大門食堂 (將軍澳廣場)

营业中

休息中

將軍澳隱世日本美食，位置極隱蔽，相信係街坊先知佢嘅位置，唔係住附近應該都唔知。主打日式拉麵、油麵、沾麵、定食。環境舒適闊落，坐窗邊十分開揚，可望到將軍澳運動場。試左個唐揚炸雞拼魷魚定食，芝麻汁豆腐作為前菜十分不錯，配上麵豉湯很有日本的味道。炸雞塊略嫌大嚿咗少少，如果可以造成一口size會更好，炸魷魚圈香脆煙靭，會加埋椰菜絲食落味道更好。下次再嚟會試吓佢啲麵，因為佢地每張枱面有晒指示牌教導點樣去食佢哋嘅油麵同沾麵，都幾吸引。

餐廳位置在AEON超市內，食完再去掃貸，非常方便。餐廳面積非常大，装修日系簡约風，大窗户面對街景，感觀非常開揚。若在非繁忙時段，滿滿的包塲feel。餐牌內選擇不是很多，一日本人營商模式，消購食品貴精不貴多。--- 大門特製拉麵 --- $82可自選麵質軟硬度整體味道有驚喜，雖然只得一片叉燒，但厚度相比其他拉麵店多1.5倍，有口感，亦無雪藏味湯底味道濃郁，不經不覺可以飲哂一整碗，配上大量筍片(可自由選配)，味道鮮甜，加上葱粒，紫菜，100%日式風味

大門食堂 (將軍澳廣場) (將軍澳)將軍澳唐德街1號將軍澳廣場2樓AEON L209號舖味道都幾似日本食既拉麵 🍜店舖用心 餐桌上 配上大門沾麵食用攻略：1 先取一小撮麵條2 麵沾上濃麵湯3 把麵吃光後⋯4 最後，請店員加一些木魚湯在濃湯中，把湯喝掉，以品嘗每滴湯汁的精華我覺得唔錯啦！每位大概$70-$80完賣單 價錢合理 而且仲有沾面，店家細心提供了沾食法，以有趣的圖畫方式為客人介紹食法👍🏻👍🏻👍🏻#日式拉面# #拉面# #乌冬面# #美食打卡# #必吃榜# #美食探店[话题]#

好耐冇來這間位將軍澳廣場的分店食午餐，喺餐牌裏面揀咗大門油麵，店舖人氣推介，見類似撈麵食法😮 店舖亦提供自助配料包括沙律醬，蒜蓉等客人自助調味另外自己好鍾意食肉，需要額外加多塊日式叉燒，價錢是$13，份餐本身有一塊叉燒，一些竹筍，一隻溫泉蛋，但係冇紫菜😮餐飲方面有檸檬利賓納或者蜜桃茶可以揀😃而家有得用手機掃QR code自助點餐，實在非常方便😃👍以前喺度食過燒汁漢堡扒丼，肉份量都好夠👍👍

飯堂之選👍🏻屋企附近食到悶，好似冇咩好食咁，有日經過aeon就走入去試試🥢西冷牛扒定食🐂🥩🥢 $105見到有牛扒，我呢個牛魔王當然要試試😋西冷本身比肉眼係有咬口，但肉味會重啲啲，雖然鐵板上但下面有洋蔥墊住，所以唔會煎到熟晒👍🏻日式炸雞定食🐓🥢 $65一上到枱，我哋都嘩咗一聲🤣炸雞份量好多，旁邊仲伴有椰菜絲🥬食炸雞食到膩膩地就可以食啲椰菜中和下🤤呢度啲炸雞已經預先醃好左，炸漿唔會太厚咬落去夠脆而且雞肉夠Juice🤤😋餐廳資料：大門食堂 (將軍澳廣場) (將軍澳)將軍澳唐德街1號將軍澳廣場2樓AEON L209號舖

🦞午餐性價比🦑：🟢🟢🟢🟢🟢🥞美食體驗🧇：超平超高性價比拉麵/沾麵。我幾年前就已經食呢間野，屹立疫情而不倒，以非常低價企穩左係將軍澳廣場入面，而且仲要係間鋪又大，野食又好食。區外人可能會難D搵得到，不過係將軍澳呢頭住既話真係要過黎食下。平豚王起碼20蚊。📸打咭體驗📸：因為間鋪好大，所以影相黎講都容易啲施展。我覺得算係比較好影，你見到啲相都好靚。張沾麵相係我近期影既相黎講比較滿意。🍳食物搭配🍳：我食左最辣既鬼辛拉麵，真係好辣，肯定辣過日本。呢間野的口味係針對香港人調節過既，好啱香港人食，我估呢個就係佢地成功既秘訣

唔係太值得試嘅沾面，如果有食過深水埗以前嗰間真係會覺得好大分別😿😿😿小失望沾面😿面底嘅量都唔算特別多，麵條都好適中口感。可惜既加埋就係最後嘅魚湯汁唔係特別鮮甜，有啲淡嘅味道同死咸。👆🏻大門叉烤沾麵😼🐖佢話係用豬骨叉燒沾汁嚟炮製，食落去你係會聞到豬骨叉燒嘅香味，不過肉粒同叉燒真係太小啦👆🏻赤大門沾麵😼🌶️💥如果你鍾意辣味嘅嘢，就可以試下加埋辣味嘅沾汁面，刺激你味蕾！但就冇埋個豬骨味$213.💸.消費. $168（全單）🈵.回頭率. 6.0 / 10📸.打卡率. N/A / 10

今次行過一間人氣日式拉麵店，心血來潮就走入去品嚐啲咩是滋味。首先目光就係被特製大門拉麵吸引住，湯底飲落去好似喺口腔入面游一圈咁，濃郁而又唔會太過。拉麵嘅彈性就啱啱好，通體有勁，仲有溏心蛋溢出嘅金黃流心，簡直係舌尖上嘅小確幸。竹筍嘅酸辣味道令人食指大動，叉燒更加係腍滑得嚟唔肥膩，真系一絕！接住我試嘅係鹽燒鯖魚拉麵，啖啖魚肉軟熟得黎肌理分明，微焦嘅魚皮同香甜嘅湯底完美融合，輕爽過豚骨同魚介湯底，特別清新。飯後品咗個咖喱飯定，日式咖喱嘅溫和香氣同珍珠白飯夾雜其中，每一啖都好有層次感。店員招待嘅麵豉湯同豆腐前菜都只係配角，但食落都幾有質感。整體嚟講，餐廳環境企理，面卷相對平民價格但味道一流。有機會經過嘅食友唔妨入去試吓，保證有個美味嘅驚喜等緊你！🥢🍲🎉

次次去食啲server都唔會招待你入座，四五個企係出餐處大聲聊天或玩手機同埋每次去食啲飯都唔係熱嘅唯一令我會再去食呢間嘢嘅原因就係為咗個辣油，配上洋蔥炒牛肉飯，味道確係唔錯如果唔係嘅話咁嘅服務唔好期待我會去幫襯

✨黎到將軍澳區附近揾食的網友們，又未諗到食咩好？不如試下食位於將軍澳廣場內的大門食堂吧💕✨如果大家平日黎食，會有午市套餐，有一碗拉麵或者定食，再送一杯飲品😍所以平日黎食會更多抵食👍✨現在分享下我們今天大門食堂午餐吧👍1️⃣ 大門特製拉麵💕有一隻糖心蛋，有一塊大大的豚肉，再搭配著幾爽口的拉麵和香濃湯底，都有水準既😍2️⃣鹽燒鯖魚定食💕鯖魚少骨有益食物，定食有飯有味憎湯👍✨餐廳環境好，地方大，平日不用排長龍👍立即有位有得食😍📍大門食堂 (將軍澳廣場)📍將軍澳唐德街1號將軍澳廣場2樓AEON L209號舖

大門特製拉麵非常好吃，麵條非常彈牙可口，拉麵的份量十分充足，真是難得一見啊！現在輪到大門叉燒沾麵了，沾麵的湯非常濃郁，配上熱騰騰的沾麵，簡直是絕配！我很欣賞大門這間食肆，下次一定會再光顧的！ 閃電

今日午餐付款方式用左現金，總數$217，尾數係$17我用左coin付款加一張$500，收銀員收到coin之後，就逐個逐個Coin掉落枱面，重點係「逐個」同「掉」，跟住再將Coin逐個逐個掉返落去個銀頭度先至找返$300俾我，請問咩意思？比現金不滿意？完全唔知道咩態度

《📍大門食堂Daimon Shokudoの食評》今次同大家介紹位於德福廣場二期嘅大門食堂，主打日本定食，而店嘅位置唔係好大，不過環境都夠寛躺舒服，裝潢都帶有一點日本和室風格，位處於商場嚟講都算係幾特別㗎🙌！🔸『唐揚炸雞定食 - $62』賣相好豐富，附送埋一小豆腐仔，沙律份量係巨多，炸雞嘅份量都好多，舊舊都好大份😎！炸雞嘅外層好香脆，炸皮又夠薄，不過啲肉就唔夠Juicy；而沙律菜雖然夠晒中份，菜上灑滿大品牌嘅沙律醬，但味道略為普通。定食嚟講，價錢都算幾抵食，Overall味道就中規中矩喇！🔸『大門經典油麵 - $65』大門經典油麵係大門食堂嘅招牌撈麵，油麵上有半熟玉子、竹筍、香蔥，配上特製醬汁、沙律醬及香蒜。油麵質地口感QQ，啖啖都有濃厚嘅醬汁、秘製香蒜及蛋黃嘅香氣，撈埋嘅口感超豐富😍！🤪 iHungry肚餓指數：6.5/10分

夜晚8點兩個人去堂食，見到門口有人企係度等，以為要等位，門口附近冇職員，要行到好入先有職員。等左半分鐘，等緊既客人同我地講唔駛等位，佢地係等緊外賣，叫我地行入去。我地行入去，冇人理我地，有好多位淨，但我地都冇自已行去坐低。我地同職員講「我地兩位」，然後有個職員好大聲叫我地出番去等。大聲到門口等緊既客都好唔好意同我地say sorry...之後入到去坐低，我地叫左兩個沾面，點知兩個既湯都完全唔熱，係接近凍...我地本身對野食既要求都唔算高，但呢次真係接受唔到！我地最後忍唔住叫佢整番熱...過左幾分鐘，我地期待既係一碗熱d既湯。點知...同頭先完全冇分別，甚至仲凍左！算！但真係好難食到食左一半就放棄左。以後唔會再去！

將軍澳廣場的大門去了很多次，拉麵的質素依然能夠保持，而且拉麵的選擇都非常多元化，其中叉燒大門拉麵就是我們最喜愛的，每次去都會點！除了拉麵，大門亦有很多飯類可供提供，例如是定食、鐵板，或者炒飯，以平民價的價錢能夠吃到日本餐，性價比都是相當高的！以環境來說，大門是在一間AEON超市入面，因此不是太多人知道，不用經常排隊等位，而且環境尚算舒適，亦有高枱、有卡位，和家人吃一頓簡單的便飯，都是相當不錯的選擇哦！