大觀園食坊

营业中

休息中

經過筲箕灣 ,當然要帶我既最愛嚟食我好鍾意食呢度既麻辣鮮肉小餛飩！ 記得之前同一家人呢意外發現到呢度嘅小雲吞超級好食, 湯底好鮮甜美味, 小雲吞皮薄餡靚， 食到上癮！ 我哋全家自從嗰次之後, 每次經過都會嚟食~~ 脆豬扒包 - 烤得剛剛好外面最入面軟， 豬扒亦都夠厚又林。 大口大口咁食，好滿足：）靚仔話下次可以再嚟挑戰麻辣lol

東大街的小店門面完全唔吸引唔會有好好的服務但食物絕對加零一晚上很想吃辣沒把譚仔、三哥放眼內反而心癢癢要去吃個重慶紅油雲吞有幾特別重慶紅油小雲吞（16隻）好好味呀小雲吞係普通的鮮肉雲吞一口一隻湯底是靈魂由於本身嗜辣，當然叫個中辣（平時譚仔只係食到4少辣）清湯湯底上加有薑蓉、蔥和大量重慶辣椒油沒有麻，但很香，芫茜芝麻加辣椒香組成了一個香辣湯底誠意推介煎肉餅飯佢個煎肉餅都係唔可以錯過煎得兩邊香，加個豉油汁 perfect池小店值得支持，但太多蚊滋衛生情況要改善

晚上在大觀園食坊吃晚餐, 自己一個人, 最適合選這一種小店. 到達時約晚上6時半, 店裏疏落的有3枱人. 我在對面沒人的二人枱前坐下.望著餐牌, 很多東西都想吃, 最後選了紅油雲吞, 凍奶茶, 再加拍青瓜.紅油雲吞:先喝一口湯, 小辣 (因我選了小辣), 很香. 吃一口雲吞, 很精緻. 一口一個雲吞, 我實在停不下來. 情難自禁, 轉眼我就吃完了, 湯也喝光. 拍青瓜:青瓜爽脆, 惹味, 百吃不厭. 紅油雲吞餐$32, 拍青瓜 $14, 共$46, 經濟實惠. 現在寫著食評, 肚子又餓起來, 又想起那紅油雲吞. 如果可以每天都吃一碗, 夫復何求.

必吃紅油抄手，抄手嘎湯係靈魂。湯有好純香嘎草藥香料味，唔似加味精雞精調的，另外推薦的還有豬排飯，金香又唔油。可惜太晚開了，如果早餐都可以吃到就好啦。列入私人飯堂list, 哈哈。支撐有heart小店。

本身唔係住呢區，遇然撞入來，食完先覺奇怪呢間野無乜食評。厚切豬扒飯好好食，今時今日晚飯連野飲唔洗$50真係好抵，大家樂都要啦。另外老闆話佢最最出名係豬扒同雲吞，見到好多街坊熟客都叫麻辣雲吞麵，下次都想試下。

住係筲箕灣，所以哩間野都食過好幾次。本身對哩間野印象唔錯，啲野食質素幾好，辣雲吞又辣又香又麻，豬仔包夠脆夠多醬，豬扒包好食。但野食幾好食都補唔返啲每放越下的員工質素，最開始去，全男店員無乜特別。之後有一次去挽左個紅框眼鏡的呀姐做收銀(先買野後食),明明無人落單，但都要等佢汁左啲野先叫得，我叫左個油醬豬，佢竟然唔知我叫乜，問係咩黎，仲要態度勁唔好。岩岩琴日去，今次全場得返2個呀姐，我叫左個油醬豬同凍檸茶，俾完錢就坐左入去等，等左15分鐘，佢同我之後落單果個人講話無哂豬仔包。咁我諗住係佢開始無就無理咁多，又等左5分鐘，杯凍檸茶到左，我就話仲爭個油醬豬，個呀姐竟然話岩岩咪話無哂豬仔包囉，跟住叫我轉熱狗個包(熱狗個包食油醬?)。諗下都覺得怪，之前我就話咁唔要，全部都唔要。唔明點解可以落單唔講無哂，同我之後果個講無又唔同我講，明明佢有問題，態度仲咁差，仲叫我用熱狗個包食油醬😥，仲要哂左我成25分鐘。