大門炸雞霸

营业中

休息中

好難得屋企附近開左韓式餐廳，一嚟可以食到熱辣辣嘅韓國嘢食，唔洗再叫外賣平台觀塘啲餐廳等成粒鐘，二嚟可以有返啲集團式餐廳以外嘅選擇～好想大大力支持小店！懷疑好多人都唔知開左呢間因為我都係上幾個月先發現...已經幫襯咗幾次，好味抵食又多選擇😋有得堂食但我每次都係打電話外賣自取，好快15分鐘就有得攞。今次叫左：3件柚子檸檬炸雞 $33 （推！大大件平壤水冷麵 $45 （夏天消暑！卡邦尼年糕 $55加購 桃汁 $7

今次已經係我第10次幫襯佢哋外賣， 每一次都覺得呢間小舖真係好唔錯，好有心同埋嘢食真係好食，加上夠正宗韓式。價錢實惠揸車人士或者麗港城必經買外賣嘅好地方！ 超級推介炸雞, 個人喜歡柚子，睇落去好似冇咁熱氣. 炒粉絲 (牛肉)必食好食過去尖沙咀！ 大醬海鮮湯都超好味🤤 唔係好多地方有㗎懶人快食推介紫菜包！ 一邊食一邊覺得自己好似韓劇嘅中學生要扮健健康康，當然係要叫啲菜啦 芽菜Kimchi 超抵食仲有隱藏推介，當你煲緊韓劇突然間心血來潮不妨叫一個部隊鍋 🇰🇷🥢🥢🥢🥢

外賣兩次，呢間韓國餐廳有幾個特點：1.選擇多(openrice睇menu)，價錢合理，而且味道唔錯😋2.外賣方便落單15分鐘有得攞，而且開到好夜，宵夜一流（唔使食老麥😂）3.麗港難得有小店，支持吓🥰我叫咗：雞肉Kimbab,大大嚿有芝麻喺面，而且雞肉冇皮，健康啲。冷麵：真係唔係間間有offer,而且配搭蘿蔔絲蘋果，好正宗，返到屋企仲凍冰冰，非常好食辣牛肉豆腐湯飯：opeirce特價系列，肥牛加豆腐，份量適中，抵食😋

第一次幫襯大門，聽講炸雞同其作食物性格值高所以專程行入麗港城試吓。今次幫襯咗午餐韓式便當B，炸雞真心正，熱辣辣又脆卜卜，又唔會太油淋淋。雖然因為係便當得3塊雞，不過份量啱啱好(太多就會好膩)。我幾鐘意涼拌嘅醃蘿蔔片同無骨雞腳(我平時好少食韓式雞腳所以印象好深刻同新鮮)，紫菜包飯亦好到位，便當整體上我幾滿意。真係比起去上校炸雞好得多。👍👏

🍗🇰🇷🥡外賣炸雞選擇多▫️件數有3、5、7件可選擇▫️炸雞有七款口味可選擇，包括原味、韓式甜辣、柚子檸檬、金沙蛋王、蒜香醬油、三重芝士、蜜糖芥末🆗金沙蛋王炸雞3件-$43☑️蜜糖芥末炸雞3件-$36炸雞都係新鮮炸起，個皮好脆口，而雞肉能保持嫩滑。蜜糖芥末醬好好味，夠濃夠香口，又吾會好辣。但金沙就相對一般，有小小嘅鹹蛋黃味，但係冇流沙鹹蛋黃醬，個味相對吾夠濃同香口，仲要係最貴嘅味，性價比較低。

今日係第二次食呢間韓國嘢上次食左芝士炸雞芝士薯條同水冷麵今次就試左其他泡菜紫菜包飯真係好好食份量好足🤭又完全唔油膩用黎送炸雞一齊食係一流炸雞方面就推介蒜香醬油味🤟🏿🤟🏿🤟🏿隔住個盒都聞到香味又香又好味最主要係食完唔會滯佢哋仲免費俾多左舊😆環境方面唯一不足嘅係鋪面太細得兩張台🙆🏿‍♀️但係就有Kpop聽而且裝修都幾新幾乾淨所以都其實還好😌最後就係性價比好高👍🏿👍🏿👍🏿

今日黎到呢間只係新開一個禮拜的韓式炸雞店幫襯，本來想揀套餐B，因為我去到時啱啱好2點幾，套餐2點後供應。點知去到店員表示太好賣而賣曬。於是我就揀咗蜜糖芥末炸雞同金沙蛋王炸雞，相比之下，我比較鍾意後者。但店員表示最好賣係蒜香醬油炸雞、柚子檸檬炸雞、蜜糖芥末炸雞。佢對於韓式甜辣炸雞不受歡迎感到有啲奇怪。我今日既另一個目標其實係三重芝士炸雞，可惜今日不能供應，下次有供應先再試吓。蜜糖芥末炸雞金沙蛋王炸雞餐牌