大皇拉麵小籠包 (已結業)

行街行了成晚到了醫肚時候.又唔知食乜.見到這間上海店是但喇. 叫了小籠包.腩肉麵.輕難食.小籠包皮x又無湯.d麵湯底又無味唔知食乜.從未食過更難食上海野.又唔係平.服務又慢.早知食M記好過

20051010 9pm8.30pm, 離開好時繼續尖東搵食, 心情差又肚餓, 是但求其之下就入o黎.2人order-* 肉碎擔擔麵- 極差!!!!!!!!!! 湯底無味, 一味死辣, o的麵又唔正宗勁粗身.* 小籠包x 4隻- 都OK. 不過個皮好厚.* 魚香茄子飯餐- 就係好普通既茶記貨式* 凍奶茶x 1 - 好甜~! 台式奶茶原來係.* 海蜇- 就係普通海蜇lor.食乜o野你都要另外叫佢, 譬如話個飯丫, 我食完個擔擔麵, 食得好慢果隻, 食足30mins, 個飯都未有啵, 咁就催下佢啦, 咁跟住個小籠包呢就上啦, 個飯呢, 就再等多15 mins 即係足足45mins 先有一個極普通o既魚香茄子飯食. 然後個小食海蜇又係我食食下個飯再催佢先有人送o黎. 鄰桌果個鬼佬couple都有同一情況, 又係一個有得食一個無得食. 個太太等得太耐唔等就閃埋, 留低老公等外賣!!!埋單$98. 食完心情再差o的! 本來都留手比平面, 但係o的service 真係好蠢, 同埋個擔擔麵真係好難食.

好恐怖, 佢地D 野平就平, 我未食過牛根麵, D 牛根係碎到咁恐怖, 好似D 頭頭尾尾比我咁! 附近冇咩好野食, 我去厚福街好過了!仲有D 廚房仔係咁望, 都唔知做咩?我走時, 睇到有個鬼佬包了24 枱..... 真係影衰HK 人了

叫咗3樣嘢, 麻辣小籠包(得個辣字), 拉麵(冇味)同油豆腐粉絲湯(ok), 因為小籠包同拉麵係餐, 所以好快就有得食, 但係個湯就等到食完晒所有嘢都未到, 叫啲好似俾人打咗矇仔針嘅waitress去跟吓, 點知叫咗3次都冇件事, 最後要同佢講再唔嚟就要取消架喇, 先至識緊張.....到俾錢嘅時間, 個類似老闆娘嘅物體重好大力咁將個兩蚊掉落個銀兜度, 簡直係趕客呀, 我一定絕對唔會再去!!!!!

ordered wanton noodle. no taste at all. won't visit this restaurant anymore. bye~

今晚同班friends去呢度食宵夜。我叫了菜肉雲吞拉面。菜肉雲吞幾好味，餡算多，又唔肥。拉面頗硬，粗幼不一，可能係手打的！湯底偏淡，我覺得係雞肉湯底。服務不俗。

究竟係唔係上海菜來的?? 咁少野食揀既? 前排去了一次，夜了，附近無咩野食，純粹想入去填飽肚走人，要求已經不高啦，叫了個酸辣湯，妤大呀~~!! 個碗呀嘛! 份量已經少，我居然食唔晒。條很硬很粉，像是未"look"透似的，有皂水味的!! 最怕!!! 湯，好稀，有些少酸辣味道，但上海食品應以味濃為主，這些湯很明顯是加左太多水.........另叫了東坡肉定係肉燥飯好一般，完全無特別，但就三十幾元一個飯。這個我在家都煮到.. 入到去本來想食貴d，個格局同印象令我不太放心，同媽媽說我未食過這間，今次唔好叫咁多試住先，好彩咋..*****仲有呀，佢地既作風像極了大陸食肆，一坐底會奉上一包有佢地舖頭名既紙巾，似足果時係東莞食野時候，食唔慣的人會不知情就用啦~ 其實包紙巾係會收錢的，雖然兩蚊唔係好多，真係跌左都唔知，但係，食呢間野我就一蚊都唔會俾多佢囉，我問佢佢話要收錢，再問，佢話唔係一定要用，我就叫佢拎返走。

有一段時間無去過, 前晚去食dinner , 叫左鱔糊拉麵同小籠包. 嘩! 好唔掂呀! 小籠包唔熱, 個饀幾鞋下唔多汁, 個皮有點發硬. 差差差... 鱔糊拉麵, 碗好大...d 麵就好少,好似浮下浮下的感覺, 同以前去食的, 個size 少左2/3 . 湯底無味, d 鱔無味, 都唔知食左d 咩. 食唔飽都唔敢再叫其他食物

今日同兩個同事去食lunch...冇嗌到小籠包...雖然個嬸嬸勁sell...但真係食唔落...我兩個同事都叫拉麵...好快就上到枱...我就叫左個醬爆雞丁飯...等左好耐好耐先有...我留意到佢個廚房出野好慢...拉麵檔就好快手...趕時間o既朋友要諗下...拉麵個碗好大...d麵就好少;我碟飯size就ok...但隻碟好細...郁少少都跌晒d飯落枱...食得好辛苦...醬爆雞丁應該係辣...但佢完冇辣味...完全冇花生或者其他野...得笋粒同雞丁...口感唔係幾好...總之就係冇咩特別...

好耐冇食過上海野，心思思想食。老公一見到間舖頭立即諗起foodking。無論格局同menu上的菜式，似台灣菜多過上海菜。而且又一次後悔，因為d選擇唔多吸引。待應推介我o地食蟹粉小籠包，其實我最鐘意食，諗落o黎間野好食都有限，最後放棄，不過都試左新野麻辣小籠包，皮都不算太厚，裡面個湯麻辣程度都ok，不過有d少湯有d又多湯，每個都好參差，做得唔夠平均。肉碎擔擔麵，個湯底唔得，只有少少辣味，其他花生味，麻味就欠奉，而D麵身好奇怪，似粗身公仔麵，係香港食到好食又正宗的擔擔麵真係難尋。芳香排骨唔夠入味，要點埋d辣汁才夠味，又唔夠鬆化。同樣食台灣菜的麵軒好食好多。燻魚肉質好乾，似食緊魚乾，而且d汁係甜甜酸酸，似係糖醋排骨d汁，雖然我鐘意食個d汁，但係配落燻魚到總是怪怪的。

去過二次大皇拉麵小籠包, d小籠包唔錯呀, 皮幾薄同多汁, 芳香排骨拉麵, 碗麵好大碗, 建議share 食, d 拉麵都算ok , 排骨入味, 不過有d “鞋”. 至於雞絲拉麵呢, 一般啦.

上次同個fd 去過d小籠包唔錯呀.....BUT好小選擇low.同賣d 湯好淡,冇味ge?我食左一籠小籠包,and 一個醉雞亦面同一杯奇異果汁下午茶都係$40幾ja.

個人黎講都好中意食上海菜,但食過間好似呢間gum唔掂!尋晚與兩友人原先想到翡翠拉麵小籠包食,但都未到7:00要等位,就緊係唔la,gum就諗住去尖東既菓一道(真後悔冇去!),點知見倒呢間野,望落去好似ok gum,o米入去try下la,打開menu,有上海茱也有類似臺湾茱,但d菜式好唔吸引,gum o米叫咗一個麵餐-芳香排骨拉麵+海浙+凍ot,一個飯餐-糖措魚塊飯+青瓜+熱ot,一個牛剪拉麵,一碟油菜&一個雞絲粉皮.兩碗麵我冇食過唔comment,海浙冇味,勁淡;青瓜又勁咸,個飯又lum又酸,似快餐gum加pat汁落去,好唔掂!個粉皮仲差,冇麻香又少,粉皮仲似橡根gum,d菜係完全比油浸,離曬鋪!最過份係唔知點解,熱ot會幫你加糖,點知人地要幾甜,我就叫佢換過比我,佢地竟然話之前你冇講過話要分開糖上,擺低d菜又冇聲冇表情,唉!

我lunch去食, 覺得D面好"鞋", 叫佢地俾杯茶我地, 俾到我地走都無, 但其他人又有喎... 落柯打, 三樣野都可以落錯哂... 想點呢?!

琴晚同男友經過尖東,見到有間咁0既舖頭新開,就入去試下啦~我叫0左酸辣湯拉麵,男友要肉碎擔擔麵,另外加個至尊小籠包,總共食0左70蚊.個酸辣湯拉麵一般啦,d麵好粗,又多,好快食飽哂....d湯同料都係一般貨式,24蚊碗都ok0既.男友碗麵就極垃圾...咩味都冇,d湯又極清....d肉碎只有花生醬味..不知所謂.佢地個至尊小籠包都唔算突出,但已經叫招牌貨,我話拆招牌貨就差不多.d皮好易爛,但唔係靚0既皮,d皮係好普通0既面粉皮,又唔係特別滑或者薄,係磋得唔好好易爛.d料又係好一般,肥豬肉最多....仲有d不知明0既肉料..佢地服務都係一般,有個男侍應,人地叫極佢都係走....扮聽唔到....做0野做到咁佢都算衰...