大樹先生的家 (D2 Place TWO)

营业中

休息中

第一次去，掃完安心出行針卡無人帶位登記，以為自己隨便揀位置，小朋友揀咗位，但係又見到帶緊位既職員帶去呢個位，比職員啤住，算咁咪搵其他位坐，坐左一陣，都冇人比menu，唯有自己去拎，半個鐘頭後終於有人主動黎問，不過係問我有冇Booking，話我坐左佢地既十人位，又話我冇登記，冇嘢好講。食物一般，不值價位，草莓醬有陣藥味，衛生一般，沙地好多頭髮，最終佢張十人位都係空既，場地假日都冇Full，唯一就係小朋友都玩得開心，不過唔會有下次。

電話預訂，講明6歲以上人均消費要$120或以上（唔駛擔心實過，往下碌就知），分午、晚市時段。訂座當日前一日會有短訊要求click連結確認訂座。所揀嘅晚市時段係6:30-9:30。如果貴公子姑娘年屆7歲或以上，未必合適，亦未能盡興，皆因此年齡層對於所有餐廳內之兒童設施：諸如沙池（沒有沖身設施，大部分玩家都倖免周身沙）、滑梯等之幼兒地帶）均只能遠觀不能褻玩。而又基於上月尾5-11歲疫苗通行證之執行，變相5-6歲之所謂未齊針者又再排除出嚟，於是乎儘管翌日紅日，場內都係七成枱滿。只得隔岸觀火都照嚟呢棵大樹🌳，唔係貪佢好遮陰，係緣於遲來嘅心底承諾，也源於好奇，欲踩一趟親子餐廳。規矩略見怪。7:45pm截單唔能夠再點餐；8:15pm已經打定單夾定單夾叫客埋單；8:30pm見仲未埋單，侍應就「溫馨」提示個客好去埋單嗱吓招呼亦見異。三人入座，侍應只俾兩杯水；點好哂餐，冇預設順理成章醒醒目目擺定3隻分餐碟嚟，而要客揚手去提，侍應先施施然拎嚟。如果咁唔想攞，倒不如弄個自助醬料餐具架，俾客自助攞好過。部分侍應係幾托兒所職員feel，會幫忙𥄫實、扶實啲幼小玩家；部分就企哂喺收銀、送餐區附近幾個圍埋chat，是

約咗班同事食Farewell飯仲有幾個小朋友所以揀咗呢度有得比佢哋玩下但遊戲區只限6歲或以下入去玩既小朋友都要另收清潔費玩之前就叫左幾個餐醫下肚仔蕃茄乾肉丸車厘茄意大利粉唔太鹹 但意粉有啲乾照燒三文魚配 高湯牛肉燉飯小朋友食到舔舔脷我一啖都食唔到應該就好好味和風明太子海鮮炒烏冬有魷魚青口明太子烏冬都淋同入味山葵松葉蟹肉意式燉飯呢個係全場最好味蟹肉鮮味透過山葵充分咁帶出嚟再加埋係用燉飯烹調 d飯索哂蟹汁蕃茄藜麥燉飯配韓式烤牛肉個汁有啲酸不過配落牛肉到可以消膩加埋藜麥吸左牛肉汁 好入味😋仲有個浦燒鰻魚配泡菜蟹子炒飯條鰻魚好多骨 唔可以一啖咬落去但係泡菜蟹子就好好味😋全部加埋都好好味😋如果有小朋友可以考慮過嚟又玩得又食得

呢個遊樂場哥哥由細玩到大，而家帶埋妹妹一齊玩真係好開心！中間放置咗一座木製大樹🌳仲有一架大車車🚗打卡一流！新裝修後劃分咗幾個新遊戲區，有化妝區、小超市、0-24m幼兒區、滑梯區、沙池區等～空間好闊落玩得舒服！影咗好多相慢慢睇👉🏻👉🏻講真嚟親子餐廳唔會期望啲嘢食🙈不過嚟大樹先生就一定會期待🤤因為食物質素越嚟越高質好食！全新菜單款式選擇仲多咗，有健康養生藜麥飯、日式烏冬、東南亞風味燉飯、西式扒餐等等⋯仲有小朋友必點嘅兒童餐🍱造型吸引又好食😋‼️推介美食👉🏻點咗個#粟米南瓜忌廉汁紐繩粉 比妹妹，見佢食唔停口！試咗一啖真係好正，粟米汁好香，紐繩粉有口感又唔痴牙🤩配 #瑞士汁小雞腿 🍗細細隻肉嫩好入味，哥哥就點咗個#蕃茄高湯牛肉燴飯 配和風茄汁肉丸 ～味道唔會好鹹好啱小朋友食，餐湯係蘑菇忌廉湯哥哥話好好飲，仲有新鮮水果真係好豐富！🍉🍍爸爸就點咗 #安格斯肉眼牛扒配燒肉汁 ，平時好嘴刁㗎佢都話唔錯😂 我就最鍾意 #黑松露薯條 夠晒香口呀～一路有幫襯開見住佢嘅餐飲真係越嚟越有水準呀👍🏻😋

今日係我個小姨甥嘅生日會🎂又有得同佢玩，所以我特登早啲放工嚟Playing area都好大呀有多係滑梯，makeup zone, kitchen zone，仲有得玩沙添除左有好多野玩之外，食物仲好有驚喜有presentation 又好食煙三文魚意大利粉意粉完全做到Al dente不過個cream cheese 嘅汁有越食越膩嘅感覺！烤柚子三文魚塊三文魚好香 烤得好靚，塊魚皮仲係脆口的旁邊有埋黑松露薯茸，口感夠creamy‼️烤日本黑豚豬架呢個豬架非常高質肉質軟嫩有彈性，好有豬味，但一啲都唔蘇烤菠蘿更加係亮點之一清甜多汁！不過薯條就唔夠熱，又唔夠脆所以我食左2條就放棄咗了……

真係唔係有咁既體驗都唔會俾差評。新裝修後黎第一次黎～食物質素真係又貴又唔好食～唔會再嚟🤮本身係帶1位小朋友+2位大人又可以一齊食lunch+小朋友可以去遊樂園玩～$957～3個人～俾d咁既食物質素～真心覺得咁既價錢去海洋公園玩都冇咁嬲芒果沙冰充滿着藥水味～好想知道有冇芒果成份係入面，荔枝沙冰 係紫色🙄都係藥水味～咖哩飯真係覺得好辣，唔食得辣真係唔好-試見佢餐牌介紹係方總廚曾任多間五星級酒店總監菜式設計及味道既安排～可能真係未去到咁既層次～食唔到果種境界🤧

如果唔係朋友約根本對呢間野無興趣！點知一試已經確定無下次問題一：食物同價錢不成正比，兒童餐所謂的蔬菜雞湯燴飯，只係將啲爛飯撈埋啲菜頭菜尾，我仔三歲食兩啖就唔要。我咪試下味，一食就想吐出嚟，飯爛到不得了，又無味！問題二：玩具區亂晒籠，啲家長無教小朋友玩完收拾，成地都係啲玩具蔬果、木餐具，無人會執，我行過都唔小心踩到兩次啲吉腳木塊，我都會放埋邊。職員懶理，企在入口處吹水。我明係要賺錢，但啲質素真係好差！我寧願俾多啲錢去有質素啲嘅playhouse 算！

小朋友電力充足，我哋要成日帶佢去放電😆依家天氣咁熱，有時都唔係幾想帶佢出去室外🌡不過唔怕，香港而家越來越多Play House🥰多謝上個星期受 來自台灣既大樹先生的家🌳既邀請，參加荔枝角店重新開幕派對🥳佢哋2016年已經開始經營，依家經過全新大裝修之後，以全新嘅風格重新迎接我地🥰佢地一共有五個區域💜📍大樹樹洞區好有大樹先生的家嘅象徵😆喺呢個區域有一棵超大嘅樹🌳樹下面有一個樹洞可以俾小朋友喺下邊玩📍大樹超級市場區入邊有好多唔同嘅蔬菜生果🍎分類格，好似真係入咗超級市場咁，仲有小型購物車添🛒當然唔少得cashier啦🤓後面仲有小型廚房添😍📍恐龍化石沙池探險區呢個區域嘅特別之處就係真係用真沙整成嘅探險區✨入邊仲有恐龍化石同埋考古工具比小朋友一齊去發掘同探險🤩📍嬰兒區呢個區域喺For 12個月以下嘅嬰兒玩👶🏻有好多嬰兒玩具比BB發展感官探索咖📍化妝區女孩子👧最愛嘅地方🥰 有小型梳妝台俾大家扮靚靚，真實到好似舞台後邊嘅化妝🪞區咁😆除咗遊戲區之外，佢哋都有專們設計比兒童嘅兒童餐💜每一款都各有特色✨好啱小朋友食㗎🥳Tyler個日超開心咁拎住個雞髀食😹一路食一路叫佢雞髀🍗仲有粟米忌廉飯！熊仔圖案好得意😆

荔枝角呢間同銅鑼灣果間最大分別係呢間有沙玩，銅鑼灣就有水玩，有得釣魚大樹先生嘅食物其實算唔錯，又幾大碟，當然食物都偏貴，人哋都要賺錢的。想慳就食定野黎，meet到大人最低消費$120+10%就ok，小朋友有固定遊戲費就一定要俾，自己可睇住大人人頭黎叫野食。今次同仔仔黎，叫左個兒童餐都已經夠，小朋友掛住玩，食哂啲餸同生果加幾口飯就走去玩，食唔多。大樹先生無左波波池少咗吸引力，對大少少嘅小朋友影響更大，尤其男仔。女仔反而有好多餐仔，公主屋。有個小tips分享，玩沙可以帶定爽身粉，雖然大樹先生啲沙都好幼滑，但都會黐實隻腳，佢有風筒紙巾，但都整得唔夠乾淨，小朋友有少少粒粒都係度嘈，爽身粉可完全整甩啲沙。大樹先生都幾乾淨，每次入遊戲區都要求大家消毒雙手。PS 唔夠$500只可俾現金，無得用信用卡

禁堂食前的晚餐🍹$22玩足3小時👍🏻我地一早就book左黎呢到玩咁岩就宣布再次禁堂食，娛樂場所關閉😔對於好似佢2個冇返學既小朋友黎講係幾咁無奈呢到佢地已經黎過幾次😂曾薏特別鐘情佢地既小型沙灘🏖️再揀呢到係因為佢地又再做優惠😆小朋友$22入場玩足3小時😍大人有最低消費$120

蜜糖豬作為Pingu嘅fans，想見Pingu唔係咁易(較偏門🥺)，見到大樹先生的家(室内兒童遊樂場但有餐廳)有Pingu決定要去探下Pingu！😆😙🆂🅴🆃🐧 大臉Pingu飯糰咖哩兒童餐 ($179)利用紫米做左一個Pingu樣嘅飯糰🍙 ，打卡力十足🤩。並配上小朋友口味(唔辣)嘅咖哩汁，以及西蘭花🥦、車厘茄、粟米粒、甜紅椒和芝士，附一份吉列炸蝦🍤、水果杯和餐湯，小朋友份量不過幾多材料。呢個餐冇餐飲的，要另加🙈。🆂🅴🆃🍝 南瓜忌廉汁意大利粉配照燒雞扒 ($226)意大利粉配上日本南瓜蓉煮成，另有照燒雞扒做餸，幾好食，分量幾多。套餐有湯、沙律🥗、同埋餐飲。呢份意大利粉都可以單點($168)，不過都係貴價。🎠室内兒童遊樂場 用Pingu做主題，周圍都係Pingu、Pinga同friends嘅佈置🤣，仲有大大隻Pingu Pinga Figure同好多隻毛公仔🧸俾小朋友(大朋友also😆)任玩任影。另外都有滑梯同埋小沙灘🏖️，地方不算大，但幾多設施。大人同小朋友都可以入場，大人餐廳最低消費為$120，小朋友則好似係收入場費$350左右。餐廳嘅野食價格同迪士尼得揮，只要有叫野食都可以達到大人餐廳

我特登係3星期前book左上星期日中午帶bb去玩同慶祝，但係星期五（即2日前）收到餐廳通知突然要我改booking，由中午改到同日嘅晚餐時段（6:30-9:30pm)，相信呢個時間大部分小朋友已經差不多上床瞓，而餐廳嘅原因係「有人包左場」。一早plan 好曬weekend行程，一句有人包場就要取消/更改原有客人嘅booking（仲要係咁短時間前通知）。以一般理解，餐廳坐位係先book先得，而大樹先生就話如有人包全場就會取消曬所有一般預約，對餐廳呢個安排真係好失望。雖然係我強烈要求之下，餐廳叫我地照去玩，但都希望其他媽媽知道呢個情況，避免有其他媽媽遇到而令小朋友失望🥲依家親子餐廳愈來愈多，我以後都唔會再去（因為冇大樹先生荔枝角嘅page，所以留咗喺銅鑼灣分店）

同一班做咗父母嘅朋友食飯💁🏻‍♀️，最好搵啲可以比小朋友放電嘅餐廳，親子餐廳嚟講呢間都幾出名。近門口嘅Playground幾大🎢，玩具量同種類都足夠，如果我係小朋友應該玩得幾開心🥳！食物款式大人細路都啱食，人均消費當然比普通餐廳貴啲。咁啱牙痛擘唔大口🦷，叫咗兒童餐希望夠冧食到，點知連BB仔都食得多過我，最後要J生一個食兩個餐！P.S.📣 大樹先生店員下次唔好踢爆我哋嘅蛋糕驚喜啦！————————————————👅大笑貓貓配煎魚柳（$158）🔸可愛外型實吸引到小朋友注意🐱，味道就好一般啦，貓口底下鋪有飯，所以醬汁唔夠撈飯啦！清淡嘅煎魚柳先裹蛋汁再煎🐟，附水果及紅菜頭蔬菜湯👅小樹南瓜雞蓉有機蔬菜星星粉（$148）🔸以為比小朋友食嘅星星粉會冧啲⭐️，正常意粉硬度，不過凍左會痴埋一舊舊粉，調味頗清淡👶🏻。配自選煎魚柳/照燒雞扒/天婦羅炸蝦，照燒雞扒味道正常————————————————🚩總結：小朋友嘅開心樂園🤹🏻‍♀️———————————————— 🌟注意：設有入場守則及最低消費🔎————————————————📍 花斑茶社X大樹先生的家地址：荔枝角長順街15號D2 Place二期1樓.🗺地區：

夏天想帶小朋友出去玩，又唔想喺戶外太熱嘅話，而家有好多選擇🥳🥳🥳例如呢一間大樹先生，室內有兒童遊樂場，有沙池，仲有好多唔同嘅玩具，可惜波波池因為疫情關係就收埋晒啲波波。收費我記得唔算太平，不過嘢食方面就唔好期望太高喇，當係有部份錢俾咗遊樂設施囉😂😂😂份量都幾足夠嘅。如果有興趣仲可以叫合伙的茶社特飲，印象中係台式飲品。大人可以坐埋一邊食嘢傾偈，小朋友就可以同其他小朋友齊玩，學習下溝通技巧👍🏻 都不失為一個比小朋友放電嘅好地方👌🏻

同十個月仔仔去玩，佢地方照顧到唔同年紀嘅小朋友，玩樂區夠大，小朋友玩得好開心。可惜我都要扣分因為實在唔係好乾淨，我摸完遊樂區啲墊隻手feel到晒啲塵，對於一間親子餐廳黎講我相信最緊要一定係乾淨...食物方面係真心好食，我老公叫咗個慢煮豬（冇影相）咁厚身肉質仲好嫩，又加埋燒菠蘿。我叫個健康嘅手撕雞紅米飯佢個汁都好清新。不過注意佢價錢認真酒店價格，所以我會覺得好食都係應該，唔會話CP值好高～小朋友收清潔費我覺得都幾貴，如果包少少生果/snack會感覺好啲。佢有送盒波波比我地，但我覺得係佢之前波波池啲波波...摸落去又係封晒塵