大街餅店

营业中

休息中

睇完parade又有d累，於是去了bakery 食tea。要了一個蘋果批($18) & 一杯Iced Coffee ($15)蘋果批size 唔細，個批皮好脆，又熱辣辣，好多蘋果餡，好好味！想唔到杯coffee都差喎，好香咖啡味，帶點苦，又夠凍，玩到熱飲番杯都幾爽！坐在bakery 出面的小型露天茶座，聽住Disney ge songs...very relaxing~

試了奶朱古力脆米餅，賣相可愛，味道不太甜，很脆，不錯﹗

昨天晚飯後,其實都飽飽,但上次無試到蛋撻,今次點到要食,絕不動搖。好在排到去仲有幾個。size都幾大,非檀x咁細;微暖。是酥皮,不過失敗之處是撻皮有香料味,大大扣分。蛋是滑和實在,交足貨,唔甜。在這個壟斷的樂園內,$8(這個size)都ok

花一個多小時跟各主角（米奇、米妮、高菲、唐老鴨）拍照，攪掂巳經成十一點半。好口渴（因為暴曬）和好累（因為排隊等候），於是跟女伴歇腳休息。她買來「菠蘿冰冰/ Pineapple Fleecy」（$20）、「奶朱古力脆米餅/ Crisry Rice Milk Chocolate」（$15）。「菠蘿冰冰」係菠蘿味思樂冰配菠蘿塊，味道自然不造作。「奶朱古力脆米餅」係牛奶朱古力味的脆米餅，甜度適中，味道調較得好準確，有蛋、奶、飴之甘味。米奇造型，超可愛。（個人認為，係一分錢一分貨，絕對好味過市內那些連鎖咖啡室的類似商品。）

因為係度返過工,所以好多野食都試過下...真係好貴呀其實,質素同出面既美心一樣,都係同一個工場做既...但價錢就差咁多呀,,同埋d野食多數都係一早做左再re-hit返,唔太新鮮啦我就覺得,尤其係個煙肉蛋批同意粉薯蓉批,因為係re-hit既關係,前者d蛋過熟,攪到好鞋,delifrance既出品好食好多;後者就乾到好恐怖,出面乾淨淨但入面又好多油,,好難食呀...最好食都係脆米餅,不過最好早d買黎食,夜左放到林左就差好遠la。不過去得迪士尼食野都係致在頂下個肚姐,,都冇咩人會講究食物既質素架la,但俾我揀我會俾多少少錢揀火箭餐廳!最後想講,呢度服務都唔錯,服務員都好有禮貌同好好笑容,讚!

行過入去睇睇,買左個mini pizza($18)~正當我唸緊買多邊個既時候...就見到有隻烏蠅飛左入個櫃到!Oh...=_="至於個pizza就唔係幾夠熱但味道都算OK~兩個大食怪share食都夠飽!

薯茸肉醬意粉批($18)同pie & tart ge味道相似，夠熱，味道又夠濃；薯茸和肉醬意粉比例剛好；唯一遜色的就是批底味道，不是太好吃，質地和味道都不太好！

同男友share一個可愛ge米奇頭米通,只可以講我地未食已經好開心咁係到影相!之後試食左一啖,幾好味wor,有少少朱古力醬係個米通上面,都有成個手咁大,share食都幾夠分量,男友都覺得唔錯.....因為share食,所以好平呀!

未黎到先聞到香，賣的是大大件的咸批、三文治及特大港式麵包，另外仲有咖啡、茶及甜品賣。可以見到職員在整蛋tart。本人吃了一個薯蓉批，入面係茄汁意粉，吃完超級飽肚，可以唔洗食飯~~

入到disney獨市生意, 大人小朋友都食食件餅. 叫左個有mickey既cheese cake...係細細件, 叫左個muffin, 叫左個hot-dog.我只係試左個muffin, 又咪係出面餅店d muffin.只不過入都來咪double價錢.見到有菠蘿包買($6)..不過我地無買. 食物咪一般....價錢算係disney內咪正常啦.

有免費飛入迪士尼玩.....一入到去LUNCH 都未食, 但巡遊即將開始, 馬上係附近既餅店買左個"咸批"~ 見入到黎, 梗係食D 特別D 既野啦.......($18)企係大街度食, SIZE 方面都有一隻飯碗既圓周既.....味道方面都算唔錯, 入面軟軟咁, 好似係芝士+CREAM 咁上下, 都幾香.....又有磨菇做料......都算好味!!!價錢方面, 係一個主題公園黎講, 價錢一D 都唔算貴GA LA!!! 算過得去啦~~~~~~~~

我上個月去左lee間cake shop食野, 大約係2點幾啦, 因為我係出面打定個大X活早餐先, 因為知道lee度都無咩好食同貴. 本來我bf想找間舒適d既餐廳(唔記得咩名), 但要等45mins喎, 因為我們無book位啦, 咁梗係走啦, 咪行到lee間cake shop買d小食, 係露天茶座休息下咁.我食左egg tart, apple pie, light coke and distilled water, 總共係50幾, starbucks價呀, 不過係lee D 主題公園都要預左喇~~

同BF o黎disney玩，冇食早餐o既佢肚餓，o黎左依度揀包食~ 唔講唔知，依度其實係美心(請留意圖中細字)；由於加左好多disney style o既decoration，於是就開天殺價：．$18一個菠蘿油．$18一個叉燒酥．$8一個港式酥皮蛋撻etc...　o係聚多唔多合理o既飽類中，BF買左隻$18 o既pizza仔~ 味道OK啦，叫做填肚+試過下囉~ ^^"

我選了藍苺Muffin，size都幾大個，味道唔錯呀! 店內另有一個角落，可透過玻璃觀看師傅做麵包，幾得意呀!

11-9-2005 1158有免費飛入去玩，本來想盡慶，但要返學，冇計，但要玩既都有一半，等佢擴張或去第2度時再黎。臨走時黎呢度買杯凍咖啡及pizza仔，pizza仔好明顯係擺得耐先會咁鬼硬，反而凍啡就不錯，冇七折既話，我俾硬喊面！