，真的值得一讚，希望繼續煮出真正港味。//

相比起其他人，我可能較多機會一個人吃飯，不如試試寫一人吃飯的食評吧因一人吃飯，未必是一件壞事今晚就回到家附近的快餐店吃飯，只是貪方便見到有十分家常的小菜客飯，更加是點了很久沒吃的薯仔炆雞，有點期待可能是最後一份關係，分量有點多有一整個薯仔，真是炆得諗的有幾件乾煎過的雞腿肉，十分入味最緊要有一個十分容易送飯的汁，雖然太杰,但不太鹹，真的有點家常的味道價錢35玩，沒有飲品，其實係正常香港快餐價錢吧整體來說，不錯的家常菜

8:00 p.m.去到, 剛剛好有一張枱, 近來報紙好多優惠券, 都不妨試下:1) 江南米線+肥牛, 報紙附送豬肉餃券一張, 加 $5換杯汽水: 成個餐只合一人享用, 份量真的不多, 一撮三口的米線已可完畢, 無乜大感覺; 肥牛, 個樣唔錯, 但係真的"肥", 白邊佔大部份, 食完個湯底一堆油結住; 冬菇有一隻, 口感好, 夠厚及甜; 腸仔是普通, 雞脾菇共亦有一隻,菜有三塊,豆腐不太滑, 唔知怎樣的有海綿感覺, 同平時吃的不同; 最緊要有隻豬肉餃, 如果沒有的話是否夠飽, 味道唔錯, 但少肉。 $52一個餐, 不敢話唔抵食, 因為食材、人工、舖租皆貴, coupon 效用唔少得。2) 什扒餐: 原想食燒春雞, 不過雞一早無晒, 唯有叫這個扒餐; 牛扒、豬扒、雞扒皆薄, 不過有其好處, 就是易熟、嫰, 牛扒及雞扒都滑,豬扒唔"鞋", 但無味,腸鮮味不錯, 最奇怪是落汁料個鐵盤係 : 無反應 飯有少少茄汁味, 但這個餐食完夠飽。報紙券可以平 $3都ok。兩個餐前者是不包飲品, 後者是包, 反而覺得杯汽水份量夠。還有幾張券, 仍然對燒春雞未忘記, 還有機會試 !

太耐冇食過大快活 , 因為我住個邊附近都冇 , 今次就去食晚飯啦 , 今次我叫左個厚切吉列豬扒珍珠飯 ( 蘑姑牛肉汁) 厚切吉列豬扒好正 , juicy同埋好脆 , 全部都係珍珠米 , 但係由於個碗係<凸底碗> , 飯量不算多 ,不過我都夠食 , 男仔未必夠 ,另外個汁一般般 , 下次可選咖哩汁 發覺依家既大快活好食過大家樂

某月某日看見報紙內的廣告加優惠券, 太吸引了, 幾經辛苦抽出時間終於可以一嘗 。一口氣叫晒三個懷舊歲月經典茶餐(2個豬扒包、餐蛋公仔麵、燒鴨瀨粉)及一個或迷你茶餐(就係俾佢個迷你字眼呃左, 以為好少), 即送碗仔翅或咖喱三寶各一盒, 前後4個贈品+4杯涷飲, 三人吃果然好飽 ! 豬扒包味道很好, 包好鬆化, 略嫌唔熱, 有點可惜 ! 而翅仔就味道可以, 若附上胡椒粉及醋就好好多,其他味道都好好味, 這間廚師保留水準, 值得再次去幫襯 。可惜, 屋企人去在購買前未行埋去已見到個咀喵喵瘦削的收銀員, 今日天氣唔好黑口黑面, 還是太多客人做到嬲就不可而知, 難道生意好而唔開心 ?

早前在報紙看到大快活刊登的coupon, 於是剪下留用. 買歲月經典茶餐或至迷茶餐即送碗仔翅一碗, 早兩日太忙了, 過了二時半才有空吃午餐, 終於有機會可以享用這張coupon的優惠. 我點了一客歲月經典茶餐: 豬排包配凍綠茶$19, 碗仔翅是送的. 這時段食客少, 不用等. 豬排包味道不錯, 豬排夠入味, 有咬口. 麵包即叫即焗, 熱辣辣. 碗仔翅就很削, 入口像生粉開水, 蛋絲給人假的感覺. 幸好凍綠茶夠冰凍解渴.

本來沒甚麼心水, 所以求其叫了上海排骨菜飯.剛好未有.要等.那新炸起的立即給我.上海排骨, 比以前吃過的更佳, 些少腍, 些少肥, 些少瘦肉.肥瘦均勻, 不乾不濕, 香口.整碟有達5件或以上, 且不算小.菜飯雖少, 菜量不少.得閒可encore一番

打完波 , 我提議去大快活吃火鍋 , 一行8人直接踩過去 . 有 $38 和 $48 的套餐 , 我們 3 個人叫了兩個 $38 套餐 share , 如果餓的話 , 其實也不是太夠 . $48 的比較好 , 多了一個肉 , 有牛和黑豚肉 . 朋友說冬蔭公湯底有些少辣 , 但我自己就覺得不夠 , 加了辣椒絲好味好多 , 黑豚肉有 4 塊 , 也算大塊 . 菜只有好少 , 可以選烏冬或者米粉 , 烏冬也爽口 , 米粉就太碎 , 感覺好少 .如果一個人想吃火鍋 , 這裡也算是一個好的選擇.

屋企樓下e間大快活, 可以話超值, 廚師比一般快餐店的高幾皮. 逄周末都要早d超身去食佢個炒蛋. 真係酒店都整唔到佢咁好味. 蛋夠滑, 應該加咗牛奶同芝士, 又香濃, 又唔乾, 正正正!有時放工煮唔到飯都會食大快活, 晚餐d餸仲好食過d大酒家, 不防到翠怡花園間大快活食吓就知幾好味.而且大快活改革得好快, 由轉變形象開始, 食物質數越來越好, 員工又有禮貌, 快餐店做到咁, 食客都可以好好享受一餐飯.

呢間大快活係0係呢個舖位咁耐以黎最好ge.下午茶最好, 晚餐都ok架.雞亦 西多 加 杯野飲 都係十幾蚊, 幾底.西多又唔會太多油, 雞亦又燒得正.(p.s. 呢度d豬扒飯都好正架)

5/11/2007今次吃下午茶，找不到至愛的熱狗。這次吃雞翼，味道好像有點不同，沒有上一次的美味。不同分店，味道卻不同。多叫了一個米粉，份量實在太少了。不夠吃啊！>.<

當我第一次食ga時候,己經覺得好好味......呢個餐對於我嚟講,係啱啱好.因為好適合我ga食量和胃口.

After journey of goldcoast, my wife and I took a shuttle bus to Tsing Yi. Then we decided to go to Fairwood had a dinner. Quality of food =>OK la...