大自然素食

营业中

休息中

今日諗住中午1點去食下齋, 黃大仙冇乜選擇, 呢間舖頭都已經經過幾次, 所以試一試.入去冇人帶位, 問過阿姐嗰度坐唔坐得佢已經唔理你, 答又唔答人, 跟住行到埋張吉枱度問隔離買緊單個阿姐, 好晦氣話坐啦. 坐低之後一直都冇人理, 其他員工望到都唔會過嚟理你, 等咗好耐,跟住阿姐經過, 我問佢係咪已經收, 佢只會啤住你. 可憐, 做一間素食餐廳食齋嘅搞成咁咁多怨氣, 嗚呼哀哉！ 跟住我哋都唔食喇走喇, 仲同嗰個阿姐大大聲講拜拜！ 希望佢哋能夠淨化心靈！

媽咪生日指定要食呢間素食佢好鍾意食個黑松露炒飯但我就覺得一般般⋯三色骨係幾特別，原來豆製品都做到三種口味，可以值得一試嘅其他菜式不過不失la，店員態度就一般啦～整體價格偏貴⋯

於2024年2月24日於黃大仙現崇山大自然素食分店用餐，事前已於當天早上book 枱，員工表示6時有枱，留下姓名及電話，但員工的語氣已不太好。到了六點時，我們到達門口發現根本沒有為我們book枱，還說要重新等位。最初想安排佢們坐大枱搭枱，我們表示不接受，擾攘一輪，最後還是安排了一張四人枱。餐具污糟有積，每枱想點餐難過登天，全部都要等5分鐘才可落單。食物質素一般。這樣貼錢買難受的餐廳，你們先考慮一下才去吧！

農曆新年的年初四，我想食素，好自然的走去位於黃大仙睦鄰街8號現崇山商場1樓102號舖的大自然素食，環境闊落舒適，坐得舒服。我點左：924香酥墨魚餅（5件）$42，922秘製蜜汁义燒（跟鴛鴦荷葉包4件）$78，484瑤柱金菇炆伊麵$96，茗茶每位$12。墨魚餅煮得香爽，好味道又好食。蜜汁义燒燒得皮脆又有焦邊，熱辣辣的荷葉包，包著熱义燒，真的好有水準👍！瑤柱金菇炆伊麵比較有失水平，味道較淡，伊麵軟身，未係佳作。

今日年初一訂咗大自然素食吃午餐，店長叫我最好早點來，我們已經早了15分鐘來取枱，但一張10人枱竟然有三張圓凳，我問她為何早來也不給我一張舒適的椅子，後面的細枱未有客人，但是全部的都是齊全的椅子，只有我這張枱是夾雜着圓凳的，店長很不服的拉着長椅子來更換，但是感覺到她是很不服氣，服務之差已經不在話下，其他侍應還是蠻好的，到最後結帳時我發現吃了2000多元的賬單卻要付了700多元的服務費，追問之下才知今日開始加三成服務費，但是鋪內完全看不到告示，只有門外一張小型的海報上寫上很少的字加三成，因為太勞氣了，也沒有截圖給大家看，在門外後面有一對夫婦也跟我們一樣激心，以後新年不用再來了。

我們幾個有共同興趣的朋友，因疫情關係，已經有幾年冇見面了，今次難得一聚，揀了我們喜歡的素食。 法式牛油果焗多士，牛油果蓉加上芝士，可惜牛油果太少，但焗得香脆，食到芝士味。芋頭魚，皮炸得香脆，內芋頭軟綿綿，唔會太肥膩，好味。豉油王雜菌炒麵，有鑊氣，入味，唔錯。柚子田園沙律，配上木瓜很清新，菜也很新鮮。香煎黑椒金錢柳，主要材料是西蘭花同猴頭菇，黑椒味不重，猴頭菇好好味。仲有我們最喜愛的原隻木瓜蟹籽沙律，用泰國小木瓜，青甜美味，加上青瓜絲和沙律汁，很清新，超好味。平日下三點後有半價，食物質素不錯，價錢合理非常抵食。

我未試過一間收加一的自助餐餐廳，冇服務，落單落錯，分湯得個碗冇匙羹。成間鋪頭7個樓面，可以完全消失，斟水要自己去水龍頭度加熱水。點解仲開得到。收野又淋左汁落個袋度，之後仲要反我地白眼好似我地錯咁，去過咁多間大自然素食，呢間真心垃圾。

嗨，啱啱去一間食堂大嘆晚餐返嚟。第一彈就係法式牛油果焗多士，真係層層牛油果搭埋熱乎乎芝士，咬落滑嘟嘟啲爽口😋。燒汁蘆筍牛柳卷個味道夠哂香濃，入口即溶，彷彿變咗金菇肥牛卷咁！再講吓，脆脆餅皮包住濃郁泰式紅咖哩，平平地一個咖哩都可以爆好味🤤，啖啖雜菜，食得健康又過癮。不過豉汁帶子蒸滑豆腐呢個，比較一般，其他嘅菜繼續冒險就得啦😝。飯後嘅芋頭西米露，咁滑咁甜，實在係個完美總結！總體嚟講，呢間食堂既素食真係令人驚喜，食得我心花怒放🌸，改日仲要嚟啲嚐試其他。嗰啲傳統食肉位都可以咁瀟灑拍住枱邊，今次食素，同樣飽肚滿足！嘩，食得健康仲有驚喜，好正喎👍🏻。

全間鋪既員工服務態度都惡劣，由其特別係一位女員工，入去坐低唔比餐牌唔比茶直到叫左4次換黎另一個員工呼渴話收緊錢，此時段非繁忙時間，5枱客都冇，直到終於有人比茶，倒出黎全部都係茶葉碎，再問一問員工係咪茶包穿咗，那位員工成壺茶打開再倒係我面前既膠兜到，係一次過倒晒所有茶出黎再拎走，差一點將熱茶彈向我再詢問貴姓同投訴電話，叫我自己出門口睇，同拎卡片，再三講明要佢比投訴電話先肯寫個電話比我，再同我講：你打去講我姓x，黃大仙既！

平時約親朋戚友食飯，唔係打邊爐就燒肉，真係食到個肚都滯滯地🤣近年來越來越多人嚮往素食主義，所以陸陸續續都開咗好多間素食餐廳～從前小編返工嘅時候都有一位同事茹素咗好多年，佢就介紹咗我去食呢一間餐廳，唔講唔知都做到同真肉一樣😆食落去個口感好難知道用咩製造😹但係竟然可以好好味！🍴日式海鮮薄餅 $98薄餅煎得非常香脆，記得要趁着熱辣辣好食喇！中間趁熱食芝士總會拉絲，同平時去𝐩𝐢𝐳𝐳𝐚 𝐡𝐮𝐭食個薄批唔多口感🍕🍴香煎黑椒金錢扒 $78大家估吓知唔知道呢個金錢扒即係咩呢？問返介紹同事先知道原來係猴頭菇😯簡單加咗黑椒去調味，而且西蘭花好大舊，超飽肚。🍴秘製沙拉骨 $78如果大家會去呢一間餐廳，應承我‼️記得一定一定要嗌呢一個秘製沙拉骨‼️超級無敵好食‼️個人覺得口感少少似魚腐，再撈埋沙律醬，香甜可口！🍴黑松露牛油果醬炒飯 $88唔講唔知，其實小編係一個飯桶，最鍾意就係食飯😹所以即刻嗌返個炒飯試吓，牛油果醬就唔係好食得出，不過一上枱就即刻聞到好大浸黑松露味🤘🏻飯都炒得粒粒分明，呢個都絕對值得嘗試👍🏻🍴燒汁蘆筍牛柳卷 $88呢個有少少似扮緊金菇肥牛卷😆介紹同事話今次略嫌失色，食落有少少韌～不過味道尚算不錯。

開業17周年12月7-21號有半價，所以黎食下，以下價錢為正價。🆗海鮮鴛鴦飯 - $106都幾大碟，但白汁果邊多過蕃茄，蛋炒飯底，好多汁，蕃茄果邊吾夠酸，有蕃茄肉同埋蛋絲及雞絲。而白汁果邊有忌廉香，配料就有素蝦、菜粒，口感都多樣化。🆗沙鍋菜膽雲吞翅 - $106雲吞只有6隻，雲吞皮超級厚，但餡料好食，係白菜加少量素肉，比例大約8:2，湯底較清有少少椰汁味，仲有三色椒粒，幾好飲☑️魚香茄子雞煲 - $96用煲仔上，熱辣辣，但可能擺耐左先拎出黎，所以冇晒d汁，所以冇咋咋聲，茄子應該有用油泡過，d茄子肉好淋，雞嘅份量都吾少，另有大量素鹹魚同肉碎，調味幾好，吾會太濃或太淡。☑️蜜汁叉燒皇 - $96素叉燒用蜜糖煎香左，入口甜得黎又脆口，幾好食，但份量有d少，旁邊有豆角做伴碟。

Family day廢事又飲茶食點心咁悶試下食素🙋🏻‍♀️呢幾年素食流行咗好多，但係都未試過去素食餐廳，冇咩期望咁食反而有啲啲驚喜喎🙈🐷燒汁蘆筍牛柳卷 $98 （半價$49）牛柳入面卷住三色椒粒粒、蘆筍、金菇，個牛柳真係似牛喎😂加埋啲甜甜地嘅燒汁完全呃到人，犀利！🐷軟殼蟹卷 $64 （半價$32）佢都有幾款唔同嘅壽司揀，入面當然冇軟殼蟹，有一舊炸咗嘅脆脆扮軟殼蟹🫣另外仲有酸薑同青瓜，飯嘅醋味唔夠，主要嘅味都係來自佢面頭酸酸甜甜嘅醬😆🐷法式牛油果焗多士 $102 （半價$51）媽媽近排迷上牛油果，佢見到即刻話要叫😂多士手掌心咁大塊，牛油果蓉只有好薄嘅一層其實唔係好食到🥲好彩芝士都俾得幾闊佬，如果改名叫芝士焗多士我會食得開心啲🙈🐷鮮茄蓉蘑菇焗豬扒飯 $49 （下午茶餐）個樣同味道同大快活食嘅焗豬大同小異，不過今次個豬扒豆味有啲重有啲難想像係豬🤣不過理解嘅，始終冇辦法完全取代肉味同口感😆🐷菜遠沙嗲鮮竹炒河粉 $44 （下午茶餐）又話炒河粉嘅🥲只係河粉上面淋咗啲汁同配料，賣相唔靚唔緊要，佢油光滿面三日冇洗面咁款😂食咗少少就放棄咗🫠慳妹攻略🐖✨三點開始下午茶時段，下午茶餐牌都係around $50

有一日抽起條筋想食齋，記起黃大仙有一間「大自然素食」，點知咁就中伏❌⋯侍應忙住收檯開檯，入座要等，落單要等，加水要等⋯等到有啲燥個種🤷🏻‍♀️。環境似去酒樓飲茶，一樣咁污糟同濕漉漉，價錢都唔便宜，同坊間有肉菜式相近，唔通真係啱啲上咗老紀食齋嘅人？食到尾都想快啲走，最後就出事啦⋯蒸餃入面包住條閃電毛🤦🏻‍♀️，即刻同侍應投訴，個經理都掛住食飯無行過過嚟，最後比個95折🙂，真係連服務費都唔夠比，完全零歉意⋯————————————————👅 鬆化芋頭魚（$88）🔸咬落有陣油溢味😖⋯芋蓉係幾香幾綿滑，炸皮算薄，配糖醋醬，算係無咁伏👅 情迷脆豆腐（$42）👎🏻大豆卜切開四瓣，再反轉釀啲豆腐碎，豆腐碎有啲怪怪地嘅酸🤢，豆卜又炸得硬好刮口，碟底好多油，配酸梅醬👅 麻醬雞絲粉皮（$42）🔸粉皮爽彈，豆苗重草青味😵‍💫，雞絲肉應該係好幼細嘅麵筋，算比較好食👅 香芒吉列卷（$48）🔸廚師好刀功先切到咁薄嘅芒果片🥭，一卷都幾大舊，包住啲素肉/素鴨同青瓜👅 原隻金瓜焗飯（$98）🔸材料有紅蘿蔔粒、粟米粒、素肉粒同素蟹柳片，多得南瓜肉嘅香甜🎃，救返淡茂茂嘅炒飯👅 籠仔菜肉蒸餃（$42/8隻）👎🏻👎🏻👎🏻98%白菜

今日想同大家分享一個中伏嘅故事💬，話說有一日晏晝唔知食乜好，就近近地去咗黃大仙嘅「大自然素食」度食嘢，諗住食下齋健康d🤨————————————————🥇原隻南瓜焗飯($98)👍🏻成餐飯入面比較有味嘅野，份量都多，比較抵食，仲可以食埋d南瓜肉，本身都幫餐飯搶返少少分去ok,但係好可惜......🥈麻醬雞絲粉皮($48)👌🏻雞絲粉皮都好難整得難食嘅，但你見我放佢咁前就知其他野真係無乜賣點🙈👎🏻香芒吉列卷($48)我會形容佢做好有創意，芒果🥭薄過紙，食完好似無食過🤷🏻‍♀️👎🏻👎🏻情迷脆豆腐($42)脆豆腐唔脆都算，仲酸酸地......👎🏻👎🏻👎🏻鬆化芋頭魚($88)無芋頭味，食落口一pat野咁，總之就係食左舊炸物入口，同健康完全扯唔上關係💀👎🏻👎🏻👎🏻👎🏻👎🏻籠仔菜肉蒸餃8隻($42)終於都到大佬，呢個係後加單嘅，諗住食蒸餃無死啦，點知🤢食第一隻都無乜野，普通餃子🥟囉，但大眼妹一食就出事☠️佢咬開隻餃子一半，發現有條小毛🤮🤮🤮🤮🤮喺餃子入面有條眼睫毛咁長嘅小毛真係好唔開胃🤬🤬🤬🤬🤬同經理投訴完之後就cancel左個餃子同比左個95折囉見佢咁好服務同d野食咁正，我當然要如實報道啦😝今鋪真係唔慌

6個人去食飯，一坐低無耐就見到有曱甴係牆度爬，最後仲爬落個位度。職員完全無察覺。侍應態度極差，傳菜唔係自己放落枱，係期望個客幫佢執埋個位放埋，唔幫佢仲要唔耐煩俾面色人睇。食物差，餃子個餡乾到菜乾咁，仲要有D噏味牛油果多士，炒麵都OK6款要700蚊，完全唔抵食！有曱甴同服務差，永不光顧