大笪地火鍋 (已結業)

話說在1月22號食過呢間嘢，朋友食得幾豪，叫左幾多海鮮食，有花竹蝦6只，聖子皇，蝴蝶蚌，大小白貝，蠔 etc............6人食埋單$3800，剩係花竹蝦都$870，$58兩，15兩，除開$145只未計加1，係新鮮游水既！到尋晚2/2又同第班朋友去食，5人，再點海鮮，大概同之前一樣，又點左花竹蝦5只......etc, 埋單$2900，無問題！問題係剩花竹蝦$986，$58兩，17兩，除開$200只未加1，重點係大細和上次一模一樣！問題係點解同一大細既蝦可以5只貴過6只呢！由$145只變成$200只，好明顯厄秤！好後悔冇叫佢係我面前即撈即秤！點完就走返埋位！我打咁大段嘢係想同你大笪地老細講，做生意賣得貴唔緊要，最重要明買明賣！唔好呃秤！俾你呃得一次就冇下次！食客係知既！唔係傻仔！祝你好運！

花膠雞的打邊爐，總體來說還行，竹蟶吃不慣覺得牙磣，蝴蝶蚌說不常有，反正就是一般都貝殼類差，是甜的，大扇貝和鮑魚就平常的味道但是也很鮮美啦。蟹籽墨魚滑還真是蠻好的，量也大最重要的湯底真是非常不錯，鮮美，花膠比我在北京吃過的那種大，很濃厚，兩個人喝了得四五碗吧，哈哈！然後加湯不是原湯，會比第一鍋淡一些，也喝不下了，就開始涮菜品了這家的服務員在這次香港行里算是非常不錯的了，問題都能解答，都很到位，這個贊一下！

去的香港，找尋路邊的小店吃飯是我的第一選擇，因為他們很好吃！朋友說，去了油麻地去找一家車仔面，她吃過，說巨好吃！彎過幾條路，找到了！門面不大，開店的兩位歲數也算是老人家了吧，夫妻老婆店，外賣的東西不可以帶進去吃哦，老闆娘會說的，相加什麼料直接說，明碼標價，東西上齊後就買單，然後就你可以慢慢吃啦，油麻地吃的真的好多，前面還有一家排長隊的煲仔飯，下次一定要去試一下，香港無線次刷，哈哈哈哈哈哈 

點了招牌花膠雞湯作湯底，放了足料花膠，一開始的雞湯特別濃，就是要先飲一轉濃湯，之後再放的都是雞湯。火鍋料好喜歡，我尤其覺得餐具衛生，食物衞生及新鮮，比較外面的火鍋店整齊整潔好多：）另外好多養生食材，淮山片、冬瓜片、南爪片，好甜好新鮮，基本的肥牛脆肉鯢魚都好好味，服務也好好，持應姐姐好好人，會笑住解釋😄😄😄還有海鮮供應，即選即製，下次一定試下埋單仲好底，三百有找，係邊度揾

星期四去食旺角食野。 又系雞煲。今次試的系花膠雞煲。間店的裝修玩懷舊大排檔feel。所以環境就唔好諗住好高檔啦。雞煲是成隻雞煮好比你，再配碟花膠。湯好濃，味道唔錯。花膠都幾冧。食完雞同花膠，再叫雪花牛同豬腩肉，薑汁貢丸，同其他丸丸菜菜的火鍋配料。薑汁貢丸有驚喜，多汁。尼個丸同雞湯好夾。天氣涷，可以驅寒。6個人，埋單一千三百幾。

天氣凍最鍾意就係打邊爐啦！ 今次朋友揀左呢間大笪地，我地預先用左app訂位，所以可以享用$99半隻靚靚花膠雞鍋湯底。我地5個人餐廳比左張可以坐到8/9人既大枱，所以都唔迫幾好坐。湯底未食之前先飲左少少湯，好濃味。不過得半鍋好少，好快就要加湯， 即刻淡哂，有啲失望。食物方面一般既選擇都有齊，新鮮唔錯。 雖然訂位時有講用餐時間係2個鐘，但係可能當晚唔算太full，所以我地過左2個鐘都冇催我地交枱，值得一讚👍🏾

聖誕佳節同一班朋友最好就係打邊爐喇!呢間餐廳佈置到好似大排檔咁, 好有地道香港風味。侍應安排我地坐係角落位置, 張枱好夠大坐得好舒服。一早已經網上預訂左, 可以享用$99花膠雞湯湯底。湯底有半隻雞同好多花膠, 但湯既份量比較少, 得半鍋。係打邊爐前先飲左碗湯, 好濃味好正, 可惜再加湯之後, 湯底就變得好淡。打邊爐湯底好重要, 希望呢方面可以改善下。火鍋配料方面就唔錯, 比較特別既有芝心牛丸同蟹粉蝦餃。飲品方面有玻璃樽裝汽水, 都係$10支。埋單每人大約$300。要改善既係洗手間不足, 長期有人等緊, 搞到朋友要去附近商場搵廁所。

當晚大約八個人，當中一名朋友生日想打邊爐我哋就俾佢嘅花膠湯底吸引，不過需要定位先可以享有花膠湯底當晚大約等左10分鐘，店員安排我哋坐低叫咗兩個火鍋煲，上菜速度都算快比完點菜紙，好快就黎左，調味料當你一坐低店員就會放喺台面俾你慢慢揀雖然位置要搭兩條電梯同埋位置比較偏僻我自己覺得，不過都幾多人walk in 花膠湯底建議唔好放肉住，先將湯飲左先飲完先好放牛肉，不過野食唔錯👍因為一早訂位已經講左有人生日自己會帶生日蛋糕，但要收切餅費，下次可以再幫親

我搵左幾家店最終簡定了這裡。 《環境》和《服務》就這樣吧，不多說。 【花膠濃湯雞】一般。用的花膠不是新鮮的，所以從骨頭到尾的這鍋湯沒有那種粘稠的口感。雞也比較一般，雖然燉的很爛，肉吃著還是有點乾柴。  【竹蟶王】推薦。人民幣約58一個，比之前在上海吃的大了1倍，口感鮮甜。 【蟹粉蝦餃皇】不錯。蟹粉味說不上濃郁，味道有那麼點咸。 【黑毛豬午餐肉】不推薦。厚實是真厚實，但味道太鹹了，個人還是偏愛梅林午餐肉那種有一點甜的午餐肉。  像【皇帝菜】和【炸響鈴】都推薦，每次吃火鍋必點。

生日飯揀左匿間聽咗好耐既打邊爐,主打花膠雞煲。經open rice 訂可以有優惠。半隻雞既花膠雞煲先上滾起可以先飲湯,湯味一般,唔係話好濃嗰d雞湯味,花膠都只係一般貨。唔記得咗影相。佢仲有其他鍋。飲完湯就開始打邊壚,其他配料都係散叫,野飲都係另計。叫咗一枱食物用料都算新鮮,不過油麥菜就要再沖洗多幾次先可以,因為我地打打下見到有d黑色野浮下浮下,後尾發現係油麥菜到出嚟。匿個係安格斯牛肉 魚皮係現成一包,有d失望跟住叫咗一斤花甲,$58半斤,南非飽魚$58隻。海鮮係海鮮價,自己出面揀。花甲新鮮,好鮮甜正體覺得有d貴。服務可以再好d,因為佢上野食時倒瀉咗我支汽水,整濕咗我個手袋,雖然有講sorry但無主動陪返支野飲比我。另外唔知係咪旺角區關係,一半客都係內地人。

今晚同同事即興約打邊爐...用左呢到嘅訂位...可以99蚊花膠湯底呢到我第二次食喇！先黎湯底：黎到嘅時候係真係半隻雞嘅，阿姐會拆下肉，叫你飲湯...我地好快飲晒啲湯😂好好味！叫阿姐黎加湯...第一次加嘅都係原花膠雞湯湯...之後加嘅就係上湯...湯入面真係有啲花膠嘅...而醬料都係普通嘅醬料：要講今次推薦嘅野食，就係呢個右上角嘅手切安格斯牛：真係好好味，兩次黎食都有叫佢！響鈴落埋去浸湯又好味！鮮腐竹都正！埋單價錢每人二百幾蚊...

今晚一行八人為朋友慶生，邊爐怪壽星女要打邊爐，見呢間啲開飯食評唔錯環境又ok咁，就試下啦。打開餐牌，唔選擇唔多，心諗，可能貴精不貴多款呢，於是點左花膠雞湯 底(特價99),豬，牛，白鱔，脆鯇，花膠雲吞,魚皮，鴨血，花甲皇，響鈴，墨魚滑同两款青菜野飲呢啲基本野。兩款魚真心ok, above average咁啦。。。跟住果啲呢。。。頹到。。。魚皮一包咁上(即係超市賣果啲樣),響鈴又唔係即炸(係用碟上，不過唔熱唔脆)個墨魚滑同雲吞，稱唔上好食。個鴨血，好腥，同枱過半人吞唔落so sad..個花甲皇。。。真係細粒到。。大概3,4cm一隻咁。。個牛同豬，不過不失，都對得住個價嘅。。。咁就二百幾一位，唔值。

我吃過最正的火鍋食物質素很高很新鮮湯底是雞湯整個湯都十分好飲半隻雞在裡面連雞也吃得津津有味因為很嫩大蝦真的是大蝦很大隻每隻都新鮮會跳動的新鮮蝦肉質一流正！手打墨魚正！夠彈！這樣略為一般沒有什麼特別好介紹有海水鮮十分好放在鍋數分鐘十分爽甜鮮味十足！魚片也好吃花膠比想像中小煮熟後沒有想像中的厚度牛肉不能不試很好吃牛肉味重鮮！甜！這個普通不值一提嘩，超爽口很不錯整體來說，整餐飯十分滿意每樣食物都很新鮮尤其海鮮類特別推薦一定要食大蝦會跳舞的大蝦

大笪地火鍋聽左一陣子今晚終於可以一試一去到格局有點特色因為我們一早係OpenRice 訂位可以享有訂位優惠花膠雞鍋半價$99享用半隻雞鍋優惠招牌花膠雞鍋真係必試一上檯待應將半隻雞剪開真材實料半隻雞加上有成8至9塊花膠湯好濃郁好重雞味花膠夠爽口易咬花膠雞湯果然名副其實原來呢度叫啤酒都係用戰鬥碗碗夠凍飲啤酒一流一行5人點了多款食材當中安格斯牛同牛胸爽可以一試安格斯牛肉片比較厚切大大塊放入煲內一灼已經可以食牛肉重牛肉味，肉質較淋較滑牛胸爽剛相反牛肉味不算太重但非常爽口兩款牛肉各有特色🤗

今日約咗班朋友出嚟食飯，好耐都冇同佢哋打過邊爐，所以今次搵左呢一間同佢地食，一早打去book定枱，所以去到就可以入座✌🏻，服務員都幾有禮貌，湯底方面叫咗一個大笪地花膠濃湯雞鍋，飲完先至再加水打邊爐，個湯好好飲，花膠好冧，隻雞翼都好滑👍🏻👍🏻，叫左蟹子鮮蝦滑、蟹子墨魚滑，西班牙黑毛豬午餐肉，鴕鳥肉，芝士流心牛丸，花膠雲吞，手切牛肉，其實全部用料都好新鮮，好好食，只係略嫌個午餐肉同埋炸魚皮麻麻哋，整體來講，值得一試，個人推介芝士流心牛丸、鮮蝦滑及花膠雲吞👍🏻👍🏻