大快活 (雅濤居商場)

营业中

休息中

收工去左個大快活左晚餐，叫左個扒餐，我諗左好耐，點解到人要牛扒拼雞扒/豬扒拼雞扒？如果人地唔想食雞扒呢？咁點算？好地地做咩一定要人食雞扒姐😒因為想食牛扒，所以屈服左🙄牛扒大細厚薄適中既，始終哩個價唔好要求咁高，但唔代表冇要求，雞扒真心唔想食，咬左一啖放棄，乾憎憎咁😔😔左下角既蒜蓉包用豬仔包做包底，凍冰冰又硬掘掘，好無誠意囉😑😑整體黎講我淨係先得牛扒過得去，其他有待改善，最好有淨牛扒，淨雞扒，淨豬扒，雙扒，什扒俾人揀😐😐

今日放假冇咩做，訓到自然醒係一件好幸福嘅事💕所以我又係兩三點先起身，咁起身肚餓就落咗去樓下食個下午茶 🙂一餐當兩餐食都唔錯，咁今日我就食咗個奶醬多、雞翼、同埋一碗迷你餐蛋米，成個餐加埋都唔使＄40， 好抵食😎但係就剩係得個奶醬多我比較覺得唔錯，因為佢係新鮮熱辣脆既，加埋煉奶同埋花生醬放喺個熱辣辣嘅厚多士上面真係好好食😋但係個雞翼同埋個米粉就比較失望，隻雞翼比以前細左好多，而且外面燒得唔係太香脆而且有啲窿，另外個米粉就個湯底無味，煎出嚟嗰個蛋好乾身感覺煎完放左好耐，但快餐店嘅質素都唔可以要求太多，價錢又平而且都飽算唔錯🙈

是晚父親節，因為今日無慶祝活動，所以周圍睇下有d咩可以頹食。由於唔想咁迫人，所以去左唔係大商場入面的大快活食，明顯少人好多，唔洗定位又可以坐定定係人送餐過黎。可惜唔係好晏，好多野都已經賣哂, 無鐵板食。都係穩穩陣陣食返佢地d咖哩 - 咖哩牛腩飯。咖哩都算係佢地的翻生之作，但係竟然同以前差好遠，既唔辣又唔惹味。D飯仲要好硬，未煮到全熟咁，撈埋d汁都仲係硬。好失望~~~~~~

呢間大快活新開，冇嘜人去食。完全唔洗搵位就有得食。不過去到果時八點半，已經好多野冇得食。揀左粟米魚塊飯，好正路唔落味精係列。粟米汁冇嘜味，雖然魚塊好多肉，但係都係冇嘜味。幾件豆腐做底整到好似好多料，有扮野既感覺。豆腐又係冇嘜味。最衰係個白飯，硬到有顆料，完全唔好食。唯一奶茶算係好，可以自己落糖較甜度。大快活高級左，有人送碟野黎食。呢到坐得好舒服，可以再黎頹食。

馬鞍山泳池的一帶，終於不是荒蕪的純住宅地方，原先什麼都沒有的商場，荒左多年，終於見到生氣。現在，這一個角落，酒樓、超市，茶餐廳樣樣齊，在這幾個屋苑生活，終於不用事大事小都要走到馬鞍山市中心及頌安邨了。是日送了太太出街去搭車，我就一個人找飯吃，心中就出現了這一個全新而且又方便非法泊車的旺地，又貴又要等位的西餐廳不去了，我都係簡簡單單的，快餐食個《大快活》算數。不吃焗飯，不吃燒臘，在港式快餐店中，第三 choice (在我角度是第二 choice)，就是咖喱飯。所以，是日的快餐，就是咖喱雞飯。說咖喱，《大快活》的是味道最濃的，但同樣地，也是最辣的，因為其辣油是另外加的，如要不太辣，原來是可以早揚聲。好的，是咖喱夠濃，但不好的，是薯仔又多又大舊，多不太緊要，咁大舊，吸汁能力不好，又易飽肚..我想食的是雞呀，並不是薯仔。味道夠好，此店地方大也舒服，而是日這一個薯仔多過雞肉的咖喱飯，我相信只是個別事件.....