大排檔火鍋

营业中

休息中

朋友今日話想食大排檔小菜，但係我又想坐得舒服啲搵搵下就搵到呢一間大排檔火鍋位置都方便有魚缸 生猛海鮮感覺ok wo!見佢都有邊爐打，不過朋友話今日一定一定要食小菜！揀咗揀咗好耐花多眼亂！樣樣都想食首先就係椒鹽淮山第一下咬落去已經好驚喜 真係有大排檔嘅水準！十分香脆可口 忍唔住食完一舊又一舊另外嗌咗半隻炸子雞啲皮超級香脆 但啲雞肉都仲係好嫩滑直程令我諗起去飲嘅炸子雞！ 同朋友爭住食隻雞髀啊！最後就係我最期待嘅燒汁薯仔安格斯啲薯仔超好味 d 皮好夠脆 又有燒汁嘅甜味 食唔停口呀安格斯嘅份量都好多！肉質嫩滑 咬落去都好juicy! 大推！！總結嚟講，我好推薦呢間餐廳！食到大排檔嘅穫氣 好味得來又坐得舒服店員都好友善下次會想同多啲朋友一齊去食 咁就可以嗌多啲唔同嘅餸

📍大排檔火鍋 (旺角)呢度位置係油麻地同旺角中間，食完飯同友人行去朗豪坊都係5-10分鐘🤣呢到落完單就即刻整嘅，所以都要預反落單後10分鐘到先出第一個餸❣️黃金蝦 ($168)黃金蝦平時出去好小食，因為驚份量唔算多，見隔離枱叫完個份量都可以，就跟住叫左。上到黎個殻仲辣口，上面啲咸蛋黃起沙咁係面，炸蝦外脆內軟❣️海味雜菜煲($158)重蝦醬味，岩晒重口味嘅我🫡入面菜嘅種類有菜芯、生菜、白菜🥬一出到黎係連埋煲蓋上，出到黎先打開蓋，熱辣辣出晒煙，好岩撈飯❣️秘製炒蜆($128)啲蜆就無咩沙仲開晒殻嘅☺️仲落左小小辣椒🌶️炒 ，味道岩岩好，唔會話好咸蓋住左陣蜆味❣️王老吉 ($15)食呢啲鑊氣野要飲王老吉下下火❣️白飯 ($12)門口有啲海鮮箱，即撈即煮，誠意十足

标题：在旺角🍲大排檔火鍋在油麻地A1出口，本地特色平价的店推荐！在旺角Portland Street 139 G/F-🍀简约干净的店铺风格很清朗，食材透明新鲜适合带朋友一块慢生活-🍗娇酥里嫩的肉质，金黄典雅的摆盘，味道可以再浓一点，出片率太高了！-🦐黄金虾实！在！太！香！粉嫩的酥皮，稍带甜味的前奏，丝毫不油腻的内在，超级入味-🍖黑椒薯仔炒牛肉粒他们家把嫩贯穿到底，一点也没有硬又老的尴尬，去筋的嫩牛肉配合薯仔的硬爽，非常好吃-🥞烧汁薯仔安格斯哈哈听上去很像M记，但是安格斯的味道非常好，我单方面建议M记来这家学手艺！看看薯仔才是灵魂，吃起来一点也不木！-🍖牛仔骨可能是吃到后面有点饱了（他们家分量特别可以）牛仔骨酱味很舍得用心思，相当出片。#香港探店 #香港美食 #香港牛腩 #本地人才知道美食 #香港 #香港生活 #香港美食 #探店计划 #铜锣湾探店 #黄大仙探店 #旺角探店 #餐厅推荐 #探店 #香港旅游@吃货薯 @美食薯 @生活薯

今日我和朋友去了旺角行街，剛巧經過見到這間大排檔很像很吸引，便決定進去吃。黑椒薯仔炒牛柳粒$138:一送上來已經覺得炒得非常香口，香噴噴。薯仔甜甜的，夠淋，夠入味，幾正，然後牛柳粒個份量都夠多，好香口，不錯。另外薯仔同牛柳粒個味都好夾，幾正。黃金炒大蝦🍤（$168）：非常香的咸蛋黃味，非常正，又香，超級惹味同好食。咸蛋味非常重，好香濃，幾正，好好食。另外蝦肉都好彈牙，夠大隻，不錯。蝦殼已經炒得好香脆，可以食埋都得，而且索哂d咸蛋黃味，正。沙爹牛肉炒烏冬（$128）：炒得幾香口，沙嗲味好香，牛肉夠滑，炒烏冬又唔會太油，幾好食，不錯。埋單總共$498，價錢唔算貴，性價比高，食物質素又好，幾正，不錯。

大排檔火鍋 地址: 旺角砵蘭街139號地舖電話: =================邊爐雞煲，兼有大排檔小炒食，無錯呀，一個地方有齊兩大香港美食系列。問了朋友想打邊爐定食餸，佢話今日想食餸，咁就點了幾個餸作為是日晚餐$88 上湯時菜，出街食點都要有菜平均一下油鹽$138 半隻炸子雞，叫佢因為喜歡食脆卜卜的雞皮，好上色又香脆，肉醃得夠入面鹹香。$118 沙拉骨，沙律醬大多食到成嘴油，太多醬也蓋住了肉排骨厚味。佢價定都貼近酒樓，不過男人食野有時是食回憶同輕鬆，人多嘈嘈到反而好有細個以前陣風味。

砵蘭街多好嘢食就係人都知，但好似呢間咁做曬火鍋同小菜嘅，又好似唔係好多，所以就嚟試吓鋪頭唔算好大，個格局都幾新淨光猛，出面都有生猛海鮮今日唔算太肚餓，就試吓佢啲小菜先叫咗一客「黃金蝦」，望落好似唔係好大碟咁，但食落都有十幾廿隻蝦，而且隻隻都漲卜卜，炸得好金黃香脆，配埋鹹蛋碎更正，當然都要快啲食啦，先夠香脆！之後叫咗一份「啫啫雞煲」（$138），一上枱熱辣辣出曬煙，就係要呢啲！雞煲都有好多配料，有洋蔥、大蔥等等，十分惹味，雞件都好嫩滑，個汁唔算好濃，有種蠔油豉汁嘅香味，同埋佢有幾塊雞膶伴住，身為內臟控嘅我就幾鍾意喇！最後叫咗一客「大排檔炒飯」（$108），炒飯有鹹菜、豬肚同橄欖菜，鹹香十分突出，加埋好有鑊氣，令人忍唔住一啖接一啖食，我個人好喜歡食欖菜果陣菜香！而且個飯份量都好足，三個人食都OK！我哋加咗少少辣椒油嚟食，就更加惹味！小菜幾好，下次可以試埋火鍋。

食海鮮，最緊要睇間舖頭門口或者裏面有冇水缸 同樣睇落去更有生氣如果唔係唔好話自己係新鮮食海鮮，鮮味最緊要黑椒薯仔炒牛柳粒濃香 微辣的黑椒 用油同蜜糖開出甜甜醬汁薯仔切割 牛柳粒啖啖肉 的確幾惹味 係薯仔大粒咗少少薯仔香煎 或者輕輕炸一炸菜，撈埋蜜糖同牛柳一齊炒牛柳 嫩滑 薯仔 脆口西芹炒斑球西芹用嚟吸收魚油鮮味 斑球魚肉質細嫩連埋魚皮一齊炒 帶出嘅油脂好豐富魚油食多啲都唔驚 呢菜比較清淡 食得健康 大排檔火鍋旺角砵蘭街139號地舖

今日放假同朋友落咗旺角行街睇戲，睇完戲有啲肚餓喺戲院附近搵嘢食，無意中發過一間大排檔火鍋，門口乾淨吸引，價錢合理一於入去試下大排檔火鍋，地址喺旺角砵蘭街139號地舖，舖頭環境闊落，空間感好足夠，感覺舒適，一坐低即刻嗌個火鍋試下，門口仲有好多海鮮可以選擇今次試咗個招牌湯底，海底椰走地雞煲半隻168元，性價比高雞煲一上枱已經聞到味道已經好清香，見到啲雞肉好結實好嫩滑。雞肉入口雞味香濃，果然係新鮮走地雞，食落去雞肉特別香嫩，脂肪比較少，所以湯底都唔會太油膩，雞肉結實肉質有彈性。湯底吸收咗走地雞嘅鮮味，入口特別鮮美，加上海底椰嘅清香味道真係100分安格斯牛肉例牌 248元，牛肉份量好多，入口牛肉味香濃，脂肪分佈均勻，簡直有入口即溶嘅感覺，加上湯底嘅清香味道令到牛肉嘅香味更加突出，一食就知道好新鮮竹笙吸收咗湯底嘅鮮味，食每一啖都好似飲緊湯咁，同呢個湯底簡直係絕配

下班來朗豪坊這邊逛 讓我發現了一家新店！有🐔煲有火鍋 選擇困難癥直接全要 就在旺角油麻地中間 位置很寬敞 很適合多人聚餐 看到好多家庭為單位的來·招牌重慶🐔煲｜日本黑豚肉片｜萵筍｜蟹棒｜🍺小辣也很入味 吃完煲可以加湯變火鍋🍲除了煲還有炒菜 還可以吃到新鮮的海鮮

今日同朋友去旺角行街睇戲，到食晚飯嘅時候，朋友話想去食打邊爐，佢仲話旺角區都有好多隱世小店，食物質素很好，咁就見到一間有幾個海鮮漁缸喺門口，店外店內都好光猛，一於入去食。這間食店叫大排檔火鍋，位於旺角砵蘭街139號地舖，港鐵油麻地站A1出口，行幾分鐘就到，非常方便。一入到去就覺得這間火鍋店都有大排檔感覺，因為而家好多火煱店都在樓上，好少係街邊見到有，同埋路人行過見到你在打邊爐，好有舊時風味。店內環境都寬敞，整潔乾淨，光猛舒適，令人坐得舒服。這間火鍋店除了有打邊爐，仲可以食中式小菜，有成30幾種菜式，有牛肉、豬肉、雞肉、魚肉，亦有海鮮蝦、魷魚、蠔、蜆，仲有鵝腸、鴨舌、鴨腳，除咗小菜，還有煲、蒸菜式及炒粉麵飯，真係非常吸引，但我個朋要選擇吃火鍋，佢話見到隔籬枱個火鍋好正，好有味道，而餐牌上的食物選擇很多，火鍋湯底都有2類，招牌湯底同靚湯底，夾埋超過10款可以揀，牛肉、豬肉、海鮮的款式都多，其他的有餃子、丸類同新鮮蔬菜等等。 入單後先送上火鍋調味料，5格盒整齊乾淨，有蔥、蒜、芫茜、辣椒、樣樣好新鮮，仲有至愛的炸蒜。 我哋叫咗香茜皮蛋湯鍋，因為我哋有不喜歡食太辣野，就叫咗個不辣湯鍋，湯入面材料

成日食任食邊爐🍲發覺逐樣嗌嘅質素差太遠🫡實在好味太多，最近發掘多咗非連鎖嘅店👀支持下本地經濟✨餐廳同一般邊爐舖有啲分別，鋪面唔算好大，可能比較適合人少少舒舒服服嗌下小菜打邊爐👍🏻另外老闆娘(?)都好留意客人嘅需要，定時會主動加湯同埋調較火嘅大細👀湯底嘅選擇亦都好多✨招牌重慶雞煲 半隻 $168有三個辣度可以揀，我就揀咗最低嘅小辣🌶️🥵雞炒得好香，用咗洋蔥、紅椒、綠椒同蒜等，個人覺得用嘅材料味道算多，另外腍咗嘅洋蔥滲滿雞煲味🧅好滿足🥹兩個人share半隻雞份量岩岩好😚同埋！唔記得咗嗌雞脾菇🥲雞煲加雞脾菇絕對係一絕💯重口味之鬼覺得重慶雞煲加大量芫茜🌿係超級加分！✨招牌手打墨魚滑 $98💫墨魚滑好鮮好夠味，而且好彈牙！魚膠有啲咬口😋份量同價錢成正比👍🏻✨自家製韭菜餃 $68會話打邊爐嚟講係良心份量，八隻皮薄餡多嘅餃🥟韭菜量多，加上少少肉(個人覺得餃子多菜少肉比較好食😋）好滿足，韭菜好新鮮，唔會好老好難咬👍🏻重口味之鬼👀✨娃娃菜 $38🥬新鮮大份，滲滿湯汁超級邪惡😛✨餐廳除咗邊爐之外都有小菜選擇，另外有唔少海鮮揀，雖然位置唔算多，但會話係麻雀雖小五臟俱全😜打邊爐想幾個人坐得舒舒傾下計，呢到係個唔

大排檔火鍋⭐️招牌重慶雞煲⭐️特級脆鯇骨腩⭐️日本黑豚肉片⭐️招牌黑松露手打墨魚滑⭐️油麥菜最近天氣又有啲轉涼，搵咗間新開嘅火鍋店去打個邊爐暖一暖。餐廳嘅location都幾方便，無論喺旺角或者油麻地站出都係行幾分鐘就到。門口見到佢有自己嘅海鮮魚缸，如果想食海鮮嘅話，可以即叫即劏，有得用新鮮海鮮打邊爐。嘢食方面，我叫咗個中辣嘅重慶雞煲，超級惹味，辣得黎個醬汁又唔會好鹹，都真心幾推薦。食完個雞煲就加湯打邊爐，因為雞煲份量都好多，所以打邊爐嘅食材都係簡單叫咗幾款。最令我有驚喜嘅係招牌手打墨魚滑，嗰份量真係超級多，裝到滿一滿，我覺得應該係出面嘅墨魚滑雙倍嘅份量。而且墨魚滑嘅口感係好彈牙，加上小小嘅黑松露味道，好食過其他火鍋店嘅墨魚滑。黑豚肉片都幾好食，有樣嘢要讚嘅係餐廳嘅解凍做得好好，因為有陣時叫豬肉嘅話，成日都會遇到個情況就係啲餐廳解凍得唔夠好，攞去打邊爐嘅時候會覺得口感好嚡，但係呢間餐廳就完全冇呢個問題。Overall都覺得幾滿足，二人份量嘅打邊爐，埋單最後都只係$500。