大紅袍火鍋料理

营业中

休息中

八號台風過後，見今天天氣稍為轉冷，所以同友人想打邊爐，今日選了一間位於尖沙咀的火鍋店，地方較為隱蔽，但入到店里寬闊，環境稍可，坐得也舒服，只係燈光較為暗，大家有興趣可以過來感受下特別推介：金屋藏嬌湯底：該店的招牌湯底，幾有驚喜，因為用料好足，有花膠，野生竹笙，冬瓜，半隻雞等等，味道好濃郁，入口是清甜冬瓜味，再一陣濃郁雞湯味，建議先試下湯再開始打邊爐牛拼盤：有唔同部位的牛肉，如果你是喜歡食牛，呢個拼盤一定滿足你，牛肉食材新鮮，但價錢認識略貴

已經都唔記得第幾次幫襯了😌原因都係火鍋料選擇算多，質素也不錯，服務都可以，湯底種類亦好多選擇，多款湯底都可以飲完之後先做火鍋湯，我們今次食完火鍋後，服務員竟然話有雪糕送贈，可以自己去選擇，好surprise第一次有雪糕送😍

間中會去十月都去過1次。但今次真係好差！兩個人叫就兩款牛加其他嘢，淨牛5xx！兩款都奀到不得了，同店員反應佢只係講咗句，係咩？就調頭走咗去！完全無諗過幫你去解決。到埋單個陣同另一個店員講，佢話你早啲講會換比你，我哋回佢，講咗啦，你位員工無反應！咁嘅價錢咁嘅服務無下次！香港人唔係水魚！仲見到有員工係張正到𢴇緊枱嘅枱面上分緊金屋藏嬌嘅雞同冬瓜，另一個𢴇緊枱嘅員工將殘渣彈咗入呢個湯底到再上去另一枱！

早好幾年前巳經常去北角間大紅袍食晚飯，而加北角分店無咗，就去最方便我既尖沙咀分店😎座位相當闊落，餐廳環境幾舒服，枱上九格調味架相當吸睛一場黎到當然要食返佢既招牌湯底金屋藏嬌，用多種養生食材熬制而成，包括花膠、野生竹笙、冬瓜、紅棗和半只雞等。入口先是清甜冬瓜味，再來卻是濃郁雞湯油香，美湯入口濃郁花膠竹笙大大舊，十分滋補，湯一定要飲完先好打邊爐火煱材料好新鮮，而且碟碟足料，必食手切牛、牛肉刺身、手打梅菜豬肉丸🤤特別是那個肥鵝腸，本人認為系咁多間火煱點中最出色的一間，爽脆而且有少許肥膏，肥而不膩還有蝦膠足料彈牙，可選配料十分多👍🏻

湯底係幾特別，但係價錢亦都好貴🤪刺身類係唔錯嘅，爆漿芝士丸幾好食但就冇流心既，啲牛係幾靚，蝦亦都新鮮夠晒大隻重扎扎跳，個炸鱔其實唔知食緊乜🤪整體性價比較低，試過就算😏🥹

因慶祝姐姐生日，朋友推介了大紅袍火鍋，慣例經openrice訂位，寫明慶祝生日🎂都俾一張路口位，好在6:30我早到便問問可否要卡位，最終女侍應轉了給我😁跟住等齊人點餐，因第一次光顧所以點餐時都問問有咩好介紹，例牌勁推海鮮，我們點了象拔蚌刺身，鴛鴦底火鍋（四川麻辣湯鍋和胡椒豬肚雞鍋）點著點著叫了頗多食物，她見我們張枱細，便建議轉入另一邊大圓枱，我們也十分感謝安排，可惜…….我想那邊位置是不開放的，廚房門口位，因為完全冇人坐，加上人手極度不足下，我們全晚是靠經過起餐的人幫我們食材是新鮮的，份量不多，因種類太多不能盡錄，可看看單據上寫的，胡椒豬肚雞鍋好鮮甜但四川麻辣湯鍋就失色了完全唔辣！原來只是這分店沒有甜品，我們唯有自己出去買個迷你蛋糕🎂慶祝，整體來說：全無服務最後埋單時見到汽酒價錢$388，便查詢🔍她解釋說因我們點的$288冇貨，所以轉了這支我反問點解落單時唔講？繼而反映埋湯底完全唔辣，問佢加辣又唔係俾花椒油，係俾辣椒油加落個鍋度🤦‍♀️她說：我們有分辣度的、你應在落單時講明，天呀😱⋯⋯我們第一次光顧，怎知那麼多規矩呀…….咁你又唔問我哋？講咗好多次係第一次光顧！最後，她知自己理虧，我問有

今晚去了尖沙咀大紅袍火鍋料理，因為有人又掛住重慶麻辣鍋，但又想試新嘢。而我就揀了木瓜雪耳雞腳湯做鴛鴦鍋，潤一潤佢希望減低罪惡感😆😋 調味配料有芫荽，加分👍🏻👍🏻👍🏻呢度除咗平時常見的火鍋料之外，仲有好多海鮮刺身，同埋幾款邪惡嘅小食🙈我哋今晚決定試黃金鮮魷！果然名不虛傳，好好食😱 足料蛋黃，好香，炸得好脆🤤兩個嗜牛之人，點了一份安格斯牛頸脊，一份手切封門柳。上碟份量唔少，牛肉顏色好靚。前者肉質好滑，後者有咬口D但牛味濃D，各有各出色 😍😍海中蝦滑&四寶丸，正常操作，夠彈牙珊瑚蚌好新鮮，但係好咸！唔知係我湯底問題定係本身都係咸。無黑柏葉，所以點了白柏葉，又幾好食喎😀最有驚喜係鮮鵝腸！！！！🤩我唔好的，諗住試一條，但係，好鮮甜😍 最後都食咗唔少😂 對佢讚不停！另外仲有我愛的冰豆腐 和 淮山！好啱我呢個滋潤湯底😬 兩個人食咗好多野🙈 好彩無飽到上心口～

難得疫情放寬，可以食晚飯。今日去咗尖沙咀天文臺道附近打邊爐。佢嘅地點算係好方便，不過就冇停車位。湯底推介- 金屋藏嬌 牛頸脊美國筒蠔鬼馬蝦膠山根聖子炸響鈴烏冬佢嘅湯底雞湯鮮味有冬瓜，半隻雞，有啲菜。非常足料。值得一提，湯底嘅雞係好嫩滑，完全唔會係煲湯雞嗰種感覺。另外海鮮我哋叫咗聖子同埋蠔🦪🦪。呢兩樣嘢都係好鮮味。好好食。全部都值得推介。呢個舖頭嘅環境真係好舒服，唔會覺得好嘈，打邊爐來講算有空間感。裝修亦比較新，座位舒適。食物價錢合理，每樣食物/湯底都係百幾至二百幾。我覺得價錢合理。

之前黎過對佢個麻辣鍋好難忘今晚除夕再黎ENCORE呀點左~麻辣拼花雕藥膳呀兩邊都好夠味呀藥膳好濃味本人好鍾意呀今次試左自家製響鈴好鬆化呀雖然好大藍兩個人食係有D多但真係好味呀本來想叫海鮮餐呀但聖子無晒改左蝦就無咁吸引呀都係散叫左花甲好鮮肉感好好仲要一讚個手打蝦丸真係好彈牙呀好吸引呀

剛開業頭幾年十分火爆，現在比較容影訂位。最驚艷就是湯底，那個雞在冬瓜內，一直煲的時間，冬瓜出來的湯汁就變了鮮甜湯底，加上金黃色的原隻雞隻，淆出的湯勁鮮甜，好濃好好味，每一啖都是精華。先把湯飲哂先再放其他配料打邊爐便不浪費！

同朋友提早慶祝生日，選擇咗大紅袍打邊爐，入座後第一時間揀湯底，但由於選擇困難，揀咗一段時間，諗住叫侍應先落湯底，點知成間舖得兩個夥計咁，起碼叫咗15分鐘先有人應我哋，後來先知道原來有兩個part time無返，有個年長一點既侍應表示歉意。食物非常新鮮，麻煩湯底味道好好，椰子雞味道不錯，材料方面，我就覺得份量少左啲，如果比足夠啲滿意度會增加😊😊總括來講，食物環境都不錯，值得一試。

尖沙咀 ～ 大紅袍第一次試佢個豬骨湯底，足哂料大大條豬骨夠哂誠意👍🏻星期日8點全場爆滿建議先行訂位重點推介: 安格斯牛頸脊😋白鱔片😋豬腰😋下次可以慳返:花枝片😣五花腩😣職員有禮👍🏻環境舒適6⭐️滿分服務⭐️⭐️⭐️⭐️⭐️價錢⭐️⭐️⭐️⭐️環境⭐️⭐️⭐️⭐️食物⭐️⭐️⭐️⭐️⭐️地點⭐️⭐️⭐️⭐整潔⭐️⭐️⭐️⭐️回頭⭐️⭐️⭐️⭐️⭐️3個人埋單$1,183-6人一枱，可以食到12點適合三五知己聚會另有VIP房(以上內容只供參考)

湯底金屋藏嬌無得輸，湯濃味足。麻辣湯底有水準，越來越有重慶風味，不過還是有照顧香港人口味。鵝腸及桂花蚌爽脆，墨魚滑、蝦膠足料彈牙，可選配料十分多。整體不俗，惟與北角店相比，好像差一點點。8人光顧，點餐如下：醬油 x8酸菜 x2麒麟啤酒 x8蟹籽墨魚滑（大）手切肥牛桂花蚌芝士蝦丸鮮鵝腸四寶丸蝦膠牛筋丸炸魚片頭鴨血炸腐皮炸魚皮王喉豬腰牛骨髓冰豆腐西洋菜萵荀片秋葵豬皮蘿蔔片重慶空運牛油麻辣鍋金屋藏嬌脆金花椒鹽豆腐紫薑皮蛋將由酸菜麒麟啤酒加一後，合計HK$2,684。

一到12月個個都好開心，到處去慶祝，加上凍凍地最岩去食火煱，我e個火煱迷一定到處去食啦，今次去左大紅袍，喜歡佢地個到食物新鮮，環境又靚，火煱底料又足，又多食物選擇，叫左個蕃茄n 麻辣煱，中和返口味，又係叫d火煱必食ge野，准山，竹生，牛肉，薯仔(加埋落個蕃茄湯到變蕃茄薯仔湯)，甜蝦都好好食，響玲，鬼馬蝦滑(e個好特別，一定要試)，王喉，豬潤，豆腐，全部野都好新鮮咩都可以試下，雖然價錢有d貴但係值ge,大家快d去試下

大紅袍招牌湯底「金屋藏嬌」，用多種養生食材熬製而成，包括花膠、野生竹笙、冬瓜、紅棗和雞等。入口先是清甜冬瓜味，再來卻是濃郁雞湯油香，美湯入口濃郁。再配而即炸響鈴更是一絕配搭