大阪王將 (已結業)

記得一年前去過呢間分店覺得麻麻地，今日再去反而係感覺佢進步咗。中午時候去到，唔駛等位就坐低咗。今次叫咗個王將炒飯加餃子餐，堂食的關係，仲有面鼓湯送。成個餐價錢同分量都好合理，D炒飯炒得唔錯，有少少肉，有蛋花香，個餃子有6隻，煎得幾好，但略嫌個餃子皮脆番少少就仲好另外，面鼓湯幾好味，炒飯跟呢個湯會冇咁乾。今時今日，$100有找，仲要質素唔差的飯餐都難搵。

見新裝修 又想試下就行左入去先叫左一碗地獄叉燒拉麵，，，算喇都預左係咁，中等，不太辣，叉燒幾大件，價錢正常。再追加左一碟餃子 ，一嚟到o左咀。。。一睇油淋淋.又唔脆，餡料就唔錯，但係似係油浸多過煎...冇下次...

食物質素麻麻，服務人員又係麻麻，要order汔水男侍應黑口黑面求其應「等等」，一等行左去費時做你生意款再冇返轉頭！外買蛋包飯問都吾聲便將成兜醬汁淋落碗飯到便算！問他們點解這樣仲要話係吾問，你出聲囉！真吹脹！堂食你又吾直接將汁淋落碟飯到？！此店只去幫襯一次，以後拒絕再去😡😏

次次來荃灣行街最鍾意食大阪王將嘅蛋包飯全個飯都可以自己組我今次飯底揀咗菜飯 平時出面比較少機會食到餸就揀咗自家製漢堡 佢係雞肉整成嘅漢堡扒超厚身口感十足不過最滿足一定係佢大大嚿蛋包住成個飯蛋身煮得半生熟非常滑溜 微微半水狀態好正👍🏻 美中不足就係略嫌個咖喱汁比較咸 我一開始吾知倒晒成個汁落飯到gg

以前因工作關係常到荃灣，這間大阪王將吃過多次，對店員和食物的印象都很好。隔了一段長時間後再到這商場，立即決定到大阪王將回味一下。來到店舖門口，發現裝潢改變了不少：以前是比較樸素務實的日式感覺，現在就走花俏可愛路線。本人就比軟喜歡以前的裝修今晚我們選了啤酒餐。有啤酒、餃子、炸雞和枝豆。全個餐最靠譜的是朝日啤和枝豆！餃子上枱的時候不夠熱，皮也腍了與先前來吃之時完全不同！炸雞更差，又乾又燶，我們吃了一塊(共有三塊)已不能再吃，連照片也忘了拍！手鍋日本肥牛餐。這個不過不失，鍋燒肥牛有五至六片，另有金菇和洋蔥，湯底偏淡，但比起炸雞和餃子已算不錯。最後我們還要了一個小吃：蟹肉忌廉薯餅。當然點菜的時候我們不知道這裏的食物質素已經下跌至這個地步，要不然也不會浪費錢再叫小食(三件小薯餅索價$42)薯餅體積固然小，味道也不甚了了，説好的蟹肉無處可尋本人懷疑大阪王將集團不知道是不是換了經營者，無論餐廳風格與提供的食物選擇也與以前極不相同，可惜新不如舊，食物水準及服務水平一落千丈最近兩次光顧(另一次在淘大花園)的感覺也很差，相信真的不會再來了！

呢間餐廳我起銅鑼灣食過{已結業}<(_ _)>覺得ok所以再光顧一番入到去都幾full，不過仲有少量位，但個服務員都要我拎張飛等，拎左唔夠3秒就叫我入座，好怪燒汁漢堡扒菜，汁醬都好唔夾，唯一好味就得塊漢堡扒，好有肉汁，呢款菜色只可以用飽肚黎形容叉燒拉麵塊叉燒好唔掂水，好厚唔淋，仲好難咬，個靈魂已死整體都係麻麻地（塊漢堡扒救返d 分)

好老實，我都諗左一段時間先決定入去食，因為價錢有Ｄ偏貴。最後係無乜其他選擇之下都入左，叫左個叉燒拉麵食好基本好穩陣啦。結果就係咁，整體ＯＫ既，賣相一般，湯底算濃，麵太淋。只係Ｄ伙記比較遲鈍，明明有位我都要係外面等左５—１０分鐘。下下我都要舉幾次手，講幾次先真係做到比我。個餐有跟個雪榚，收晒我Ｄ野又唔識比個雪榚我，要我自己開聲追。叫佢埋單又要叫左兩次先幫我埋，好彩我兩個鐘LUNCH時間，唔係就真係比佢玩到遲到。

去荃灣睇戲前搵野食,行過位於AEON入面既呢間大阪王將,見佢入面有D香味吸引我就入左去LU~之前係旺角食過大阪王將,唔知係咪同一間,D野似似地又唔係好似,果間好似高級D同貴少少,呢間就平民D~ ANYWAY,好食就得啦~望完MENU,原來可以自己配搭蛋包飯同拉面~元祖汁+元祖蛋包+紫菜飯配炸雞---汁同蛋包都正正常常,唔差喎~紫菜飯其實係加左味素,所以味道一定唔死得人,但我覺得味素應該係淨係配飯LOR,加埋其他野就無左佢個FUNCTION...炸雞係正,唔厚粉又唔油又唔乾~~~加左錢配六隻餃子同汽水,餃子係佢地既招牌,應該唔會死既~果然唔錯,皮脆肉多汁,又唔會太咸,皮又唔會太厚~呢間餐廳又真係唔錯喎~

晌荃灣附近行街，去咗吉之島入面嘅大阪王將食嘢抖吓。朋友個咖哩吉列豚扒香滑天津飯定食，原本都唔知咩係天津飯，上網search到原來係指蟹肉炒蛋燴飯，係日式中華料理嘅一種，朋友話味道都OK。朋友嘅定食仲包埋元祖餃子同豆腐味噌湯，餃子係即叫即煎，食落都幾多汁。我嘅九州雞扒拉麵，湯底係醬油味，碗仔細細份量唔多，以我嚟講已經夠飽，但係就冇餃子咁好味。

今日帶Ｂ女去荃灣参加同年同月同日生的2歳party, 参加前首先要喂飽Ｂ女. 在吉之島內有幾間快餐店, 揀間在日本薄有名氣的「大阪王將」試下. 上綱一查原來四州集團持有「大阪王將」的股份, 在香港都有幾間分店但從未有光顧, 今日終於付出我們的第一次!「大阪王將」地方不太大, 而且位於超市內, 感覺似Food court多點. 半開放式的廚房, 只見員工煮麵, 未見有員工即席包餃子.一貫日本餐廳的做法, 在門口當眼位放有餐廳食物模型, 幾可亂真!枱的擺設一字排開, 少了份私隱. 面向街景的坐位會比較開揚. 枱下有個小籃給客人放私人物品, 另一日本餐廳的貼心服務.Menu十分colorful充滿日本特色圖案, 十足一本兒童讀物.立即為女兒叫碗麵, 這裏的麵食是自由組合. 1) 麵條(有烏冬, 拉麵及蕎麥麵), 2)湯底(有昆布, 豚骨, 味噌, 地獄及醤油)及 3) 最後從十多款配菜中選一. 此做法彈性大, 加上Menu圖文並茂清楚易明, 不錯的設計.最後點了<洋蔥肥牛配豚骨湯烏冬$68> 賣相及味道同樣的普通. 湯底有香濃的豬骨湯味, 但味精稍重. 烏冬稍粗身, 但質感尚

行街都行到黃昏, 比較累不想煮晚飯, 就選擇血拚完的吉吉島附近搵食, 呢間有時都見人龍, 應該OK, 就試一試。見有個有蟹肉的飯就點, 套餐價會包餃子及麵豉湯, 唔洗一百蚊就食到, 都算平。蟹肉飯造型不錯, 但.......一口飯配少許汁, 飯就當然無得輸, 但汁.....太咸了, 原本用的湯底已經好咸, 再用湯打茨汁, 糊糊的, 令我想起以為某某大學的頹廢飯~.~成個飯最好最係飯上的少少蟹肉及白飯, 所以好努力盛起所有汁, 就勉強可食到半份飯. 麵豉湯有同樣問題, 不多說了...煎餃子- 煎得都剛剛好, 夠熱(可能已有標準起菜的時間), 底煎有少少脆, 應該有用少量粉漿增加脆脆面及連起獨立的餃子。肉質比較碎, 勝在調味適中, 好快就俾我食哂多人排隊, 未必是因為食物上, 可能是人多時間, 或職員的能力, 有好多原因, 並不等於食物的質素上好....

經過吉之島 見甘多人排隊唸住試下拉等左二十幾分鐘就有位拉等梗就睇下牆貼住既餐單有咩食讚👍🏻位下面有個好似盒果d 俾客人放袋野食算大份 一個女仔食一個餐都食吾曬伏👎🏻個環境好細既 d位好迫下個蛋包飯好多蛋 仲要有蛋殻 蛋應該有落牛油 好頂胃七十幾蚊完全吾值

星期6唔駛番工，於是搵個FRD聚下。本身朋友住荃灣，所以去到個邊搵食。我同個朋友都鍾意食日本野，特別係拉麵，於是見到大阪王將中午12點左右開咗舖就去咗食。我地見店內冇乜人所以問可唔可以坐近窗，個伙計就即刻話，下呢度冇一個位有窗。OK其實我地應該係講貼住落地玻璃嘅位。於是佢就話是但你地啦。真係覺得可唔可以態度好DD之後我地就叫野食，我叫咗叉燒豬骨拉麵連餃子。D湯底冇咩特別，叉燒都幾好質感，但冇乜味。拉麵就硬咗D~唯一好就係D餃子幾好食，唔會煎到燶晒。個餐唔算平，又唔包野飲，所以未必會再來。大把拉麵店好過佢。

朕一個人去睇影畫戲，突然間想食餃子，於是乎就去左就近既大阪王將，一入到去就叫左個蒜片肥牛丼定食，跟埋個餃子。蒜片肥牛丼，蒜片不多，但係肥牛既份量就幾多，個面仲加左少少芝蔴同䓤花，食落香口，而個餃子就煎到個面香脆，入面啲肉就仲有肉汁流出，唔會乾身。－－－－－完－－－－－

餃子香脆，內有肉汁 非常簡單的蛋碎蔥花炒飯 叉燒很肥，麵很硬，公仔麵好食過佢 咖哩吉列豬扒天津飯，豬扒鬆化，略多肥膏，不過蛋相當滑，飯相當香，可惜都被這個藥味咖哩破壞了